حلمت أني تزوجت بدون علمي

حلمت اني يوم عرسي و كان مفجاه يعني مكنتش مخطوبه اصلا زي ما اكون ف الرؤيه كنت نايمه وصحيت قالولى انهارده فرحك و جريت ع اوضه اختي الصغيره اقولها فرحي ازاى انا محجزتش كوافير و لا قاعه ولا اى حاجه انا مش فاكره اي حاجه ولا حتي عارفه مين العريس بعدها والدى جه خدني و روحنا ركبنا عربيه تقريبا عشان الفرح فانا باقوله هو انا شوفت العريس دا؟! هو انا قعدت معاه كذا مره و سالته الاسئله اللي بسألها لاي حد بيتقدملي؟! انا مش فاكراه خالص ؟ انا هاتجوزه كدا ازاى؟ كل دا وانا ف حاله اندهاش وكانى ف ابحلم فاقده الزاكره مثلا وهو مردش عليا ف بعدين انا باسئله باقوله طب هو معاه كليه اي قالي دكتور جلديه واهله تجار معارفي و انا باثق فيهم جدااا ، باقوله طب القاعه حتي اللي هنعمل فيها الفرح فين قالي ما احنا رايحين ليها اهو قبل ما تروحي للكوافير وتجهزي روحنا مكان كدا زى ما يكون علي النيل و لقيت اهله قاعدين فيه زي مكان اوبن اير كدا وفيه صيادين بيصطادو و لقيت العريس دا و فجاه كانى لبست وجهزت ف ثانيه وبقيت قاعده جمبه فببصله كدا وباقوله هو انا شوفتك قبل كدا او اتكلمت معاك؟ هو اخنا اتخطبنا امتي؟! هو رد عليا ف الحلم رد طمني بيه وفرحت ساعتها بس مش فاكره خالص رده دا ، وبعدها فضلت ابص لشكله كدا كان وسيم جدا وابيض ولابس بدله شيك اوي وباين عليه طيب ف فرحت كمان وقولت مش مشكله انى مكنتش عارفاه قبل كدا واتجوزنا فجاه هو عاجبنى وانا حبيته، بس طول الرؤيه كان عندي احساس ان ابويا واختي كانهم عاوزين يخلصو مني وماصدقو اتجوز وعاوزين كل حاجه تمشي بسرعه الصاروخ و فيه حد ف الحلم قالي ابوكى موافق عليه وهو دا المهم واتجوزى وخلصينا باه ، .. بس انتهت الرؤيه انا عزباء متخطبتش قبل كدا ولا تزوجت .. ارجو التفسير