أكل السمك في المنام

حلمت أن انا واختى كنا بناكل سمك فى عمارة جدتى المتوفية، وبعد ما أكلنا نزلنا الشارع ولقيت الدنيا بتمطر و لما بصيت فى السماء لقيت اسماء كتير مكتوبة.. وقريت جملة الدعاء إلى مريم و حاولت ادور على أسمى مالقتهوش بس قريت اسم يوسف، وبعد كده ببص على رجلى لقيت نفسى حافية فقولت لاختى تعالى نرجع علشان اشوف جزمتى فين،ولما رجعت للعمارة اللى كنا فيها دخلنا شقة جدتى( هى متوفية في الحقيقة)، سلمنا عليها وكنت بنبتسم لينا و قالتلى مش بشوفك بتطلعى زكاة فقولتلها أنى بتصدق، فقالتلى لا الصدقة غير الزكاة بس انا مافهمتش هى قصدها ايه لانى طالبة مش بشتغل.. وبعد كده سألتنى انا واختى عن الصلاة. انا قولتلها انى الحمد لله بصلى وملتزمة واختى قالتلها أنها بتصلى ولكن لسه بتجتهد علشان تكون احسن. وبعد كده فضلت تنصحنا وقالتلنا اعملوا لاخرتكم لأن الحياة قصيرة،وانتهى الحلم،  انا طالبة عمرى ٢١ سنه واختى طالبة عمرها ١٩ سنه. وجدتى متوفية، مع العلم انى أرى نفسى كثيرا فى احلام مختلفة بدون حزائى.