صورة علم Egypt
من مجهول
منذ 10 شهور 10 إجابات
2 0 0 2
  • لم أرى في حياتي أم تشوه سمعة ابنتها فما رأيكم بأمي؟

    انا والدتى علاقتنا بقت وحشه جدا. من وانا صغيرة وماما كانت قاسيه فى تعاملها معايا كان ممكن لو قلت حرف غلط او كلمه عادية بس هى فهمتها غلط كنت انضرب ضرب عنيف افتكر فى مرة كنت تقريبا فى سن طفله فى الحضانه وكنت انا وماما واختى وخالتى وبنت خالتى خارجين نشترى هدوم بنت خالتى راحت قالت لماما ان انا شتمت مع ان والله العظيم انا مكنتش شتمت واله قولت اى حاجة قامت ضربانى بقسوة وتشتمنى شتايم وحشه واختى تحلف لماما ان انا معملتش حاجة وبردة مش راضيه تبطل شتايم فيا والناس تتفرج وكان لو اتصرفت تصرف ما معجبهاش كنت انضرب واتهان ادام اى حد ومن وانا صغيرة كانت تفضل تحكى ليا مشاكل ليها هى وبابا لغاية ما انا كطفله بقى عندى عقدة من الجواز طبعا قسوتها عليا من وانا صغيرة كانت السبب فى ان انا بمجرد ما بقيت اعرف ادافع عن نفسى بقيت احاول مخليهاش تضربنى وبقيت ادافع عن نفسى وبمجرد ما كبرت شويه لو حكيت ليها اى حاجة كانت تحكى لخالتى وجدتى الى هيه امها وتحكى لزميلها فى الشغل وحتى جيرانا وممكن اهل بابا كمان مكنتش بعرف احكيلها اى حاجة زى اى ام وبنتها ولما دخلت سن المراهقة وفيه شاب كان حبنى معرفتش احكيلها وروحت حكيت لبابا ولو اى مشكله حصلتلى كنت احكى لبابا كنت مفتقدة احتواء الام فى اكتر فترة كان مفروض تبقى قريبه منى كان لو اى واحدة من صحابى حكت قد ايه مامتها حنينه ومحتوياها كنت ازعل اوى كنت لما اشوف مامتهم ازاى ناس متحضرة على الرغم من ان معظمهم مش متعلمين واشوف امى بتتعامل ازاى الاقى فرق شاسع على الرغم من ان امى متعلمه واحنا من اسرة راقيه وصلت ان امى لما عرفت صدفه ان فيه شاب بيحبنى خلتنا قاعدين كلنا وكان خالى بيزرنا حكت الموضوع وبالاضافه انها حكت موقف محصلتش زى ان انا كنت بقف استناه فى الشارع وحاجات تانيه وحشه جدا مش هقدر اقولها انا عيط من الى سمعته ازاى ام تقول كدة على بنتها ازاى ام تدمر سمعت بنتها وبعد داه كله تيجى تقول انا بخاف عليكوا من الهوا الطاير وفى مرة كنت تعبت وورتلها جزء فى جسمى الى كان فيه التعب راحت حكت لجدتى وجدتى حكت لمرات خالى مع ان موضوع تعبى كان حساس شوية وبردة فى مرة رحتلها الشغل وواقفه بكلمها جيه واحد زميلها هو كان استاذى سلمت عليه فضل ماسك ايدى ويقول ليها مش قولتلك انها كان مشروع ولد وقلب على بنت وهى تقوله اه والله واحاول اسحب ايدى من ايده يمسكها تانى. انا قولت ان انا وبابا قريبين من بعض فى مرة كنت بتكلم معاه واخويا الصغير كان عايزة طلب منى قولتله استنى ثوانى بكلم بابا راح يعيط لماما ماما تعلى صوتها وتقول ماهى الفلوس مجنانكوا داه كله عشان فلوسه قصدها ان انا مهتميه بى بابا عشان فلوسه انتوا متخيلين وبردة جدتى بتقول فلوس ابكوا مجنانكوا. انا عاد اسلوبى معاها جاف جدا عنت ممكن ازعلها ومبقاش عايزة اصالحها مع ان انا فى الاول كنت اقسم بالله ممكن اعيط لو قلت ليها كلمه وزعلة منى مبقتش بحس نحيتها بأى نوع من الحب مبقتش اتقبل فكرة ان اقعد معاها ونتكلم او اهزر وبقيت بغلط وانا بتكلم معاها ومبحسش بأى تأنيب ضمير انا والله العظيم عمرى ما كنت كده واله داه كان اسلوبى واله شخصيتى انا كنت احن واحدة ممكن اى حد يشوفها حنيتى كانت فوق الوصف انا مش مبالغ بس ديه الحقيقه اما دلوقتى معنتش زى الاول انا تعبت اقسم بالله معاد عندى طاقه ارجوكم ساعدونى


أسئلة ذات علاقة