طلبات خطيبتي المرهقة على وشك أن تخسرني تجارتي

انا خاطب فتاه اصغر مني ب 9سنين وبقالنا 6سنين مخطوبين بسبب طلبهم شقه زي اخواتي اللي سبقوني الزواج وفعلا قدمت في برج جديد علي النيل مباشره دفعت الفلوس اللي معايا مقدم ولسه بدفع الاقساط الللي ارهقتني ماديا واسرتعلي شغلي فانا تاجر تجزءه ودخلت في ديون كبيره قبل جوازي البنت جميله بمعني الكلمه بس نرجسيه حبتها وهي متعلقه بيا بس بتنتقد شكلي علي طول تقولي خس روح الجيم اهتم بنفسك انا عارف اتغيرت خلال ال6سنين دول وجسمي تخن وحاسس ان حالتي النفسيه كءيبه مع ان اللي كان يشوف وشي قبل الخطوبه يقول عليا بيبي فيس ودايما مبتسم طلبتها كتير ومبتنتهيش زاكرت معاها من ايام الكليه وجابت تقدير جيد واشتغلت بعد الكليه كان نفسها تكون موديل بقيت اسافر معاها للعاصمه لتصوير السيشن وارجع وشغلي مشيله لاخويا مستواهم المادي علي قد الحال بس متربيين لما دخلت الحياه رالعمليه بدات اغير من زمايلها بتكلمهم عادي مع انها عمرها ما كانت بتكلم اولاد غرب . وبقت تحطني في مقارنات مع زمايلها بس للحق هي وفيه ومقدرش اقول عليها حاجه. دايما تشتكي من امي من اهلي تقولي مش عاوزني كل لما اجي اجيب حاجه للشقه عشان افرشها ما بيعجبهاش حاجه بسهوله بس بترضي في الاخر الشقه خلصت وارهقتني جدا وتجارتي هي اللي اتاثرت خصوصا لسه الدين كبير بقالي 3سنين بسد فيه ولسه سنتين سعر الشقه والعربيه اتغير وزاد وبتقولي ادعيلي لولا زني عليك ما كنتش جبت حاجه بس انا سني دلوقت 34سنه وكان نفسي اشوف اولادي تقولي كله باوان وهنجيب احلي ولاد ولد وبنت بس. بنتخانق اكتر ما بنتصالح اخدت مني العيديه وتخاصمنا عشان خدت منها العربيه بتاعتيوعامله مقموصه عشان بعد العيد بقولها ماما طالعه تزعق بتقول انك شوفتيها وانت راكبه العربيه ومنزلتيش تسلمي عليها قالتلي والله ماحصل ومن كلامها فعلاماحصلش انا عارف أمي مزوداها شويه بس انا تعبت المفروض هنتجوز بعد العيد الكبير بس شكل اهلها مش مستعدين ماديا دلوقتي وضعهم مش كويس وانا والله مش عايزها تجيب حاجه بيس هي ما رحمونيش وكان ممكن نتجوز من 4سنين علي الاقل لوجود شقه تانيه اسكان تعاوني بس كنت بتحدي نفسي عشان اوريها ان اقدر اعمل ليها اللي نفسها فيه وبصراحه كنت بعمل لنفسي برده انا دلوقتي بفكر اكبر دماغي وابيع الشقه والعربيه عشان خاطر تجارتي اللي قربت تنهار ومش مهم جواز لحد ماربنا يفرجها. وزعلان منها قويمتخيله ان وقوفها جنبي ان هي زنت عليا اجيب حاجات غاليه مش عارف استمتع بيها ولا ليها طعم اسف علي الاطاله مش عارف لوفسخت الخطوبه هقدر استحمل ولا لا حاسس ان 6سنين عشره بس والله تعبت