خائفة على نفسي كثيراً بسبب تهديدات طليقة أخي لي

add_commentأضف إجابتك

thumb_downلم يعجبني0

خائفة على نفسي كثيراً بسبب تهديدات طليقة أخي لي
اخويا الكبير طلق مراته من حوالى ٦ شهور ومفيش نيه نهائى انهم يرجعوا لبعض مع ان فيه بنهم طفل عنده ١٠ شهور مراته عمرها ما حبتنى كانت كرهانى من اول يوم خطوبة مع ان عمرى ما عملت حاجة ولا ادخلت بينهم ولو لحظة ولان انا ادركت كرهها ليا من البداية كنت بحاول على قد ما اقدر مخليش فيه اختلاط بينا عشان المشاكل مع انها كانت دايما بتتعمد تعمل معايا مشاكل و والدتها اكتر من مرة تغلط فيا وتهينى وانا اسكت عشان مخربش بيت اخويا وهى من اول شهر جواز حملت عشان تبقى رابطه اخويا بيها واخويا يوم ما عرف قالها تعالى نخرج وجم عندنا وكان هيموت من السعاده و هى ادايقت وسمعتها بتقولوا عرفت اختك ليه وهى مالها بينا واتخانقوا مع ان اخويا بعدها عرف ان مامتها كانت حاسبه كل حاجةبالورقه والقلم عشان يحصل حمل اخويا اتجوز اقل من سنه ونص فى خلال الفترة دى انا مدخلتش بيت اخويا غير ٣ مرات والمرة الاخير كانت سبب الانفصال كانت حماته موجوده وفضلوا سايبينى فى الصالة ما يقارب من الساعه الا تلت لوحدى وبعدين نديت على اخويا عشان مفروض انه كان جاى معايا نخلص مشاوير لقيت حماته خارجة وبتزعقلى زى ما اكون عيلة وتقولى جاية ايدك فاضية لا شايلة ولا محمله حاجة كدا محدش علمك الزوق لما تيجى زيارة لحد حاولت اتعامل على اساس انها بتهزر وقولتلها حضرتك انا مش غريبة داه بيت اخويا لقيتها انفعلت عليا وخرجت مرات اخويا وهانونى بالمعنى الحرفى مسحوا بكرامتى الارض وقالولى يعنى حته مش عارفه تخلى الراجل يتهنى بمراته سكت وقمت عشان امشى اخويا لقيته خارج من اوضة النوم شكله كان نايم وصحى على صوتنا جيت امشى اخويا رفض ان امشى وحصل مشادة بينه وبين حماته تدخلت مراته بقلة ادب الموضوع كبر ومشيت وسابت البيت حاولوا ناس قرايبنا يدخلوا يصلحوا الوضع اهل مراته غلطوا فينا وحتى مراته قالت كلام جارح فى حق اخويا وحقى اخويا طلقها وحتى بعد ما اطلقت فضلت تغلط فى اخويا هو دلوقتى خطب وفرحه قريب ان شاء الله خطب واحده قمة فى الاخلاق والبنت دى اصلا اخت صاحبه الانتيم وانا وهى صحاب من واحنا اطفال هى كانت بتحب اخويا من زمان بس اخويا عمره ما خد باله هو دلوقتى بيجهز الشقه اللي المفروض كان يتجوز فيها من زمان بس بسبب طليقته اصرت انه يشترى شقه قريبه من مامتها المهم دلوقتى اخويا رجع تانى يعش حياته بسعاده وراحت بال تانى وخطيبته طيبه فوق ما تتخيلوا المهم مراته جاتلى جامعتى انا فى طب فى اخر سنه جات اعتذرت وفضلت تعيط وتقولى انا غلط فى حقك وفى حق جوزى بس انا بحبه ولسه بحبه سامحينى وتعيط قالتلى اخوكى لو اتجوز انا هموت قولتلها وانا مفيش فى ايدى حاجة اعملها قالتلى تقدرى تدخلى بوظيله الجوازة حرام عليكى تظلمينى وتظلمى ابنه انه يتربى بعيد عن ابوه قولتلها انا معملتش حاجة عشان اظلمك قالتلى انتى السبب فى طلاقى قولتلها مترميش غلطك عليا انتى وامك كنتوا السبب المهم الكلام طول بنا بس من ساعتها وانا حساه بتأنيب ضمير هيقتلنى ان انا اكون سبب هدم بيت اخويا وتربيت ابن بعيد عن ابوه انا حكيت كل حاجة حصلت وانا مش شايفه نفسى عملت حاجة بس دلوقتى اخويا فعلا حياته رجعت تانى تستقر البنت اللي خطبها بتحبه وهو بردة حبها هى اهلها متوفيين معندهاش غير اخوها صاحب اخويا هى مقربة منى جدا لدرجة انها الايام دى بتجهز اللبس بتاع جوازها وبتاخدنى معاها وهى راحه تشترى كل حاجة اختيارها فى ديكور شقتها بتشاركينى فيه من اصغر حاجة لاكبر حاجة بتحكيلى كل حاجة حتى لما هى واخويا بيتخانقوا بتتصل تشكيلى زى ما اكون اختها هى طليقة اخويا كلمت خطيبته من كام يوم وشتمتها وغلطت فيها وبعتت ناس راحوا ليها الصيدلية بتاعتها هددوها اخويا و اخو خطيبته ظباط وبيسافروا شغل وبنفضل ايام لوحدينا فى الببت بقيت بخاف اوى وبصراحه خايفة احكى لاخويا اكون انا سبب فى المشاكل تانى
add_commentأضف إجابتك

thumb_down لم يعجبني 0

إجابات السؤال

صورة علم United States
أضف إجابتك على السؤال هنا
  • خبيرة تطوير الذات د. سناء عبده
    خبيرة تطوير الذات د. سناء عبده verified_userاهلا بك يا ابنتي ولا تحملي نفسك لزوم ما لا يلزم واريدك ان تكوني قوية وواعية، الزواج قسمة ونصيب وهو لا نصيب له معها، وكما قال المثل على نفسها جنت براقش ولكن بالصدفة ان الامر حصل وانت هناك، واخوك لم يطلقها بسبب هذا الموقف بل طلقها بسبب ما حدث لاحقا وهي شعرت بالندم، والحمد لله اخوك استقر، الان اريدك ان تكوني قوية وان اقتربت من الصيدلية عند مرات اخوك دعيها تتصل بالشرطة او ان تكلمت معها بالهاتف او هددتها، فقط تعمل لها تسجيل وتحفظ الرسائل، لا تخافي منها فهي طليقة ولا حق لها عندكم، ويجب ان يعرف اخوك بالأمر ودعيها هي من تخبره او الوالدة ولكن ليس انت، والمهم ان لا تجعليها تخيفك، ولا تتكلمي معها فقط احتفظي بالدليل او اتصلي فورا بالشرطة واعملي عليها محضر، وبما ان اخوك ضابط اعتقد انها لن تجرؤ على لااقتراب منك، واريدك ان تركزي في دراستك وتفوقك وربي يوفقك.
  • صورة علم Saudi Arabia
    صورة علم Saudi Arabia
    مجهول
    اهلا اختي... مثل هذه لايصلح ان تكون زوجة و ام..ايه البلطجه دي؟؟ لازم اخوك يعرف بموضوع شتمها لخطيبته وتهديدهم ليها.. لااازم حد يوقفها عند حدها والا ستتمادى لانها ستشعر بضعفك انتي وخطيبة اخوك... خلي اخوك يتهنى ويتزوج من تستحقه..مش وحده اقل شيئ يقال عنها انها بلطجيه... وانتبهي تؤثر فيك دموع التماسيح اللي نزلتها عندك في الجامعه...
  • صورة علم United Arab Emirates
    صورة علم United Arab Emirates
    مجهول
    المفروض انك تكلمي اخوكي عن تهجم طليقته عليكم .ومافيش داعي ابدا انك تحسي بتأنيب الضمير لانها مش محترمه ..اسمحي لي بالكلمه لو كانت فعلا بنت ناس على خلق كان بان في موقف مامتها منك بس للاسف البيئه اللي طلعوا منها في القاع فما تنتظري منهم حاجه حلوه.ياريت تبلغي اخوكي عشان ياخد موقف بلاش تأذيه في حياته الجايهوممكن خطيبته والافضل تبلغ اخوها وهو يكون عنده خبر
  • صورة علم Qatar
    صورة علم Qatar
    مجهول
    لازم اخوكى وأخوها خطيبة اخوكى الظابط يعرف لانها ممكن ترش فى وشها مية نار وتعملوا محضر فى اقرب قسم بعدم التعدى وَيَا دكتوره لما وحده بلطجيه زى طليقة اخوكى تغلط فيكى اغلطى فى ام ام ام امها ولو مش عارفه تشتمى قوليلى فين المجرمه دى وانا اطلعلك عبن امها بنت التيييييت دى خلى بالك على نفسك يا دكتوره
  • صورة علم Jordan
    صورة علم Jordan
    مجهول
    اسمعي اذا اجت طليقة اخوك تهدد اسحبي حالك انت وخطيبة اخوك وبلغي الشرطة وقدموا بلاغ بالتهديد. شو ما في قانون هي الامور سايبة ما بردعها الا القوة ناس بتخاف ما بتختيشيش
  • صورة علم Saudi Arabia
    صورة علم Saudi Arabia
    مجهول
    احكي لاخوكي يلي حصل
  • صورة علم Tunisia
    صورة علم Tunisia
    مجهول
    لا تلعبي دور الملاك لأنه واضح انك من النوع الذي يريد التدخل في حياتهم الزوجية و هذا واضح من طريقة كلامك . ما هو العيب ان خططت للحمل بمساعدة أمها ؟ اصلا هذه أمور لا تخصك ! شعورك بتأنيب الضمير يدل على انك في داخلك تعريفين أن لك دور في خراب بيت اخيك ، اعلمي ان الظلم ظلمات و سوف يأتي الدور عليك ، و اخوك ربما سعيد آلان بزواجه الثاني و لكن تأكدي انه سيأتي يوم و يشتاق إلى زوجته و سيعود اليها انصحك أن تصاريحي نفسك و تحاسيبها و أن وجدت نفسك قد تسببت في هذا الطلاق انصحك بالاستغفار و الاعتذار منها و عدم التدخل لا في زوجته الأولى و لا الثانية ، اهتمي بحياتك و لا تتدخلي في حياة غيرك
  • صورة علم
    صورة علم
    مجهول
    لو هذه المرأة عادت من جديد لزوجها وبيتها راح تكون اقوى من الاول و اوقح صدقني لأنها راح تظني انها فلتت بفعلتها الاولى وانها قادرة على فعل هذا كل مرة وستتجبر، لذلك ما هي فيه الان هو افضل شئ
  • صورة علم
    صورة علم
    مجهول
    هل تعتقدي ان بعودته لهذه المرأة ستنصرين الحق، بالعكس هو في هذه الحالة سيظلم امرأة فعلا مالها ذنب في كل هذا بالعكس ربما تكون هي طوق النجاة الوحيد له لذلك لا تشعري بالذنب تجاه امرأة هي من هدمت بيت زوجها بهذه الافعال البشعة هي وامها
  • صورة علم
    صورة علم
    مجهول
    انتي لم تكوني السبب في البداية حتى تكوني السبب بعد ذلك، لأن هذه المرأة وامها أشخاص غير جيدة من البداية والنهاية التي حدثت معهم هي النهاية الطبيعية، يجب ان تخبري اخوكي حتى يحميكي ويحمي خطيبته من هذه المرأة السيئة والتي يمكنها أن تؤذيكي انتي او هذه البنت المسكينة
صورة علم United States
أضف إجابتك على السؤال هنا