صورة علم Oman
من مجهول
منذ 8 شهور 8 إجابات
0 0 0 0

سرقت هاتف ابنة خالتي فتحولت حياتي لجحيم

حسبي الله على أهلي . سلامُ اللهِ عليكم جميعاً ، بطرح لكم مشكلتي اللي اعاني منها من خمس سنوات وانا كل يوم اقول ان شاءالله بكره يصير احسن لكن والله تعبت احس حياتي تعب علي بشكل كبييير لدرجه اني حاولت انتحر بس عدت ع خير ، عمري الحين ١٨ سنه وكل اللي بكتبه لكم صدقوني ولا شي من اللي اعيشه بس بحاول انقل لكم معاناتي والله ييسرها ع خير ، لما كنت صف ثامن كنت اشوف كل البنات اللي معي معاهم


جوالات واشوف نفسي ناقصه الله يهيديني رحت سرقت جوال بنت خالي ايفون قلت بسرقه يوم وبخذه اوريه صاحباتي وارجعه لكن اهلي كشفوني من هذاك اليوم وانا احس نفسي عايشه ب جحيم كان الوالد يبي يتكلم معي انه ليش سرقتي ويبي يضربني وانا كنت نايمه تتخيلوا انه رفسني وانا نايمه؟ الى يومكم هذا وهوه يعاملني معامله الشغاله ، كنت لما اروح بيت عمتي يرجع البيت م يحصلني يجي بيت عمتي ويكفخني قدام الكل ، دايما يقولي انا اخجل اقول انتِ بنتي وانتِ غبيه وأنتِ م فيك ادب ، يشك فيني وانا والله ماسكه نفسي وحاشمه نفسي من الرجال ، تدرون سبب كرهه لي هوه انني اجمل خواتي؟ يظن انه هدفي الشباب ، يكره ياخذني معاه لانني جميله وم يحب احد يشوف علي ، طيب هذا من الله كيف اغيره ، اشوه نفسي عشان هو يرتاح؟؟ كل م طلعت من اختبار وقلت كان صعب قال اصلاً انتِ غبيه وانتِ م راح تدخلي الجامعه اللي تبيها بدخلك الجامعه اللي انا ابيها لك واذا رفضتي بتجلسي فالبيت نفس الشغاله ي شغاله ، شعور انك طالع من اختبار تعبان ونفسيتك مره تعبانه بسبب الاختبار وتسمع هذا الكلام !! الله لا يحسسكم فيه فعلاً ، مستواي الدراسي مع السنوات يتدنى بدون اراده مني والسبب اهلي وضغطهم وكلامهم والجامعه اللي اتمنى اني ادخلها مم صغري راحت بمعنى حلمي راح والسبب هم حسبي الله عليهم الله يذوقهم ضعف الالم اللي يخلوني اعيشه ، احاول اتهرب من بيتنا واروح بيت جدتي انام وهوه يتصل فالليل ف جدتي ويقولها شوفيها وخليها تنام جنبك وشوفيها وش تتابع ف التلفزيون ولا تخليها تطلع ، يشك فيني كثييييييير وانا الله اعلم بي ، حتى جدتي تقول لا عاد تجي ما دام اهلك كذا ، والله اخجل اقول بس انا من زمان اعرف انه يمارس الجنس مع شباب وساكته ولا علمت عنه احد وساتره عليه ، فعلاً من قال ( كلـ(ن) يرى الناس بعين طبعه ، هوه تفكيره خايس ويفكرني نفسه . انا ليه كاتبه اهلي وكل اللي كاتبته تحت عن الوالد؟ كلهم نفس بعض وامي تكرهني وتفرقني عن خواتي وتوسوس الوالد علي ، دعواتكم لي ، انصحوني قبل لا اتدهور ع حياتي لاني فعلياً ابي اعيش واحس اني بنت مهمه لاحد ع الاقل واعيش ف راحه ، دايما افكر اني انتحر بس اتعوذ من الشيطان واصلي وارجع عن شوري . الله يهدي الجميع والسموحه ع الاطاله.

أضف إجابتك

صورة علم United States
السؤال التالي