لن أقبل بمسامحتها على حساب سعادتي وحياتي

قضايا اجتماعية
animate

مرت اخي تسبب مشاكل لحياتي انا عندي مرت اخ انا و ياها بجيل بعض، و كنا ندرس مع بعض بنفس الجامعة طبعا لما خطبت كانت بعدها طالبة و كنت اي مادة بنزلها بالجامعة بتنزل متلي بس عشان تاخد الواجبات مني و بدون م تعمل شي، و كنت اساعدها بدراستها كتير و كنت انجحها مع انه هي مش شاطرة بالدراسة و عادت كتير مواد بالجامعة، ف اول مرة ساعدتها للمرة الالف و بعدها صار عندها لئم لما اسألها عن شي بموضوع الدراسة بتفكر حالها مش عارفة و بتروح عند اخوي بتصير تالف عليي كلام و تسبب مشاكل بيني و بين اخوي و مرة بتروح عند خواتي و نفس الشي ف صار مشاكل كتير بسببها، بعد هيك بطلت اساعدها بشي و بيوم من الايام طلبت مني طلب و الكون كله ما بقدر حدا يعمللها ياه لانو كانت واقعة بمشكلة كبيرة و اجت عندي بتمثل انها خايفة و بتعيط و اجت صحتني من النوم ع ساعة ٣ بالليل بس عشان اساعدها و حكيت بعقلي بعينك الله خلص ساعديها و حليلها المشكلة بدل م تكبر مشكلتها اكتر من هيك و ينخرب بيتها، ف حليت المشكلة و بعد م شافت اني ساعدتها و انحلت المشكلة طلبت مني اني اروح إصلاحها هي و اخوي و صالحتهم و بعد هيك رجعت للخبثنة تعتها و صارت ترجع تتمشكل معي، و بتروح عند كل واحد بالبيت بتالف كلام عشان الكل يوقف معها ضدي و صار متل م بدها، بس والله العظيم اني انا المظلومة بالقصة كلها،. و بعد م تزوجت طبعا سكنت معنا مدة سنة و هالسنة كانت عبارة عن مليون سنة بالنسبة الي صار كل م يجيلي عرسان بتصير بدها تخرب عليي و كتير اجالس ناس و هي كانت مقهورة كيف بجيلي كتير ناس و كل يوم يتصلوا مع اهلي ناس كتير بدهم يتقدمولي و كانوا ييجوا بس كنت أرفض لاني بدي اكمل الجامعة و طموحي بالأول و بعدها الزواج ف هي صارت تحكي لأخوي اختك اجالها ٥٠ واحد و كلهم رفضتهم ف يعني في مين بتستنى اكيد في حدا معين براسها و صارت تالف عليي كلام و صار مشاكل بيني و بين اخوي، فوق هاد كله اختصرتها و ضليتني مركزة بدراستي، و لما شافتني هيك انه كل تركيزي بس بالدراسة راحت فتحت اللابتوب تاعي و سلمت واجب لالي بدون حل و رسبتني فيو بس عشان ينزل معدلي و عرفت انه هي و راجعتها بالموضوع و بهدلتها لانه كان معدلي بال ٩٠ و بعدها نزل لل ٦٠بسببها لانه هاد الواجب عبارة عن نص معدل الكلاس لانه كان عبارة عن مشروع ، و بعدها سكتت َ بحكي ٨لص اختصرها لأنها وحدة مكيودة، و بعد هيك اتقدملي واحد و خطبت لانه حسيته هو الشخص المناسب لالي بكل شي و صار نصيب بينا و شافتني خطبت صارت تسببلي مشاكل بحياتي ايام الخطبة و صارت تتمشكل مع خطيبي و تعمل حركات صياعة قدامه و بعدها بتحكي لأخوي انه زوج اختك بطلع عليي مع انه هو دايما عيونه بالأرض و بعرفها انه هي شرانية ف مهتصرها من اول يوم خطبة، و صار مشاكل بيني و بين اخوي بسببها و ضلت هالمشاكل لحد يوم عرسي، و الله الخطبة تعني قديه كنت مبسوطة انا ََوخطيبي و منحب بعض لدرجة الجنون و كنا مبسوطين كتير ببعض بس لما نروح عالبيت عند اهلي بصير نهفات و مشاكل بسبب مرت اخوي، بسببها كرهت الخطبة و عجلت بزواجي، طبعا لاني ما بدي أطول الموضوع ما بدي احكي شو المشاكل تعتها و شو المشاكل يلي سبيتها لالي، بس كل هاد و مستحمله بالاخر وصلت معي خلص درجة عدم الاستحمال و صرت اكره الأرض يلي بتمشي عليها و صرت اعاملها معاملة لئيمة، و قطعت علاقتي معها علاقتي بس مع اخوي هي ممنوع تدخل بيتي و ممنوع اشوفها و اسلم عليها و اذا اجت بدها تحكي معي بطنشها و لا كأنه واقفة بتحكي معي، و المشكلة انه كل م اشوفها او كانت تدخل بيتي قبل م اخد هاد القرار بعد م تروح والله بصير بيني و بين زوجي مشاكل للسما بدون سبب و حياتنا بتتكركب، و حتى لما اشوفها بعد م تروح ما بعرف شو بصير بيني و بين زوجي مشاكلنا والله ما حدا بتحملها بس بتصير بدون سبب و بصير اتفشش بزوجي، بالاخر بحكي هاي البنت عينها متل البومة علينا خليني اختصر الحياة تعتها و اقطع علاقتي معها للأبد، و هيك والله اريح لالي لانه هي بس عبارة عن كتلة مشاكل متحركة بحياتي ف يعني وجودها وجعت راس لالي و عدو وجودها راحة، بس بعد م اخدت هاد القرار اهلي كلهم صاروا بدهم يصالحوني معها و حكيت كل شي صار بينا و المشاكل لأهلي و حكيت كل شي بقلبي و كلهم واقفين معي بس بحكولي احكي معها هي مسكينة بحكي لهم مسكينة!!!!!! مسكينة شو هاي شيطان و عمايلها والله لو بدي احكيهم لأخوي بتطلق عليهم بس اانا ساكتة ع كل شي عشان سعادة اخوي و ما بدي مشاكل بحياته، و أهلي عارفين انو معي حق بس بضلهم يضغطو عليي اني احكي معها و بالاخر صرت بس ارد السلام عليها و بدون نفس بس عشان اهلي بس والله بحس حالي مخنوقة لكا ارد السلام لاني انا ماهدة عهد ع حالي ما احكي معها ليوم الدين و التاس يلي يجيبو تعاسة لحياتي و مشاكل ما بدي ياهم بحياتي، الإنسان عايش مرة وحدة ليش اخلي الناس التعيس تنكد ع حياتي خليني مبوسطة بحياتي َ و رايقة، بس بعدها قطعتها نهائي حتى السلام ما بسلم لانو والله حتى السلام عليها صرت اضايق منه، و أهلي كلهم عارفين اني انا يلي معي حق يس مش عاجبهم هاد القرار و بضلهم يطلعوا عليي نظرات غريبة لما تيجي مرت اخوي و ما احكي ولا كلمة معها و لا كانو موجودة ف بحس اهلي بدايقوا من قراري كتير و صاروا يحسيسوني انو انا المخطئة، طيب بالله عليكم انا عشان اراضي الكل اسبب تعاسة لحياتي و مشاكل بحياتي الأسرية و الزوجية و اخلي بيته كله نكد بسببها، والله ما حد حاس فيني انا هاي البنت قد م اعطيتها ثقة بس خانت الثقة و الخيانة بدمها، و كل الناس حاولوا يصالحوني انا و ياها بس خلص قرار و اخدتو بشكل نهائي و ما حدا بقدر يصلحنا و انا اصلا ما بدي ياها بحياتي و لا بدي شوفتها، و أعلى بحكولي والله منعرف معك حق بس انتي قلبك طيب و سامحي هالمرة حكتلهم سامحت مليون مرة بس خلص الشغلة مش لعبة اذا الله حكى انو العفو عند المقدرة انا هلا مش قادرة اسامح ولالا شي، و كلهم بحكولي انو صار راسي يابس و بطلت اخود و اعطي مع حدا بهاد الموضوع، والله ماني عارفة شو اعمل و كيف اقنع الناس انو هاي المخلوقة ما بدي ياها بحياتي و خلصنا، و الله يستر عليها و ما بدي احكي فضايحها و عمايلها لأخوي لاني بهمني سعادة اخوي و تكون حياته بدون مشاكل بس هي البنت هاي مش قليلة و بنت مكيودة بمعنى الكلمة.فف ببدي حل اني كيف انهي الموضوع هاد و افهم الكل انو هاي البنت انا مطلعيتهاا من حياتي و ما حدا يفتح موضوعها معي.

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • الدكتورة سناء مصطفى عبده اهلا بك يا ابنتي واسمعي الشرع يبيح ان كان في صلة الرحم مضرة فيجوز قطعها وعدم الاتيان بها والبحث عن طرق اخرى لعمل المعروف، نصيحتي لك لا تصالحيها فتطمع بك اكثر وابق بعيدة ونعم الف عدو خارج بيتك ولا عدو داخل بيتك، تغافلي وتجاهلي وابتعدي عنها ولا تتعاملي الا بالمعروف ورد السلام وعدم الخوض في اي نقاش او تفاصيل فقط لابقاء شعرة معاوية. واخوك له بك في صلة الرحم والامر بالمعروف ان رغب بذلك وان لم يرغب الامر يعود له، وانت لك باخيك وتواصلي معه كل فترة واطمني علهي وضعي حد قاطع مع اهلك انك لا تريدين علاقة معها وانتهى الامر، ولا تسمحي باي نقاش معهم وقولي لهم لا يلدغ المؤمن من الجحر مرتين وانك لا تريدين اي علاقة وانتهى وهذا امر ورغبة زوجك وستطيعينه. وربي يوفقك.
  • صورة علم Saudi Arabia
    صورة علم Saudi Arabia
    من مجهول

    ياختي والله اني حاسس فيك ومتالم جدا لكل مايحدث لك من هالخبيثة مرات اخوكي بس انت غلطانة بسكوتك على تصرفاتها من الاول  لوكنت وريتها العين الحمرا. ماكان تجرات تعمل معك كلهذا  ولزوم كنت تخبري اخوكبتصرفاتها وكلامها عنك  دام اهلك معك وعارفين كل شي يصير منها هذة الوقحة مش مخترمة ولامتربية  ومش بعيد تلاقيها تخون اخوك  فالخيانة صفة في هذا النوع من النسوان   ماتخافي من شي وانت تعمل الصحمن شان تحافظي على حياتك الزوجية واسعادها  والباب اللي يجيك منو الريح سدو واسترح  لاتامني لها ابدا ولاتحكي معهاولاتسمح لها بدخول بيتك  وربنا يستر عليكويكفيك شرها ويرد كيدها في نحرها البعيدة واهتم بحالك وبجوزك وبيتك واولادك هذا هو الاهم في الحياة 

  • animate

  • صورة علم Saudi Arabia
    صورة علم Saudi Arabia
    من مجهول

    ياختي. انت الان متزوجة ولك حياتك الخاصة  لاتهتم بشان البنت دي زوجة اخوك واخرحيها من حياتك. تماما. والباب اللي يجيك منه الر يح سدو واستريح  شيلها من تفكيرك ولاتعطيها اي اهتمام   ولاتدخلي.  بحياتها. ولا بشي  يخصها  لانو اخوك شخص ضعيف الارادة ولايقدر يعمل لها شي  فمن باب اولى تجنب الاحتكاك بها منعا للمشاكل بينكم كاسرة  فهي من تصرفاتها  باين انها وقحة ومش بعيد تعمل  لك اي شي. اوتفسد عليك حياتك الزوجية وتخلق لك متاعب. ومشاكل مع جوزك  احذري منها ولا تطمن لها   وربك قادر على  ابعادها عنك و رد كيدها وشرها علىنفسها 

  • صورة علم Algeria
    صورة علم Algeria
    من مجهول

    يجب تجنب الاصتدام مع زوجة الاخ المؤذية ،خاصتا الحسودة ،لا تحكي لها اي شئ ولا تظهري لها اي نعمة ،صليها بالخير والتجنب خير وقاية هذا عن تجربة ،ربي الكريم الودود ايبعدهم اعلينا

  • صورة علم
    صورة علم
    من مجهول

    حبيبتى السلام لله اى عند رؤيتها القى التحيه والسلام لله حتى تخرجى من باب المقاطعه امام الله ولكن لا تتحدثى معها فى اى نقاش وممنوع منعا باتا ان تحضر الى منزلك ولكن اذا التقيتم فى منزل والدك القى التحية والسلام لله فقط وهذا ما عليكى فعله 

  • صورة علم
    صورة علم
    من مجهول

    اختى لا تهتمى بكلام من حولك او نظراتهم المهم ان تكونى مقتنعه بما تفعلينه ولا يوجد بداخلك اى شك او تردد فلا داعى ان تهتمى بمن حولك وخاصه انه من غدر بك مرة يغدر الف مرة وهى لم تتاح لها فرصه الا واستغلتها ضدك وآذتك كثيرا فلما تفتحى باب العلاقه معها من جديد لا داعى لذلك

  • صورة علم
    صورة علم
    من مجهول

    لولا انك واهلك عالم طيبين ماكانت زوجه اخيكى تجرا غلى فعل اى شئ ولكن من الواضح انكم بيت طيب وكريم وليس لكم فى المشاكل والا كان اهلك ما ضغطوا عليكى كى تكلميها  بعد كل ما فعلته لكى ولكن لا اعتقد انها تمثل اهميه فى حياتك لذا لا تتواصلى معها مرة اخرى 

  • صورة علم
    صورة علم
    من مجهول

    أنا مع أهلك أنها مسكينة لأنها ببساطة مريضة عقل و قلب ,,و ابتلاها الله بقصر تفكيرها .. عليكي أن تختصريها و أن لا تبيني لها كرهك لها حتى لا يتضايق أخيكي و أهلك ,, اكتفي بالمعاملة الرسمية معها و حاولي تجاهلها دائماً و لكن اياكي أن تفكري بأن تأذيها لأنها سترد لك الضغف لأنها من الواضح تغار منك و لا ثقة لديها بنفسها

  • صورة علم
    صورة علم
    من مجهول

    كان والدى رحمه الله عليه يقول لنا حكمه اتقى شر من احسنت اليه لانه اول من يسدظ لك ضربه قويه هو من كنت تساعده وتعطف عليه لانه من داخله يرفض ان تساعده وان تكون افضل منه لذا عندما تاتى له الفرصه ليوجه لك ضربه لن يتاخر وارى انكى اتخذتى الخطوة السليمه بمقطاعتها  وهذا احسن قرارا

  • صورة علم
    صورة علم
    من مجهول

    انكى انسانه طيبه القلب وحاولتى ان تمدى يدك لها بالخير والمساعدة ولكن وجدتى منها نكران الجميل والشر والمكر فماذا يريدون منك ان تتصالحى معها لماذا ما النفع ابذى يعود عليكى اذا صالحتيها استمرى على موقفك ولا تبالى من احد

  • صورة علم
    صورة علم
    من مجهول

    توددي لأخيكي كثيراً و لكن بعيداً عنها حتى يفهم أنك تحبيه حتى لو كانت هذه زوجته بينك و بينها مشاكل فهي لا تستحق أن تخسري أخيكي بسببها و حتى أهلك ,, وسعي صدرك و حاولي قبل أن تختلطي بها أن تقرئي الأذكار حتى تحصني نفسك و زوجك منها و ابنتك و ادعي الله دائماً أن يكفيكي شرها ,,

  • صورة علم
    صورة علم
    من مجهول

    أنت تعطيها أكبر من حجمها عندما تشعري أهلك أنك غير راضية بوجودها على العكس تعطيها سلام كإنك تسلمي على قطعة أثاث و بكل صدر رحب ,, و لا تتعاملي معها الا بحذر كما ذكرت .. و حاولي أن تقللي من اختلاطك بها .. و بيني لها دائما حسن نيتك حتى لا تزيد عندها الغيرة منك فتكيد لك ,, 

  • صورة علم United States
    صورة علم United States
    من مجهول
    انا صاحبة المشكلة بس حابة أضيف كمان نقطة انه انا حاليا عندي بيبي و مرت اخي عندها بنت عمرها سنتين كل م اروح أزور اهلي لكل تشوفني رحت شوي عن بنتي بتروح تبعت بنتها تضرب بنتي او بتخلي اخوي يجيب بنتي لعندها بحجة بدها تخليها تلعب مع بنتها و بتروح تضربلي ياها و يجيبولي بنتي مسخسة عياط و بنتي بعدها بيبي صغيرة ما تعدت السنة، و انا ما كنت اعرف انه هي بضربها بس عملت فيديو و هي بتضرب ببنتي و بعتتو بالعمادة لاختي الكبيرة َ بتحكيلها شوفي كيف بنت اختك بتعيط بعد ما مزحنا معها و بالفيديو كانت تقرص ببنتي و خلت بنتها تحط اصبعها بعين بنتي و صارت تعيط ف انا بالصدفة شفت الفيديو ع موبايل اختي و دايقت كتير و من يومها بطلت اخلي حدا يمسك بنتي لا اخوي ولا مرته و دايما بنتي معي بس اخوي دايق من تصرفي لاني حكيتله اذا بدك تشوف بنتي العب معها و هي قدامي ما تأخذها لعند مرتك، هلا أمانة تجاوبني بصراحة لو انتوا محلي شو بتعملوا، بعد كل هالاذاء الشخصي و بعدها توصل الغذاء لزوجي و بنتي والله تعبت كتير من هالشغلة
  • صورة علم Jordan
    صورة علم Jordan
    من مجهول
    اولا انتي واهلك اولاد اصول ومحترمين والله تستاهلوا كل خير . ثاني شي والله الحياه كلها هيك وكلها منغصات يعني لو سلمتي من مرة اخوك بتطلع لك جارة مكيودة او اخت او زميلة عمل ومجبرة انك تتعاملي معها .... عشان اريحك من الموضوع سامحيها بقلبك لوجه الله لكن خليك حذرة . فهمتي عليي يعني لا تعطيها سرك وخليك حذرة بالتعامل معها ورسميه . يعني بالاعياد ما فيها شي لو عايدتي عليها . لو شفتيها بمكان عادي اطرحي السلام وتعاملي برسميه وانتهى الموضوع .

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟