صورة علم Egypt
من مجهول
منذ 3 سنوات 12 إجابات
0 0 0 0

يتيمه و ارتبطت لاعوض حنان الاب

انا بابا متوفى من وانا عندى ٥ سنين ودلوقتى انا عندى ١٧ سنه تعبانه اوى فى حياتى من غيره ومش بحس ساعات بنفسي لما بشوف اب مع بنته بتعب وانا ماشيه فى الشارع وببكى من غير مااقصد مش بقدر امسك نفسي انا ارتبط قبل كده بس مش علشان احب ولا كلام البنات ده انا كنت عايزه احس بحنيه الاب فى اى حد يخاف عليا يحس بيا يطمن عليا بس انا مش عارفه احبه وهو بيحبنى والمفروض انه هيخطبنى الشهر الجاى وانا

مش عارفه اعمل ايه هو كويس جدا معايا بس انا عارفه انى مش هسعده طول الوقت وانا بكلمه حاسه انى عايزه بابا مش عايزه حد حاسه انى مش قادرة اعيش بالوضع ده دماغى بتلف تعبانه اوى اوى والله ومافيش حد حاسس بيا كله هيقولى ده نصيب وامر ربنا. بس انا مش مستحمله. وهظلمه معايا انا مش عايزه ارتبط ومش عارفه احب حد انا عايزه بابا بس نفسي حد يحس بيا انا عايشه ميته والله العظيم مش قادرة اعيش طفولتى كلها راحت وماحستش بيها غير بآلم ووجع قلبي على بابا من صغري وانا بسأل عليه ماما تقولى هو شايفك وحاسس بيكي

بس لو هو حاسس بيا اكيد هياخدنى معاه مش هيسبنى اتعذب كده انا عايزه حد يقولى اللى انا فيه ده ايه علشان انا تعبت انا بصلي ومش بسيب فرض وقريبه من ربنا اوى بس تعبانه مش عارفه

أضف إجابتك

صورة علم United States
السؤال التالي