هل الدعاء لانجاب ذكر حرام

هل الدعاء لانجاب ذكر حرام وهل هذا كفر بالله متزوجه من 10 سنوات عندي اربع بنات وحامل بالشهر الخامس امبارح الدكتوره حكت لي انو معي بنت بس الغريبه اني ما انصدمت ولا زعلت صحيح بنص الليل بكيت وصليت ربنا وشكرتو وقلت لله اني مش معترضه ع رزقي بس اجتني لحظه حسيت اني بكيت لان لازم ابكي كيف اجيب بنت خامسه وعادي مع اني في حملي الثاني والثالث والرابع كنت انهار وابكي واسال ليش يارب ليش أنا ما بجيني ولد مع ان كل اللي حوالي عندهم ولد واثنين وفي حملي هاد سبحان الله ما كنت مخططه احمل بس ربي رزقني

من اول ما حملت امي وخواتي بضلو يحكو الي ادعي ربنا يرزقك ولد وكنت احكيلهم أنا راضيه برزق ربنا وبحس كيف ادعي وانا ربي ارزقني بزوج طيب وبنات جميلات سليمات وما عندي امراض ووضعي المادي كويس وبيتي جميل يعني ما الي عين اطلب من ربنا عندي كل اشي ولله الحمد والشكر ولو اجتني بنت مش زعلانه بس كانت امي تعصب علي وتحكيلي ما بصير لازم تدعي مش عارفه أنا ملخبطه هو هاد عقاب يعني عدم زعلي عقاب الي او كفر بالله استغفر الله

اني بطلت احس أنا ما حكيت لحدا اني حامل ببنت ولا حتى لزوجي قلت انو مش مبين الله يعلم مافي الأرحام ممكن تكون الدكتوره ما شخصت صح لان الطفل في وضعية سجود للامانه مش عارفه احساسي زعلانه او لا بس اللي متاكده منو اني بدي ولد وحابه كثير وبحلم باللحظه اللي الدكتوره تبشرني فيه بس مش معترضه والله الحمد الله هم سببين اللي خايفه منهم ردت فعل زوجي لانو حاب كثير يكون فيني ولد ومتمني بس حرام والله ما بحسسني ولا بحكيلي ولا بزعل بالعكس بحب بناتو وبدللهم

ثاني سبب ردت فعل اهلي وأهل زوجي ما بحب كلام المواساه ولا تنظير الدين انتي قصرتي انتي ما دعيتي روحي ع دكتور واعملي عمليه تحديد جنس البنات بجرو بعض والخ… أنا مش عارفه احدد شعوري ولا عارفه شو اتصرف ولا شو اعمل عشان اوصل لربنا اني بدي ولد بس ما بدي ربي يزعل مني ويعاقبني او تجيني بنت مريضه لا سمح الله او اتعب في ولادتي

أنا خجلانه ادعي أنا انسان طبيعي يعني مش ملاك عندي أغلاط واحيانا بقطع بصلاتي واحيانا بنسى ذكر الله مع اني بحاول جاهده اني التزم أنا ملخبطه محتاجه حدا يحكيلي شو اعمل وشو ادعي شو اتصرف يعني لو فيه شي اقدر اعملو لعل وعسى ربي يغير ما في رحمي ويجبر خاطري وخاطر زوجي شكرا