كرهت شيء اسمه شغالة!

خلاص مقهوره مرا..... امي الله يسامحها ويهديها معرف كيف تفهم واعتذر على هذي الكلمه بس خلاص ياناس انا سبق وكتبت موضوع عن شغالتي انو الكل عيونه عليها مع انهم افضل مني واقصد ام زوجي الي عندها شغالتين وامي الي ماتبغا تستقدم عشان عينها على شغالتي ... مع اني رفضت لام زوجي لحاجتي الضروريه لها وهيا عارفه اصلاً، وامي شايفه قد ايه انا محتاجه لشغاله تساعدني باولادي وكم مره اتكلم واللمح مافي فايده ام زوجي قولت لها بالصريح ماقدر اديك اياها خاصه زي ماقولت عندها ثنين.... امي الله يسامحها مصره الا تاخذها طيب وانا ؟؟ لاتقولوا بر زوجي مستحيل مستحيل يوافق خاصه اني رفضت لامه .واصلا زوجي بيقول فين اخوانك واخواتك مايجيبوا لها وكل واحد من اخواني يقول لها نجيب لك وهيا تقول لا لانها تبغا شغالتي !!!!! اتصلت اليوم اكلم امي ودايما تفتح الموضوع معاي قسم بالله كرهت عمري وما ابغا اتصل مره ثانيه تقولي ابغا شغالتك (شغالتي يا ناس انا كرهتها من عيونهم عيون اقرب الناس ليا المفروض يفرحوا يساعدوني لا عيونهم عليها ))وكلمت امي اني مقدر بس ترجع وتفتح الموضوعشغالتي حجزت لها تسافر وتقول بترجع وانا ما اعرف بترجع او لا لان بعضهم يقولوا كذا عشان محد يفتشهم اذا راحوا وانا فعلا ما اعرف لانها مره تقول ارجع مره تقول معرف امي العزيزه تقولي اذا رجعت قولي لها تجي عندي انا ابغاها عشان اولاد اخوك يعني امي شالت هم اولاد اخويا الي ٢٤ساعه بالشارع واخوي بيستقدم وامي ترفض ومافكرت مجرد تفكير باولادي او انها حاجه خاصه فيا وتبغا تاخذها بالغصبايش اعمل كرهت شي اسمه شغاله ساعدوني