أمي ومرض الإيدز

السلام عليكم انا شابة عمري ٢٣ سنة و لدي اخ اصغر مني ب ٤ سنوات ، منذ طفولتي و انا عايشة الحرمان و الفقر و المعاناة بانواعها امي ما توفقت مع ابوي مما ادى الى الطلاق و بالتالي دخلت امي في الحرام بمواعدتها للرجال نظرا لصعوبه حالتنا المادية فحنا كنا جدا فقراء و كان هذا مصدر دخل لامي عشان تصرف علينا و ندرس و ناكل ،معاناتي في هذه الحياة هي امي ، من لما كنت صغيره و انا اتذكر امي انها كانت عنيدة جدا و عدوانيه و تحب المشاكل و تحسب كل الناس يبغون لها الشر و تظلم و تكذب ، فكبرنا و عشنا معها لين صار عمري ٢٠ سنه و انتقلت لمدينة عشان اكمل دراستي ، لكن بدات امي تشتكي من الام في الراس و الكبد فصار عندي شك انو امي لعلها اصابت بفيروس الايدز و كنت دايم احاول افتح معها الموضوع لكن بدون جدوى تضربني و تقول اسكتي و بعد مدة جاها شلل و نقلت للمستشفى هناك اكتشفو انو عندها فيروس الايدز و عندها ورم بالدماغ هو اللي ادى الى شللها و اعطوها الدواء اللي يوقف انتشار الفيروس و رجعت للبيت و تعتني بنفسها لانني لا اقدر ان اعتني فيها لانني ادرس ، لكن يوم بعد يوم سنه بعد سنة صارت حالتها تزداد سوء نحفت كثيير صارت عبارة عن هيكل عظمي يتمشى و كل يوم اسهال اي شي تاكله تحطه بالحمام و عندها فقر دم و صرع و قلبها منفوخ ، للحين ما قلت المشكلة ! مشكلتي مع امي انها صارت مجنونة او ازداد جنونها بعد مرضها من لما كنا صغار و هي عدوانيه تضربنا و تسبنا و تشتمنا و تدعي علينا ليل نهار و تفسخ قدامنا و تسوي مشاكل مع الناس لدرجه كل الجيران يعرفو انو لسانها وسخ مرة و ما صار احد يكلمها لا اهل لاي احد كلهم يهربون منها و بقيت على هذه الحال و لا انا اقدر اسوي لها شي لانني لا املك شيئا اساعدها بيه ، مرت الاعوام و اشتغلت و اقترحت عليها تيجي عندي و اسوي لها شغالة طبعا قبلت و جبتها عندي عشان تعتني فيها الشغالة و بدت اامشاكل ما تاكل اكل الشغالة تقول انو فيه سم و انها سرقت لها فلوس و تسبها بانعت الصفات و ابشعها و كل يوم هواش و بكاء و قصة ، انا تعبت نفسيتي ما ادري وش اسوي بغيت اساعدها و تعيش مرتاحه لكن هي انسانة لا تطاق بمعني الكلمه تتكلم ٢٤ ساعه زي الراديو و كلامها كله كلام فاحش و سب و تظلم و تكذب حتى انا اللي بنتها ما سلمت و راحت من بيتي و رجعت لبيتها في مدينة اخرى اصلا مو بيت عبارة عن كوخ طين و ادراج و تجلس فيه بدون اكل و لا عناية و تنام فوق الكرسي لانها ما تقدر تقوم من حالها ، رجعت عندها و بكيت يا امي انتي لازمك عنايه و بتموتين هون مين بيعطيك اكل مين بيقومك و انتي ما تقدرين حتى توقفين قالت ما خصك انقلعي عني انا بغيت كده قالت روحي غيري لي الشغالة هذيك كلبة و مدري ايش و رحت ادور شغالة اخرى و بالصعوبة حصلت و جبتها مرة اخرى و نفس اللي كانت تسويه مع الاولى صارت تسويه مع هذه تظلمها لا اخذتي لي لا سويتي لي و الشغالة مسكينه صابرة و امي مرة ثانيه تبغى ترجع للعفن اللي كانت فين انا سويت كل ما في جهدي كل الناس تخلو عنها حتى من اخوي خلاها جبتها مرتين و جبت لها شغاله و لا هي راضيه تقعد مع احد ، صرت افكر اذا اخذتها لطبيب نفسي ما راح تاخذ الدواء لانها عنيدة و اصلا ادويتها كثيرة جدا شلون بتزيد عليها دواء ثاني جد تعبت نفسيتي مرة صار عندي اكتئاب منها لا انام لا اكل و اقول وش سويت في هده الدنيا عشان يبلاني الله بام زي كده احترت وش اسوي معها ، ادري انو حالاتها مستعصية لكن بغيتها بس تعيش مرتاحة لين تموت لكن هي تحب العذاب و المعاناة و تاكل الزبالة و صارت تننام فوق الكرسي لين صارو تعفنات في رجولها و مشكلتها انها تسوي اللي في راسها بس يعني ما اقدر افرض عليها شي ، اي شي تقوله لازم تسويه ما ادري وش اسوي معها هل انا غلطت في حقها ؟ انا جبت لها شغالة عشان ما اقدر اعتني فيها انا لانني انا اللي اصرف اللي قدرت عليه سويتو ، صارت عائق امامي ما قدرت اكمل دراستي ، ما قدرت اتزوج ، حتى وظيفتي شكلي بخسرها بسببها المشكله انو عندي قلب حنون مهما تسوي لي انسى و ابغا اساعدها ، وقتما اكل اقول يا ترى امي اكلت ، وقت النوم اقول يا ترى امي نامت تعبت عرضت عليها المساعده لكن هي تريد تمشي اللي في راسها سؤالي هل لامي حل ؟