هل أخبره بحقيقة علاقتي السابقة؟

يسعد مساكم أنا بنت عمري 23 سنة ، مخلصة دراسة ، وعم بكمل ماجستير ، مشكلتي هي إنو بعمر ال16 تعرفت ع شب ، وحبيتو ، وكان يضحك عليّ ، وبسبب جهلي وعدم الوعي اللي كان عندي صدقتو ، وكملت معو ، ضلينا مع بعض قريب ال4 سنين ، قدمتلو كتير أشياء ، وفعلاً كنت مستعدة أتخلّى عن الدنيا كرمالو ، بس انكشف ع حقيقتو ، وتركنا بعض ، تعبت كتير وقتها ، بس اعتبرت إنو هاد درس إلي ، هلأ أنا في دكتور صغير بالجامعة طلب إنو يحكي مع أهلي ع أساس يتقدملي ، وأنا طلبت منو وقت أفكر ، وخايفة إزا وافقت أكون ظلمتو ، وعم بفكر أصارحو بالإشي اللي صار معي ، بس بعدها بتراجع وبخاف ما يتقبل الموضوع ، وحبيت آخد نصيحتكم💛 وبعتذر ع طولة الموضوع.