صورة علم Morocco
من مجهول
منذ سنتان 10 إجابات
2 0 0 2

ذهبت لأحتفل بعيد ميلاده فطلب مني أن نفترق

بسم الله سلام سمحولي أول مرة نكتب في شي موقع نتمنا تساعدوني بنصيحة ديالكم و منكنش طولت عليكم نا فتاة ابلغ 20سنة مخطوبة عن حب وعرس ان شاء الله مباشرة بعد رمضان الكريم خطيبي عصبي و مغيار بزاف ولكن حنين و قلب بيض ورمنسي قبل خطوبة كنا نتخصمو بزاف بسباب صديقات ديالي لي مكانش يرتاح ليهم وبعد لخطبة بأيام طلب مني باش نسد وتساب و فيسبوك و نبدل نمرة تليفون و منعطي نمرتي لحتى حد من غير العائلة مهم أنا وافقت و وعدتو و درت داك شي لي قالي وبعد بأيام قرب عيد ميلادو فكرة نخد ليه كادو و ندير ليه مفاجئة جاء في بالي نفتح فيسبوك و نخد نمرة ديال صديقة ديالو لقديمة باش تساعدني في مفاجئة لغندير ليه مهم ديك صديقة ديالو شوية خايبة صمعة ديالها وهو مكيبغينش نهدر مع فحال هد نوع انا قلت عادي حيت مفاجئة غادي يفرح ولكن كان لعكس صحيح فاش لقى نمرة تليفونها عندي تعصب بزاف لدرجة هرس لي تليفوني ديك ساعة وبقى يغوت علية و أنا خايفة قلت ليه خديت نمرتها من فيس بوك غير باش نديرليك مفاجئة قالي راكي درتي أكبر مفاجئة ليا دابة فاش كدبتي وموفيتيش بلوعد ديالك و حليتي فيسبوك و يعلم الله شنو دارية من وراءة ضهري ومهم تعصب وتقلق مني ديال بصح و قالي نتفارقو أنا خايفة بزاف حيت كنبغيه ومقادش نتخايل راسي بل بيه ولكن هو شاد في هدرتو وكيقولي أحسن ليا و ليك لفراق حيت مبقيتش نتيق فيك عفاكم نصحوني شنو ندير انا محطمة بزاف حيت كنت فرحانة و بغا نحتفل معاه حتى رجعنا مفارقين نصحوني بلييز وشكرا