انتقم من زوجي وأخبر زوجته الأجنبية بوجودي

قبل ١٤ سنه كان شاب من العائله يحبني وحاول بشتى الطرق ان يتزوجني لكن بسبب خلاف سابق مع والده وشقيقي تم الرفض ، بعد ذلك فقد الأمل وبدأ برحلة التعرف على امريكيه عن طريق النت ليتزوجها ويسافر الى اميركا هربا من الظروف كلها ، تعرف وتزوج وذهب معها ، كان يحكي معي من فتره لفتره وع وعد انه راح يرجع ونتزوج ، بعد هيك ما حبيت استمر بالكلام معه لانه صار معه ولد من زوجته الامريكيه وشفت الموضوع زاد تعقيد ، غبنا عن اخبار بعض مدة تسع سنوات بعد ذلك حضر على الاْردن اجازه وفِي نهايتها تقدم لخطبتي وصار نصيب وسافر وبعد ست شهور تزوجنا لكن بدون علم زوجته الامريكيه ، مضى ثلاث سنوات ع زواجنا ويجي ع الاْردن كل ست شهور بعد هيك عملت فيزا زياره وسافرت ع اميركا وصار حمل وخلفت هناك ، لكن فترة حملي كان احد الاقارب بيشتغل عند زوجي وصار خلاف بينهم على حساب ، فانتقم من زوجي انه أرسل صور لزوجته الامريكيه يثبت اني زوجته وإني ولدت باميركا ، صارت مشاكل كثيره وسجنت زوجي يوم وطلع بكفاله ، المهم زوجي لانه شغله كله معاها نفذ طلاباتها انه أغادر اميركا ، رجعت ع الاْردن وانه بنظر زوجته انه طلقني وما بيتواصل معي او ابنه ، هلا هو امنلي بيت وبيصرف علي وعلى ابني ، بس من جديد صار يحسسني انه احنى صرنا عاله عليه وانه مش مستفيد من صرفه علينا ، وهو مش قادر يجي يشوفنا من زوجته ولا انا قادره اروح عنده ، وصارلنا سنه هيك ، من جديد يتحكم بطلعتي وممنوع أمي تيجي عندي ممنوع حدى من اهلي يزورني ، وأي زعله بينا بهددني بأجرة البيت والمصروف ، هلا صارلي يومين بعثتله مسج يا بتكون حياه بينا كلها احترام وحب وحنيّه يا انا ما بدّي هالحياه معك ، رن كثير وما رديت وآخر اشي بعثلي طيب لنشوف اخر عنادك وين راح يوصلك ،، مع العلم انه كل كلامه معي مسبات وتجريح وأهانه ،، وانا موظفه بس ماخذه اجازه بدون راتب عشان ابني ،، مش عارفه أضل على نفس الصد ، ما أرد ع تلفوناته لحد ما يوجد حل او يتغير ، والا اتراجع ،،