شقتي أصبحت مشبوهة بسبب أختي

طول عمرى فى مشاكل مع اهلى لحد ماتخرجت من الجامعه و اشتغلت و اعتمدت على نفسى و اشتريت شقه بالتقسيط و كنت عايشه لوحدى و ماحدش سامع لى صوت و لا حد يعرف عنى حاجه و كنت باسافر خارج البلاد كتير اختى الصغيره مطلقه و انا مسافره كانت تجيب رجاله فى البيت و حصلت فضيحه مع الجيران و انا مسافره و الناس كلها و الشارع بقت عارفه ان دى شقه مشبوهه فيها واحده بتجيب رجاله هى سابت الشقه و انا طلبت منها ماتروحش تانى و انا مسافره.الموضوع نوعا ما كان هايتنسى و بعدين مؤخرا و انا مسافره باردو اخويا اخد خطيبته و راح شقتى و الجيران راحو له و ضربوه و اتخانقو معاه .انا حاليا خارج البلاد لكن مش عارفه لما ارجع هاعيش تانى فى شقتى ازاى بعد كل الفضايح دى.ابيع الشقه و اروح مكان تانى مع العلم ان الشقه موقعها ممتاز و انا ماكنتش عايزه ابيعها و لا اعمل ايه.