كيف أتعامل مع أخت زوجي؟

السلام عليكم انا حابه اقول مشكلتي، وهي مومشكله كثر م هو تساؤل!انا متزوجه لي ٣ سنين حالياً وقصتي مع اخت زوجي من اول م تزوجت .. ابغا افهم تصرفاتها ابغا اعرف كيف اتعامل معها... لانو شي متعب تشوف تعبك يروح لغيرك لما ماتكون موجود ، وصعبه بعدين تصرخ او تقول انو انا الي قلت كذا او انا الي سويت كذا وتطلع ب شكل الغبي قدامهم.. بعد م راحت السالفه اقولكم مثلاً انا لما اقترح شغله او مكان او اي شي يكون عاجبها تقول "اي اعرفه اي سويته اي رحت له" تحب تطلع ب شكل الي عارف كل شي مع انو احيان تكون تكذب! واهلها يقولون لها انو لاتكذبين.. تعصب وتصرخ حتى على امها لان طلعت ب منظر الكذابه قدامي.. و احيان لما اسوي شي واكون تعبانه ب جد عليه تسكت وبس لما نكون مع الناس تقول انو فكرتها او انا وهي الي سويناه مع انو م بينا تواصل عشان اقول ممكن اخذت رايها ب يوم ؟ مثلاً سويت شغله والكل اعجبه راحت ترسل لناس انو لها !! وتجي تقول لي انو زوجها يمدحها هي ع ذوقها وشغلها!! انا احاول اكبر عقلي مع انو فرق العمر بينا ٦ سنين. بس الي ابغا اعرفه ليش تسوي كذا!! ليش تهمشني كانو انا ولا شي اذا لهالدرجه عاجبها الي اسويه؟ وهالنوعيه كيف تتعاملون معها من غير مشاكل! واخر شي ممكن تكون سخافه بالنسبه لبعضكم واسفه ضيعت وقت البعض. بس هو تساؤل وابغا اعرف كيف اتعامل معها بما انو بنعيش كل العمر مقابل بعض