كيف أتعامل مع أخت زوجي المؤذية وأبعدها عن حياتي

كيف أتعامل مع أخت زوجي المؤذية وأبعدها عن حياتي، السلام عليكم محتاجة رأيكم أنا تزوجت في بيت عيلة وأخت زوجي أتأخر نصيبها في الزواج فترة والحمد لله كانت علاقتي بيها قويه وكنت بحبها جدًا وبشكر فيها للكل وبحمد ربنا انه عوضني بأخت لأني بنت وحيدة وكان نفسي يكون لي أخت، المهم قعدت فترة في مصر وسافرت لزوجي في دولة خليجية ،، كمية الهدايا اللي كنت بشتريها لها والله ربنا العالم لبس وميك اب وعطور وعبايات غاليه وكنت ببقي سعيدة وزوجي سعيد أني بحب أخته وبراضيها أنزل اعطيها الهدايا تحسسسني أنها حاجات عادية وبحس جواها بغل وحقد علي لبسي وحاجتي بالرغم إن لبسها متواضع ووالدها والدتها مش بيشتروا لها وماسكين علي الفلوس،، وهما طقمين ثلاثة اللي عندها فكنت بحاول اعوضها أنا وأخوها ،أشعر أن أخت زوجي تغار مني وتكرهني وتسبب لي المشاكل كانت علاقتنا جيدة لكنها تغيرت منذ أن تزوجت ولا يهمها إلا مصلحتها المهم ربنا كرمها وتزوجت رجل طيب ومحترم عملت مشاكل مع أمه عشان تطلع من بيت العيله أقسم بالله كانت بتألف كلام كذب علي حماتها وتعمل حوارات وتقولي أقولها حرام عليكي وتتصل علي زوجها في أوقات عمله تبكي وتشتكي من أمه عشان تطلع من بيت العيلة وهما أول زواجهم ، وعايزه أخواتها يساعدوا زوجها في فلوس يشتري شقة وكل يوم تبعت زوجها عندنا لما نزلنا أجازة عشان يلمح لنا انه محتاج فلوس ،وصار كل همها تاخد من أخواتها حتي المريض فيهم اللي شايل مبلغ للزمن ، وطبعًا اتغيرت معايا الاجازة دي وقلبت وشها ومكشرة ومش بترد عليا لما أنزل تحت وهي تكون موجودة عند حماتي ،لأن كانت عايزاني أقف في صفها وأقنع أخواتها يعطوا زوجها فلوس الشقة المهم زاد حقدها علي كل شئ عندي وكل كلامها معي يابختك أنتي كل حاجة عندك والله بدون مبالغة كل حاجة تشوفها في لبسي تتمزق في نفس اليوم أو تتبقع ولونها يتغير تترمي وما أعرف أستعملها ولو اشتريت جهاز كهربي وقلتلها أو شافته أقسم بالله يخرب ومايعمل مرة آخري حتي بنتها عندها مشكلة وتأخرت في الكلام قالت لحماتي لو بنتي تتكلم ربع بنتي أو بنتي سلفي التاني أقسم بالله بنتي رجعت من الأجازة عندها تلعثم وتأتأة بالرغم إنها كانت بتتكلم كويس جدا والكل لاحظ أهلي وأعمامها صاروا يسألوني البنت كانت في الأجازة قبل ما تسافر كويسة جدا شو صار لها ومقارنات وأنا بحاول أعمل نفسي عبيطة ومش فهماها بس للأمانه حاولت أبعد عنها وأتعامل معها بحدود وما كنت بكلمها كتير لماعرفتها علي حقيقتها ، بس كل فين وفين أكلمها عشان زوجي عايز علاقتنا كويسة الحين حماتي توفت وقتها لقتها بتحاول تقرب مني وتتواصل معايا ع النت كتير وتتكلم معايا بالساعات لغاية ما قالت أنا من غيرك مش عارفه كنت حعيش ازاي بعد وفاة ماما أنا برتاح معاكي في الكلام وأنتي اختي وأقرب واحده لي من زوجات أخواتي الثلاثة خاصة فيه مشاكل بيها وبين زوجة أخوها الكبير صراحة صعبت عليه وحاولت أقرب منها وصرت أكلمها وأهتم بيها أكتر خاصة إن بنتها عندها مشاكل صحية وبقيت اطمن عليها وأخلي أخوها يكلمها أكتر فجأة لقيتها بتلمح إني الإنسان مفروض يكون خفيف ولما أرن عليها ما ترد وما تفتح الرسايل وتترك الرسايل بالأسبوع وما ترد وهي أصلا فاتحة النت قلت في الأول يمكن ما تقصد أو عندها ظروف لكن أتكرر الموضوع شهور وهي أصلا تعليم متوسط وقاعدة في البيت يعني مش بتشتغل ومش عندها شئ مهم وزوجها بيشتغل بالليل وكانت بتسهر تكلمني الأول بالساعات ومش عايزه تقفل وهي اللي كانت بترن ومهتمة فجأة أتغيرت وبتلمح إني تقيلة عليها بالرغم إني أنا اللي مشغوله وعندي مدارس ولادي وبحضر دراسات عليا وكنت باجي علي نفسي عشانها خفت عليها بعد وفاة مامتها وعشان زوجي وكمان كنت بحبها المهم أنا استحملت شهور وكنت بعطيها فرص الحين أنا قفلت منها ووقفت اتصال بيها وبطلت أرن عليها خالص قعدت شهر ورجعت ترن عليه وتقولي وحشاني وحموت وأكلمك ليه مش بترني وأنا بصراحة قفلت منها مش بفتح رسايلها لأنها حسستني إني تقيلة وخنقه بالرغم إنها عملت المستحيل عشان تقرب مني الحين بترن علي أخوها كتير عشان تكلمني من عنده وعايزه تعرف أنا مالي وليه مش بكلمها وبتكلم باقي أخواتها عشان يكلموا زوجي عايزين يعرفوا فيه ايه وأنا مش برد خاصة كل أخواتها عارفين إني أنا وهي أكتر من أخوات وكانوا أحيانا بيغيروا إني هي قريبه مني أكتر من زوجاتهم وبيلمحوا لها تكون كويسة مع زوجاتهم فأنا وصيت زوجي يقولهم ما في شى وإني مشغوله فقط في دراستي ودراسة بناتي لأن حاساها بتلعب بيا كمان مره بتقولي أنا ما بحب اللي يكلمني بس أحبك موجودة لو مخنوقة أو محتاجاكي الاقيكي حسيت انها أنانية كمان لما ماما توفت ما وقفت معي ولما كنت أنزل مصر أعمل عمليه كانت تتلكك عشان تمشي وأنا ما كنت بركز وبقول يمكن زوجها عايزها تمشي المهم الحين زوجي زعلان وعايزني أرد عليها وأنا مش قادرة وقلبي اتقفل لأني استحملت كتير وأوقات زوجي بيكون عايز يطمن عليها ما بتعبره وما بترد عليه زي ما تكون بتعاقبه بس لما تكون عايزه تعرف معلومه أو حاجة عننا ترن بدل المرة الف وما تمل غير كده تقول لاخوها مفيش شبكة أو النت فصل وانا بكلمك والله بتذله انصحوني أتعامل معها كيف لو سمحتوا