الرئيسية / قضايا اجتماعية / أشعر أن والدي يستغل سلطته ليسيطر علينا

السؤال

صورة علم Egypt
مجهول
قبل 8 شهر (6 اجابه)
6 اجابه

أشعر أن والدي يستغل سلطته ليسيطر علينا

انا فعلا مش عارفة ابدأ منين انا متلخبطة جدا و محبطة انا زى اى بنت نفسى احب واتحب و كمان مش عاوزة اعمل ده بطريقة تغضب ربنا و كتير دعيت ربنا انه يرزقنى حب طاهر حلال و اكون ام بس بخاف اوى من الارتباط والدى معقدنى من اللى بيعمله مع امى انسان غير مسؤل و مش مهتم باحتياجات البيت و محملها المسؤلية كاملة حتى لدرجة انها بتنزل تجيب طلبات و عيش الصبح بدرى و بتتعرض للتحرش ف المواقف دى و هوا مفيش منه اى استجابة و لا احساس و كل همه عاوز يتجوز عليها مع انها مش مقصرة ف حاجة انا تعبت من استسلامها و من تسلطه و قله تقديره و كمان اختى ف ثانوية عامة و نفسيتها ضعيفة جدا و سلبية جدا من اقل مشكلة بتهمل المزاكرة جو البيت صعب اوى و كتير دعيت ف رمضان و باليل انه ربنا يعوض علي و يرزقنى بالزوج اللى يعوضنى عن حنان الاب بس كل مايجى حد يتقدم عشان يخطبنى الاقى ابويا يضيع فرحتى حتى لو كنت هقبل او ارفض بس اكيد دى حاجة تفرح اى بنت انه حد اهتم بيها و طلب ايدها المهم اول مرة جه واحد ف ظروف مكنتش مناسبة و احنا بطبيعة الحال مقيمين ف بلد غير بلدنا الاصلية و صدف انه الشاب ده كان منها المهم والدى حكم رايه انى انا الى اروح اقابله ف بيتنا اللى فى بلدنا عشان ابقى قريبة منه و روحت و كانت نفسيتى صفر انى انا اللى رايحة ليه مع العلم انه كان عارف انى بعيد يعنى انا اللى سافرت مسافة اكتر من 85 كيلو عشان يشوفنى و فى الاخر مكنش مقتنع بتخصصى و عاوزنى اقعد فى البيت و والدى كان مقتنع بيه جدا عشان كده غصب عليا اروح لفترة اتاثرت بس قولت لعله خير و فعلا كان خير و اتقدملى و احد احسن منه و اغنى منه و محترم و ازهرى زيى و حافظ القراءان و اهله طيبين و محترمين عرفنى عن طريق جيراننا يعنى جواز صالونات يعتبر المهم والدى من قبل ما يجى و هوا معترض عليه عشان جايب والده و اخته هوا كان عاوزه يجيب والدته معاه بس و كمان معترض عشان مش من بلدنا بحجة انه هاسكن بعيد و لو حصلت بيننا مشكلة مهلاقيش حد جمبى و غير كده اتعمد يقابلهم بهدوم غير لائقة مع انه عنده و كل ما العريس او اهله يقولو حاجة يعترض عليها من غير سبب منطقى و بعد ما مشي هوا و اهله بهدلنى و نكد عليا انا مكنتش اعرفه ولا كنت فكرت هوافق و لا لا لقيت والدى بيقولى كلام فهمت منه انه مش موافق عليه مع انه ولا اى حد من اهله ابدى حاجة تدايقه ولا تزعله بالعكس هوا اللى كان بيدايقهم و يصدهم ف الكلام و كمان كل ما افهمه انى مقررتش يبنى على اساس كدة انى لازم ارفض و لما اتناقش معاه ينفعل و يحسسنا انه بيتفضل علينا انه عايش معانا و انه مسبناش و متجوز و يحسسنا انه مشاكل الدنيا فوق راسه و انى لو وافقت على العريس ابقا كده عصيتهخ و دخلت ف عقوق الوالدين بحسه بيستخدم سلطته كاب عشان نعمل اللى هوا عاوزة والا يحسسنا انه بيتفضل علينا انه متجوزتش وساب البيت و بعد ما كنت فرحانة انه حد اتقدملى و طلب ايدى طول الليل ضغطى عالى و مش عارفة انام و لما انام مكملش نص ساعة و اقوم و اختى بقى قعدت تعيط و تقول خلاص انا مبقيتش مستحملة و تحمل امى الهم اكتر ما هى شايلاه و سايبة دراستها مع العلم انى مش كل احلامى الجواز و الخلفة بس مش عارفة احقق حاجة من تسلط ابويا عليا اسفة على الاطالة سامحونى و ادعولى بظهر الغيب و شكرا


قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

صورة علم United States
أخصائية نفسية ميساء النحلاوي
قبل 8 شهر

بالرغم من صعوبة الموقف وقساوته لكني انصحك الا تخالفي والدك حتى لو كنت مقتنعه بأنه مخطئ في تصرفاته ، حاولي التقرب من والدك ولا تقفي ضده مهما فعل ، اكدي له انكم تحبونه وان رأيه مهم جدا بالنسبه لكم . يوم يأتي العريس المناسب والنصيب ستري ان كل العقبات التي وضعها والدك زالت وفجأه تسهلت كل الامور . حافظي على ايمانك واخلاقك وتأكدي ان الله لا بد وان يكافئك على صبرك وارضائك لوالدك. اخيرا حاولي توسيط عّم او خال او صديق للوالد فربما يساعد ذلك في تليين موقفه، بالتوفيق

صورة علم
مجهول
قبل 8 شهر

لا يوجد لديك الكثير لتفعليه ، عليك الانتظار ليقرر والدك، وتقبل القرار كما يريد، انتي تعرفين جيدا العادات والتقاليد

صورة علم
مجهول
قبل 8 شهر

حاسس انه لازم نسمع وجهة نظر اهلك في الموضوع، لكن بغض النظر عن الاسباب ، واضح انه فيه صلافة وعدم تقدير لمشاعرك

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

 


احجز استشارة أونلاين

اختر الخبير الأنسب لك واحجز معه جلسة استشارية خاصة على الإنترنت في الوقت الذي يناسبك.

احجز الآن