صورة علم United Arab Emirates
من مجهول
منذ 11 شهر 13 إجابات
3 0 0 3
  • أنا أم البنات بنظر أهل زوجي

    انا شابة عمري 30 سنة تزوجت من زوجي من 12سنة كانت كلها معاناه رحت بيت أهله وكان عنده 4 اخوات ساكنين معانا منهم الطيب ومنهم اللي لا يحتمل وحماتي شيئ تاني انا تزوجت من مدينة إلى قرية . عند اهلي كنت بدرس وما كنتش اشتغل الا اشياء خفيفة في البيت حماتي بقى علمتني شغل القرى البقر والغنم وشغل الحصاد اتمرمطت وانا ساكته وجوزي مبسوط وحصل معايا هبوط من كتر الشغل والتعب وكل دا ما شفعليش لازم ابقى اشتغل من غير حتى كلمة شكرا أو يسكتو لأ لازم دائما اتهزء وشغلي مش كويس اللي زاد في معاناتي إني ما خلفتش ولد يعني أم البنات فكانت حماتي دائما تحملني الشغل بدون اي احساس بالذنب وطبعا جوزي كمان كان دائما مشاكل مع اهلي ونكد وكلامه زي السم .المهم انو دلوئتي طلع يشتغل في الخليج بئاله سنين وبيجيب لنفسه كل حاجه وبيبعتلي مصرفي بالقطارةعند أهله وبيتحكمو فيه ما تجيبيش حاجة للبنات وما تصرفيش حاجة عليهم دي خسارة لأنهم في الاخر هيروحو يتجوزو !!!!!! طبعا الكلام في الأساسيات اكل ولبس مش كماليات دي ما احلمش بيها خالص .... وانا كنت بقله نطلع معاك مش راضي وكل ما يجي اجازة كان بيخطب عندنا في البلد بس ما كنش بيحصل نصيب وانا كنت بعمل نفسي مش عرفه وبقول اهي عدت على خير ومش هسيب بناتي..من فترة جالي خبر انو متجوز في الغربة وجهته وانكر وقرر يطلعنا عنده وانا خايفة لانو اللي جابلي الخبر حد ثقة اوي وانا لو طلعت ممكن اتزل اكتر من كده خايفة يستفرد بيا في الغربة مش عرفة اطلب الطلاق ولا اديه فرصة أخيرة عشان البنات انا حاسة انى عمري كلو راح بتعب وقهر على حد مش مقدر وعمري اللي باقي مش هيختلف بحاجة لو بقيت معاه..... لو كان بس في تقدير واحترام كنت مستعدة أستحمل اكتر من كده وما كنتش هحس اني مزلوله لكن انا تعبت خلاص و مش ادرة اسفة اني طولت عليكو. (( الرسالة دي من صحبتي ياريت تنصحوها ))


أسئلة ذات علاقة