لن تصدقوا ماذا فعلت خالتي بي!!

السلام عليكم انا كتبت مشكلتي هنا قبل كده انا اللي خالتي ربنا ينتقم منها و ما تشوف الفرح ابدا بهدلتني و اهانتي انا و ماما و بابا و ابنها اللي كان بيقول بيحبني و متقدملي ووافقت عليه بعتلي مسج علي الشات يقولي كان نفسي نكمل سمع كلام امه الكلام ده من ست شهور دلوقتي هي اتصلت بخالتي التانيه و خالي علشان تعزمهم علي خطوبته ازاي هو ماشي وراها كده انا قلبي بيوجعني اوي بحاول ابان قدام اهلي اني قويه و مش متأثره بس انا جوايا نار ازاي بعد الحب اللي كان بينا يروح يخطب واحده تانيه بكل سهوله كده ليه انا دعيت عليهم كتير و عملتلهم كلهم بلوك هو و أمه و اخواته ليه اقارب يعملوا كده في بعض انا كنت بحس بحقدها علينا بس ما تصورتش انها بالبشاعه دي سنه كامله واكتر ما عملوش ليا خطوبه و لا جابوا خاتم حتي و في الاخر في خلال شهور راحوا لواحده و جابوا الشبكه و هيحتفلوا كمان لا و كمان هو اللي بيعزم و مبسوط اوي يعني انا كان مضحوك عليا لا و اقولكم كان في اخر شهر يناير عاملي لايك علي صوره بقالها حوالي شهر و نص انا منزلاها طب ليه يعمل كده و هو شاف واحده تانيه انتقم منه ازاي نفسي اعمل حاجه فيه تكسر فرحتهم اعمل ايه