مهما فعلت مع سلفتي سأظل أنا المخطئة بنظرها

قضايا اجتماعية
animate

انا مهندسة وزوجى كمان مهندس جوازنا كان تقليدى جدا هو كان مسافر فى الخارج بيشتغل وانا كمان كنت بشتغل بره مصر اول سنه جواز كانت كويسه كنا اه بنحب بعض بس مش للدرجة اللي احنا فيها حاليا المهم اول سنه جواز عدت بخير وفى اخر السنه التانيه المشاكل بدأت تعرف حياتنا مشاكل كتير كتير على اسباب تافهه وبعدين حصل حمل فجاءة زى ما يكون ربنا عايزنا نكمل مع بعض والاوضاع تهدأ وفعلا داه اللي حصل اتغير جامد بقى يستحملنى ورجع تانى شخص رومانسى وكويس لان انا فترة حملى كانت صعبة لدرجة ان الدكاترة كانوا شايفين حالتى الصحيه بتدهور كان بيترعب عليا اتغير اوى بالاصح احنا الاتنين اتغيرنا حبينا بعض عشان اكون دقيقه عشقنا بعض كان راجل بكل ما تحمله الكلمه من معنى كان اب واخ وصديق وزوج اتعلم انه يشارك فى كل حاجة فى البيت من غير ما اطلب بعد ماكان بيمل اننا نخرج سوا بقوا هو اللي بيطلب حتى بعد ما ولدت كان بيستغل اى لحظة فيها لوحدينا عشان يقرب منى او نتكلم اى كلمه يمكن لو كان الحمل حصل وانا فى مصر ووسط اهلى مكنش هيبقى كدا بس لان كنا لوحدينا والظروف لا تسمح ان انزل مصر هو بقى كدا كان لو شافنى بنيم ابننا والبيت محتاج ترتيب يقوم لوحده يرتب مبيكونش فى بالى اصلا اطلب منه ممكن اكون نايمه وابننا يصحى ياخده ويخرج فى اوضه تانيه عشان مصحاش ونزلنا مصر بقالنا سنه ونص تقريبا ابنى فى kg2 وحياتنا كويسه اوى زى ما نكون لسه متجوزين من شهر حماتى ست طيبه اوى المشكله فى سلفتى بتكرهنى من غير سبب لوحدها بتتلكك ليا على اى حاجة عشان تتخانق انا اصلا عايشه مستقله مش مع حماتى يعنى بس بنزل كل يوم لحماتى اللي تطلبه منى اعملوا على عيونى سلفتى ست بيت جوزها مسافر مهندس بردة وهى لوحدها عندها بنت وحيده وعايشه مع حماتى هى اه ليها شقه لوحدها فوق بس بتنزل من الظهر كدا مع حماتى لوقت ما تحب تطلع روحت قعدت معاها فى مرة وقولتلها مشكلتك معايا ايه انتى ليه مش بتحبيني قالتلى وانا هتخانق مع واحده زيك ليه قولتلها وليه الغلط انا بحبك والله مفيش بنا زعل عشان نتعامل بالاسلوب داه قالتلى انتى مفكيش غير لسان حلو تعرفى بيه تضحكى على الكل اما انا الغلبانه انضرب بالجذمة واسكت واكله عقل جوزك وحتى حماتى بتخبك مع انك متستهليش اقرب حاجة مش عارفه اسافر مع جوزى مع انك كنتى مسافر قولتلها انتى مفيش حد بيزعلك هنا والكل بيحبك و مش طبيعى اللي انتى بتحكيه انا لا باكل عقل حد انا بحب الكل ومبعرفش اقول كلام يزعل اللي قدامى منى وانا كنت مسافر بشتغل مش فسح يعنى المهم ردها عليا كان اسخف بكتير المهم بقيت اتجنبها بس هى كانت بتتعمد تجر شكلى وانا اعمل عبيطه واكن مش فاهمه كلامها ولا قلة ذوقها معايا . انا اتربيت انا واخواتى ٣ ولاد واخت كمان عمر ما انضربنا سياسه الضرب فى التربيه ممنوعه عندنا وانا ناوية اربى ابنى كدا وفعلا لانهاردة مضربتوش ولو مرة وكنت مع حماتى بديها العلاج وابنى بره فى الصاله هو وبنت عمه وسمعت صوت صريخ ابنى خرجت اشوف فيه ايه لقيت سلفتى بتضربه بالشبشب على وشه وجسمه عشان ابنى وقع كوباية عصير على السجادة انا اتجننت من المنظر وزعقت وهى شتمتنى وانا كان ردى عليها قوى بس من غير ما اقول الفاظ مش كويسه ابنى فضل يترعش طول ماهو نايم جوزى كان بره ورجع متأخر كنا نايمين ومعرفش حاجة تانى يوم صحينا على صوت رجالة بيخبطوا الباب بفتح لقيتهم اهل سلفتى جايين عايزين ياخدوا حقها انا انفعلت عليهم فى الكلام وجوزى كان شايف ان معايا حق بس بردة كان بيسكتنى وبيراضيهم وفعلا سمعت كلامهم وسكت خالص وهما خدوا سلفتى وراحت بيت اهلها وسابوا بنتها هنا المهم اخو جوزى اول ما عرف زعل جدا وانا حكيتله اللي حصل واعتذرتله وهو كان مصدوم من فعل مراته معايا وقالى انا مش زعلان منك انا زعلان من تصرفانها هى متجوزة من ٣ سنين بس وسابتلى بنتها سنتين و٣ شهور بس لقيت جوزى بيقول لاخوه متزعلش انا هروح انا ومراتى وتصالحها وتعتذرلها وترجعها البيت انا قولتله مستحيل انا معملتش حاجة اخو جوزى قاله متقللش من مراتك هى مغلطتش وهى لو عايزة تعيش ترجع الببت مش عايزة يبقى الطلاق افضل بس لازم اسيبها هناك على ما تروق وترجع جوزى من يوميها وهو زعلان منى اوى شايف انه كان لازم اجى على نفسى عشانها فضل كام يوم مبيكلمنش كنت بره فى مشوار روحت ليها وقررت اصالحها عشان جوزى واخوه اتصلت على حماتى وجوزى قبلها انا اصلا فضلت بعدها اطلب منه يجى معايا بس كان بيرفض قالى انا مش هجبرك عايزة تروحى روحى انتى يوميها هو مردش عليا بس حماتى ردت عرفتها قامت سلفتى طردانى من البيت حماتى اول ما عرفت عرفت اخو جوزى كان ردة فعله ان لازم الطلاق هى سايبه بنتها انا دلوقتى الحمل كله عليا اولا الطفله وابنى وحماتى وجوزى وبيتى وشغلى انا مش معترضه على كدا بس اللي مزعلنى جوزى وزعله منى للعلم ان اخو جوزى بيكلمنى كل يوم يشكرنى على ان انا شايله كل حاجة فوق دماغى ومبتكلمش كفاية نقطه الطفله الصغيره سلفتى مكنتش متعلمه اصلا ويعتبر مبتعملش حاجة غير انها بتطبخ ليها اما تنضيف بيت حماتى انا كنت بنضفه يوميا

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • الدكتورة سناء مصطفى عبده اهلا بك يا سيدتي وما شاء الله انت راقية واخلاقك طيبة وحين ضربت ابنك انا شعرت بالغضب فما بالك انت، ومعك حق ان تنفعلي والامر لا يستحق ضربه ولكن سبحان الله هي القشة التي قسمت ظهر البعير، ويبدو انها كانت تعاني الكثير، الان عليك ان تفكري بطريقة لاصلاح الوضع مع زوجك فهو زوجك وابو ابنك ويجب ان تفكري بطريقة للحديث معه، وتطيب خاطره وهو ربما يعتبر ان مشكلة اخوه كانت بسببك انت او ابنه وهو يشعر بالقهر على اخوه وربما لا يريد ان يظهر الحب والغرام واخوه سيطلق زوجته، لذا راعيه قليلا وتحدثي اليه وقولي له انك متفهمة احترام مشاعر اخيه ولكن لتبقى العلاقة بينكما بالحب والتفاهم ولن تظهريها امام سلفك حتى لا يغضب، وانك تتعاملين بكل حسنى معهم، استرجعي الهدوء في بيتك وربي يهدي بالك. وكل الامور قسمة ونصيب.
  • صورة علم
    صورة علم
    من مجهول

    انا سلغتي حولت حياتي إلى جحيم بسبب المقارنات ومحاولة التقليد و الضغط على اعصابي من كل الجوانب بسبب غيرتها مني، جعلت العلاقة بيني وبينها رسمية حتى اريح رأسي والحمدلله الآن احسن كثيرا

  • animate

  • صورة علم
    صورة علم
    من مجهول

    تستطيح العلاقات مع اي أحد غير الزوج والاولاد هو سر السعادة والله للذك انصحك ان تعملي على تستطيح العلاقة معها أكثر حتى تريحي بالك

  • صورة علم
    صورة علم
    من مجهول

    حبيبتي اعملي على تهميش هه الشخصية في حياتك قدر الإمكان ولكن بشكمل لا تشعريها فيه انها ممرفوضة حتى لا تمسك عليكي غلطة وتحاول أن تفسد علاقتك بباقي العائلة

  • صورة علم United Arab Emirates
    صورة علم United Arab Emirates
    من مجهول
    مركب الضراير سار ومركب السلايف غار، ما قالها القدماء عن عبث، عن تجريتي الشخصية والله أعلم كيف عاملت سلفاتي ، لا يمكن أبدا أن تكون سلفتك أختا لك، تجنبيها بكل شيئ، وعليك بزوجك وامه، فقط، زوجك انت ادرى كيف تصالحيه، وفي المستقبل عامليها رسمي جدا جدا جدا، هي مشكلة السلفة المتعلمة مع الجاهلة الغير متعلمة، للاسف، القصة مو قصة شهادات والله، القصة انو هي الشهادات عملت عند المتعلمة وعي وفهم ولباقة وطريقة تعامل راقية واخلاق عالية.
  • صورة علم
    صورة علم
    من مجهول
    التجاهل مفتاح للسعادة و خاصة مع الناس الي علاقتك معهم حساسة .. حاولي لا تدخلي معها في نقاشات و لا حوارات .. و لا تخبريها اسرارك و خططك و يومياتك .. ابعدي عن الشر و غنيله

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟