ماذا أفعل إذا كسرت الحلفان

السلام عليكم ماذا أفعل إذا كسرت الحلفان في فترة من فترات حياتي كنت احلف على كل شي ومنها حلفت لما اختي جابت قطة للبيت اني ما اكل من المكان الي تاكل فيه القطة والا الله لا يوفقني والمقصد هو اي صحن او كوب لو شمته القطو ما اكل فيه وهذا صار صعب لان القطة اليفه واحيانا تقرب من كل صحون البيت كذلك العاملة عندنا كونها متعوده تربي قطاوه عادي تاكلهم من نفس صحونا الي اكلنا منها وكذا مره حذرناها وخلينا الصحون الي اكلت فيها القطه خاصه بالقطة وحذفنا كميات كبيرة

قبل شوي جابت لي شيء اذوقه ووقفت فوق راسي الا اذوقه واستحيت اقولها هذا الصحن اكلت فيه القطة من قبل واضطريت اكله لقمه صغيره لانها اصرت وصعب جدا التحرز من كل اناء بالبيت انها ما قربت منها وانا اساسا عندي وسواس بامور الحلف وغيره فهل يستجاب الله دعائي على نفسي بعدم التوفيق وهل علي كفارة صيام ٣ ايام لاني اكلت بالصحن