يقول لا مثيل لي ومع ذلك تركني

السلام عليكم انا بنت عمري 23، لا ينقصني شئ ابدا، جمال وعلم ودين واخلاق وحسب ونسب ، واهلي واخوتي ما في زيهم، وسمعتنا طيبه والكل بشهدلنا بالخير والطيبه، بتقدملي كتير عرسان، معظمهم مو متل ما بدي، ولما يجيي شخص قريب لما اريد، ما برجع، ماما بتحكيلي اكيد شاف حاله قليل عليك وعرف انه ممكن ينرفض عشان هيك ما برجع، وانا مو مقتنعه بهاد الحكي لانه الكل بشوف حاله ما في زييه والف وحده بتتمناه، المهم، اجاني شخص وجدته انسب عريس من كل اللي اتقدمولي مع انه الشب مطلق وعنده ولد، انا وجدت شغلة طلاقه عاديه طول ما هو زيي ما بدي واتاكدت من اسباب طلاقه ، استمرينا بالتعارف لمدة تلات شهور، واهله حبوني جدا جدا، وعند اول سوء تفاهم وقبل الارتباط رسميا ، ثار وانفعل ، و لما اجا هو وامه عشان يعتذرولنا انه ما في نصيب بينا، بتحكيلي امه ( انا اصلا استغربت كيف وافقت على ابني وهو مطلق وعنده ولد) ، وهو نفسه ملاقيها صعبه انه اتزوجه وهو مطلق وعنده ولد وبيننا 11 سنه ، وطلع من بيتنا وهو بحكيلي انت ما في زييك في الدنيا ، لازم تتزوجي واحد اصغر مني وما عمره اتزوج، طلع من بيتنا وهو رح ينفجر من القهر، انا شايفه في شي خطا ،، مو عارفه شو؟ ؟؟؟ يعني المفروض يتزوجوني وهو مغمض، شو في اشي انا ممكن مو خاطر على بالي في موضوع انه ( مطلق) ، شو الشغله اللي انا مو شايفها ، شو الشغله اللي بتخليه يحكيلي انت ما فيي زيك وبنفس الوقت ما في نصيب، وهو رح يبكي من قهره انه ما في نصيباسفه على الاطاله، بس ارجو انه تعطوني رايكم ونصائحكم في كل شي حكيته، لعل وعسى وجدت شئ يريح نفسي مما فيها من الهم والحزن، مع العلم انه انا دائمة التحصين لنفسي بالبقره والاذكار، ولو كان في عين وحسد، فتأثيرها ضعيف لقوة تحصيني لنفسي يوميا