أبي طلّق أمي وقاطعني وذلك بسبب...!

انا شاب عندي 24 سنة عرفت بنت وحبيتها جدا وزي اي واحد ملتزم اخدت والدي وولدتي وروحت اتقدمتلها وكان الموضوع ماشي طبيعي جدا لحد ما اهل العروسة قالولي عايزين نشوف شقتك المهم اخدتهم فرجتهم عليها لكنهم اعترضو لانها كانت في مكان بعيد شوية عن المدينة وعشان اكون صريح هو المكان فعلا بعيد والخدمات فيه مش متوفرة يعني يعتبر مكان نائي شوية طبعا رفضو وطلبو مني شقة في مكان اقرب او تكون الخدمات فيه كويسة حرصا علي راحة بنتهم وهنا بدأ الخلاف حيث ان والدي اعترض بشدة وبدأ التلكيك وان الناس دول مش كويسين وطلع فيهم كل العيوب فقط عشان طلبو مكان تاني وعشان اكون منصف هما ماطلبوش حاجة كبيرة ابوها قالي حتي لو اوضة وصالة بس في مكان قريب وخدماته متوفرة ان هقبل المهم كل المحاولات فشلت مع والدي في الاقناع لحد ما قررت والدتي تساعدني وتعملي قرض وفعلا اشتريت شقة تانية في مكان كويس عشان انا فعلا شايف طلباتهم مشروعة ده غير اني وعدت البنت اني مش هتخلي عنها دلوقتي والدي غضب مني ومن والدتي ووصلت المشكلة لأنه طلق والدتي وقاطعني تماما لانه اعتبرنا تجاهلنا رأيه وبالفعل ما حضرش الخطوبة وانا دلوقتي قربت اكتب كتابي وزي اي شاب عايز والدي يكون معايا عشان فقط يبارك الجوازة ويعلم الله اني مش محتاج منه اي مساعدة مادية لأني ولله الحمد جهزت نفسي من كل شئ لكني محتاجة حتي لا اكون تعديت عليه ادبيا وعشان فقط تكون الجوازة مباركة بحضوره الا ان كل محاولاتي فشلت معاه قولولي اعمل ايه اكتب كتابي بنفسي ولا استني علما بأني جاهز وفقط متوقف عليه