برغم هذه الظروف هل ممكن أن أتزوج؟

لو سمحت انا ارملة عندي 47سنة زوجي متوفي باقي له سنتين وعندي بنتين وولد في مراحل تعليم مختلفة... علي الرغم من كده ساعات باحس اني مش قادرة اكمل الحياة لوحدي هما علي الرغم من بلوغهم سن الجامعة لكن عيال مش بيعرفوا يشوروا عليا في المشاكل اللي بتقابلنا كل يوم.. هي اللي زيي ممكن تتجوز تاني طيب في حد يستحمل ظروف ولادي لحد لما يتجوزوا ويبقي لهم بيت مستقل طبعا هم كل حاجة انا عايزه اشوفهم مرتاحين ومبسوطين بس انا باحكي عن شعور مضايقني ماليش في الدنيا حد يستحمل يسمعني او يزعل لزعلي حتي اختي واخويا وامي موجودين بس مش من قلبهم زعلانة اني كنت مستقلة ودلوقتي محتاجة المشورة الصادقة مش لاقياها كله واقف يتفرج اعلمهم واشغلهم وهاجوزهم ازاي... كمان ولادي طلعوا يغيروا عليا لو شافوا حد بيتطلع لي علي الرغم اني مش واخدة بالي هو انا المفروض هاكمل كده ولا ايه .. ما هي توقعاتكوا للامور بعد كده