صورة علم Saudi Arabia
من مجهول
منذ 7 شهور 8 إجابات
0 0 0 0

حياتي انقلبت رأساً على عقب بعد وفاة أمي، فما السبب؟

عجزت انسى أمي الميته رحمها الله! أمي ماتت قبل 7 أو 8 شهور و للحين محزن عليها و لازم كل يوم أفكر فيها و أتمنى أنها موجودة لأن الأوضاع في البيت مره مره تعبانه و انا صراحة جاتني كآبة و صاير عصبي و صاير اسب بزيادة و اتنفرز سريع و هذي ابدا ابدا مب شخصيتي! اعرف وشو بتقولون :أكيد موتها ما مر له فترة طويلة و انت للحين تتذكر شيء عادي ، لكن ما أتوقع كذا اسمعو....انا أنام على سريرها و اتخيلها نايمه في السرير و يوم كانت مريضه في المستشفى قبل العملية اللي بعدها ماتت... اخوي يقولي كانت تقول وينه اللي هو انا ما يزورني و انا ولله كان عندي احساس أنها بترجع بعافية و صار اللي صار و بعدها يوم كانت منومه حاولت ازورها لكن يقولون ممنوع و ماتت و ما شفتها قبل العملية و المصيبه أنها قبل تروح للمستشفى كانت تقول لنا أحس اني بموت و كانت ترددها و محد صدقها و كانت تقول سامحوني اذا اخطيت عليكم و نجيب لها أكل تقول لا بس ابيكم تسامحوني اوووه ولله أحس اني شوي و أبكي ولله اشتقت لها كانت تعطي جو للبيت قسم بالله و كل يوم كل يوم تقريبا أفكر فيها خاصة في الليل لحالي و يا كثر ما حلمت فيها و دايم أفكر وأجد ولله تعبت و ابوي مدري وش فيه حاقد علي يعاملني بطريقة استفزازية شوي و انا متأكد من ذا الشيء و باقي اخواني و خواتي لا شيئ ثاني و انا نفسيا قاعد اتدمر صراحة اعرف ان ممكن تكون مشكلتي مب واضحة بس حبيت اقول اللي في خاطري ....خلونا نبدء من البداية :1 وش سالفتي مع تفكيري و حزني المستمر على امي؟ 2 ليش صاير عصبي بزيادة و اسب يعني ما اقدر امسك نفسي احيانا أصرخ بصوت عالي من كثر القهر و دايم اخواني يقولون صوتك مرعب بسم الله حتى احيانا حلقي يوجعني من كثر الصراخ لكن ما اقدر امسك نفسي بسرعة اتنرفز و أزعل و اعصب و هذي كلها صارت بعد موت أمي العزيزة الله يرحمها و بس ولله