زوجي سبب نجاحي

قصص النجاح
زوجي سبب نجاحي

انا الحمد لله مش عندي مشكله بس عندي تجربه حلوة أوي وصعبة أنا لما سافرت لزوجي معجبهوش وضعى لإنى مكنتش بعتمد علي نفسي في أي حاجة وكنت ضعيفة الشخصيه بدء يخلينى أعتمد علي نفسي في الأول كنت بحس أنه بيضغط عليا بس الأن الحمد لله عرفت أهمية الي عمله معايا وحاسة بفرق وهو حاسس بالفرق ده بس لسا بيقولي لسا مش بقيتى 100% يادوب بين 50، و 70% اول ما سفرت بدء بطلبات البيت انا كنت بخاف انزل اجيب طلبات البيت لانى مش عارفه البلد هو قالي انا مش فاضي وعندي شغل كتير وبدءت انزل واجيب طلبات البيت وأفاصل كمان ملحوظه انا كنت بنزل اجيب الطلبات مع بنتى الصغيره يعنى بشيلها واشيل الطلبات ودرجة الحرارة كانت 40 فيما فوق . وبعد كدة حاسيت انى عاوزة اشتغل هو وافق بس قالي عاوزة تشتغلي دوري انتى علي شغل انا ماليش دعوه مع إنه يقدر يساعدنى ويشغلنى في مكان كويس بس هو رفض وفعلا اشتغلت ومساعدنيش في اي حاجه وبعد كده جتلي فرصت عمل تانيه بس بظروف أصعب ميت مره من الوظيفه الأولي يعنى بدوام 10 ساعات ومفيش أجازة الا يوم الجمعه والوظيفه دي كانت تحدي بالنسبه ليا لانى مكنتش بعرف اتكلم انجليزى ومكنتش بعرف أتعامل مع حد والوظيفه دي كان الإنجليزى أهم شئ وكان تعاملي مع رجاله بس الحمد لله قدرت أثبت نفسي الحمد لله وهو دلوقتى الي بيقولي لازم تستريحي شويه وبقا يساعدنى في تربية بنتى وبجد بدءت أحس بإمكانياتى وثقتى في نفسي زادت الحمد لله أهم حاجه انا بطلت اقول الكلمة الي بتنرفزه (مش عارفة أعمل أيه).

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • الدكتورة سناء مصطفى عبده الرجل الصالح هو من يعطي للمرأة فرصة لتعيش حياتها انسان مشارك وله بصمة وأثر، يرعى ويراقب ولا يفلت زمام الأمور والحزم من يده، ولكن يعطي مساحة من التصرف الصحيح لأن الحياة لا تدوم لأحد ويجب ان نكون نحن النساء على قدر من لاقوة لمواجهة صعوبات وظروف الحياة المتقلبة كل يوم، بارك الله بزوجك الذي كان راعيًا وقوامًا بشكل صحيح، وفقكم الله
  • المدرب ماهر سلامة شكرا سيدتي لمشاركتنا قصة النجاح هذه. واضح أن طاقاتك الكامنة قد أعلنت عن نفسها، وما أجمل الثقة عندما تتوكد وتقوينا، قترتفع معنوياتنا ونشعر بسلام مع الحياة. شكرا لهذه القصة الجميلة...
  • animate

  • صورة علم
    صورة علم
    من مجهول
    النجاح اللي حققتي رد على كل إنسان وعلى كل امرأة يتحجج بالصعاب ويتذرع بضيق الوقت ، دمت ملهمة
  • صورة علم
    صورة علم
    من مجهول
    هو عمل معروف فيك، ما كان يساعدك حتى تقدري تعتمدي على نفسك، وإنت كنت قدها وتجاوزت الامتحان بنجاح
  • صورة علم
    صورة علم
    من مجهول
    ونعم الزوج، الله يخليكم لبعض
  • صورة علم
    صورة علم
    من مجهول
    دائماً كوني رافعة راسك في زوجك وتفاخري فيه امام الناس .
  • صورة علم
    صورة علم
    من مجهول
    الشكر لله اولاً ثانياً الك ثالثاً لزوجك وكل الاحترام والتقدير لزوجك الي نمى هذه القدرات فيكي وتصرف معك تصرفات ايجابية .
  • صورة علم Egypt
    صورة علم Egypt
    من مجهول
    تهانيى لك بمناسبة النجاح .
  • صورة علم Kuwait
    صورة علم Kuwait
    من مجهول
    أنا مبسوطة أوى ان موقع حلوها نشر كلامى علي الصفحه الرئيسيه بجد انتوا موقع جميل اوى وإيجابي جدا أنا صاحبة زوجى سبب نجاحى وأحب أقولكوا ان انا الحمد لله عايشة أيام سعيدة بفضل الله ودعواتكوا وأنا حاليا حامل في شهوري الأولي وكنت خايفه جدا أخوض التجربه دى من تانى بس عملتها علشان خاطر عيون زوجى بعد ما أكدلي إنه هيساعدنى ومش هيسبنى لوحدى في تربية الأولاد وبجد شكرا لكل تعليقاتكوا الإيجابيه لإنها أدتنى طاقة علشان أكمل مشواري أدعولي
  • صورة علم Algeria
    صورة علم Algeria
    من مجهول
    زوجك فريد من نوعه كذلك انتي ذكرتيني برئيس مصلحتى رغم اني احمل شهادة مهندس دولة لكن كنت جاهلة للامور بالاحرى اخاف لكن لما جاء هو و عملت معه جعلني افرض شخصيتي و اتقنت عملي و تفوقت فيه في اقل من شهرين رغم الظغط النفسي الذي كنت اعيشه لكن الحمدلله
  • صورة علم United Arab Emirates
    صورة علم United Arab Emirates
    من مجهول
    هذا هو الفهم الصحيح انت مثال للإنسانة المثقفة الواعية .. بعض النساء يعتقدن أن طلب الزوج لعمل الزوجة هو من باب الإستغلال وإتعابهن ولا يفهمن ان ذلك هو جعلهن يعتمدن على أنفسهن والحياة لا تستمر على حال .. موفقين ياارب فى حياتكم
  • صورة علم Qatar
    صورة علم Qatar
    من مجهول
    كلمات رائعة كوني بخير حفظك الله
  • صورة علم Morocco
    صورة علم Morocco
    من مجهول
    شكرا اختي على هذا التشجيع فعلا تجربتك حلوة خصوصا انها ناجحة انا ايضا زوجي يشجعني على الدراسة لاكن انا اعجز عن فعل اي خطوة وانا لدي طفل رضيع لاكن اتمنى ان يوفقني الله على اتمام دراستي خصوصا بعد قراءة تجربتك المفعمة بالتفاءل
  • صورة علم United Arab Emirates
    صورة علم United Arab Emirates
    من مجهول
    زوجك كنز يا اختي حافظي عليه قليل نساء يمتلكن هكذا رجل الله يديمكن لبعض ويخليلكون البنوتة
  • صورة علم Saudi Arabia
    صورة علم Saudi Arabia
    من مجهول
    والله حضرتك ما شاء الله عليكى قدرتى تفهمى انه كده بيساعدك وتقدرى ده واحده مكانك كانت قالت هو مبيشوفش الا نفسه مخلينى انزل فى الحر ده واشيل واعمل ومش عايز يساعدنى على شغل هنا بقى بتفرق عقليه كل واحده من التانيه حضرتك تقبلتى ده مساعده عشان يخليكى افضل غيرك مش هيقبله كده ويعملها مشكله ................ الواحد نفسه بصراحه فى عقليه كويسه كده ما شاء الله ربنا يكملكوا على خير ويبعد عنكوا كل شر وبالله التوفيق فى حياتكوا يارب
  • صورة علم Algeria
    صورة علم Algeria
    من مجهول
    بسم الله ماشاء الله ادام الله المحبة بينك وبين زوجك وكل زوجين يارب
  • صورة علم Egypt
    صورة علم Egypt
    من مجهول
    انا كل مشروع بعملة مش بنجح فية كدة اتاكدت اني فاشلة ومش بعرف ادير اي مشروع
  • صورة علم Iraq
    صورة علم Iraq
    من مجهول
    سيدتي ربي يحفظكي ويحرسك يارب انا بئول ان زوجك ملوش دخل في نجاحك شو عمل للغة معاكي شغلك مثلا ساعدك في البيت ساعدك في بنتك علمك ا للغة شغلك انا ائولك اداكي حرية الحركة انتي نشطة بتحبي الحياة سيدتي امراءة زكية كنتي عاوزة تنجحي ونجحتي ماشاء اللة***** اتمنى ليكي الخير والسعادة يارب******************************************************************** تحياتي
  • صورة علم Iraq
    صورة علم Iraq
    من مجهول
    احنه عدنه حراره لما توصل 50 يعني ربيع هههههههه
  • صورة علم Kuwait
    صورة علم Kuwait
    من مجهول
    انا عارفة ان الموقع دة للمشاكل وتقديم الحلول بس حبيت ابين لكل واحدة أو واحد جانب تانى من العلاقة الي هو الجانب الحلو أكيد انا عندى مشاكل بتقابلنى أنا وزوجى بس الحمد لله بتعدي علي خير أهم حاجه التقدير والحب والأهم هو الإحترام وشكرا لكل واحد قرء رسالتى وعلق تعليق أدانى طاقة اكتر إنى أكون أكثر إيجابيه وأقدر اسعد جوزى وبنتى لإنهم أجمل هدية من ربنا ربنا يرزقكو السعادة والخير وراحة البال أنتوا كمان

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟