عدت للدراسة بعد 15 عام

السلام عليكم وفقا لكلام اميره الفضل عن الحكايات الجميله والقصص المفرحه حابه اقولها ع شي انا تركت دراستي الجامعيه من 15 سنة تقريبا لظروف حملي الصعبه ورعاية اطفالي وهذا الشي وافق رغبة زوجي لانه كان يشعر بغيره شديده وكره للكتب والدراسه وتغيبي وانشغالي عن البيت ومرت السنين وانا حلمي داخلي يكبر اني اكمل دراستي في تخصص ادب انجليزي وخصوصا اني اشوف صاحباتي وصلو لتحقيق حلمهم وانا لا وكنت احاول ادرس انتساب بس كنت مصرررة ع نفس التخصص الى ان جات الصدفه قبل 6 او 7 شهور عرفت انه فيه تخصص انجليزي في جامعة فيصل انتساب عن بعد وطرت من الفرح واستشرت زوجي وطبعا كان رافض الفكره بس انا ماخضعت لرغبته خصوصا اني سويتها مره وماستفدت شي وقررت اني اسجل ورحت سحبت ملفي من جامعة عبدالعزيز وسجلت عن بعد وارسلت اوراقي وكملت تسجيلي وكله كان بمساعدة اخواني ودعمهم لي ووصلتني رسالة القبول وكانت فرحتي ماتوصف خصوصا انه شهادتي لها فترة طويله بس الحمدلله تسهلت ورغم انه زوجي ماسندني ولادعمني ولا واحد ف الميه في هذه الخطوة واحيانا يعايرني باني كبرت عالدراسه الا اني مو زعلانه بالعكس فخورة بنفسي ومرررعه مبسوطه وانا عازفه ومتاكده انه بتواجهني ف المستقبل صعوبات وعقبات بس ان شالله راح اتغلب عليها وماراح استسلم لها وحاليا انا بانتظار نتايج اختبارات الفصل الاول