كلمة عشيق زوجتي أعادت الأمور إلى نصابها

قصص النجاح
كلمة عشيق زوجتي أعادت الأمور إلى نصابها

اغلب القصص اللي الناس بتتكلم عنها أد ايه الزوج خاين، وأد أيه مراعاش العشرة الطويلة. لكن مش دي الحقيقة دايماَ، أنهردا انا الرجل والواقع عليا الظلم! أها تخيلو. قد يستعجب البعض ولكن دا الواقع. ممكن جدا نكون مجني علينا. قصتي بدأت من 6 سنين لما قررت اتجوز زميلتي في الشغل، بعد ما فضلنا فترة حوالي 8 شهور بنتقابل وبنتعرف على بعض وفعلا حبينا بعض جدا ومكنش مجرد اتنين مناسبين لبعض. وبالفعل اتجوزنا، وكانت بتقولي أد أيه انها فرحانه اننا سوا! وبدأت فعلا اعمل كل حاجة علشان اطور من نفسي ومن عيشتنا وعشان اقدر انقلها لمستوي أحسن! اول سنتين جواز اخدت كورسات وطلعت مأموريات كتير تبع الشغل علشان السي في بتاعي يعلي واقدر احقق حاجة كويسة. وفي السنة التالته في الجواز اتعرض عليا اطلع اشتغل في فرنسا ولقيتها بتشجعني جدا وكمان كانت متحمسة اننا ننقل كل عيشتنا برة حتي ابننا اللي ربنا رزقنا بيه هنربيه هناك. وبالفعل انتهينا من اجراءات السفر، وأخدت اجازة بدون مرتب من الشركة وسافرت علي إنها ستسافر بعدي. ولكن الأمور اتلخبطت ومقدرتش انها تسيب شغلها بالإضافة لبعض الظروف العائلية عندها، وكنا ما بين إما أنا ارجع ونكمل هنا في مصر، إما أفضل زي ما أنا وأرجع في الأجازات. وبالفعل استقرينا على الإختيار التاني دا، أنا هرجع أجازة كل 3 شهور أسبوع. في البدايه كان الوضع مستتب بنزل فعلا والدنيا هاديه ، فتره وبدات الدنيا متبقاش زي الاول. الاتصالات اللي كانت مستمره بينا طول النهار بدأت تقل في البدايه كانت الحجه بسبب المسؤليه والضغوط؛ بالرغم اني في غربه وبشتغل حوالي ١٥ ساعه يوميا. حتي في الاجازات لم تعد تهتم بقدومي بالرغم من انها كانت بتطلب هدايا باهظه الثمن. وفي يوم اتصل بي احد الاصدقاء المشتركين في العمل بي وبعد محادثه طويله بدأ يلمح لي بضروره ان اسرتي كلها لازم نكون مع بعض وفي مكالمته الهاتفيه التاليه اخبرني مباشره بان الكلام بدا يكثر حول الكلام المستمر بين زوجتي واحد الزملاء في العمل! ... لم اواجها باي شئ، وبدات اتابع الامر علي بعد. وفي البدايه طلبت منها ان تلحق بي فامر عائلتها استقر ويمكن ان تاني ونعيش سويا، بالفعل حصلت علي اجازه شهر وجائت لتقضيه معي بعد إلحاح كبير مني. ولكن كانت امامي شخص اخر يختلق المشاكل بسبب ودون سبب يحاول دائما التقليل من افعالي وتصرفاتي. وهناك بدأت أتابع المشهد، غموض رهيب، تجلس على هاتفها بالساعات ولا أعلم ماذا تفعل ولما أسالها تقولي صحابي! وطبعا علشان مبدأ الخصوصية والثقة كان لازم أسكت. وفي يوم نسيت تليفونها ومن شده فضولي فتحته، واذا بالصدمة رسايل على الماسنجر والواتساب بينها وبين أحد زملائنا في الشركة وكلها بها كلام حب واهتمام وصور متبادلة وحكايات خاصة جدا جدا عن منزلنا، وحكايات خاصة به هو الأخر. هذه المرة واجهتها بالأمر، في البداية انهارت من المفاجأة واني عرفت كل حاجة، ولكن كان كل تبريرها انه مجرد كلام وانها كانت حاسة انها محتاجة حد يكون قريب منها وانها كانت حاسة بوحدة وكانت محتاجة تحس انها مرغوب فيها وكلام كتير معناه كله مهما كانت تبريرها انه في راجل تاني في حياتها!!!! مفيش راجل عمرة يقبل بحاجة زي كدا على كرامته! كنت حاسس ان فيه حاجة اتكسرت بينا وحاولت اتماسك واتفقت معاها انها هتنزل مصر وانا هلحق بيها علشان كل واحد يقدر يفكر لوحده وياخد قراره بهدوء ونقدر ننهي الموضوع بدون شوشره. وبعد أسبوع فقط، نزلت من غير ما اقول لها وماتوقعته وجدته وبعد مراقبة لمدة شهر كانت معايا صور وفيديوهات ليهم في أماكن مختلفة ومريبة كلها بتقول ان في حاجة بينهم ومقابلات سرية. كان الصراع في داخلي يقتلني ما بين أن أثور لرجولتي واقتلها وانتقم منها ومنه ومابين مستقبل ابني! . ولكن في النهاية غلبت مصلحة ابني على كل هذا قمت بتطليقها ومواجهتها واجبارها على التنازل على حضانه الولد فهي أم غير صالحة له. أنا الأن ربنا عوضني أن ابني معايا وهي اول كلمة قالها لها الراجل اللي كانت على علاقة بيه أمامي، انت ست متجوزة وانت اللي ماشية معايا وانا مالي ومالك وطبعا ميشرفنيش ان ارتبط بيكي! وكانت أكتر جملة عوضني بيها الله لأنها خسرت ابنها وحياتها واستقراها وحتي الشخص اللي باعتني عشانه.

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • صورة علم Saudi Arabia
    صورة علم Saudi Arabia
    من مجهول

    اسمحلي اخي ان اقول لك بأنك المخطىء، انت أحببت المال والغربة على الوجود بجانبها.. وإياك والغرور َالمفروض تستر عليها عشان ربنا اولا وابنك ثانيا.. لانو بكرة لما يفكر ابنك  يتجوز وتسعين في المية ولو خد اجنبية حيرجع ويتجوز من بلدكو.. والكل لو عارفين حكايتك حيشاورو ويقولو اهو ابن فلانة..لذلك الزم الصمت وكمل معروفك معاها ولاتنسى انك السبب الرئيسي وعايز اذكرك عن حديث النبي عليه الصلاة والسلام بيقلك لايبيتن الرجل وحده فما بالك اخي الكريم بالمرأة.. وحاجة تانية ماتظلمهاش بأنها ماتشوفش ابنها.. ده ابنها ومن باب الرحمة خليها تشوفو وإياك تسوء سمعتها بنظر ابنهايابني في حاجة مش حتفهمها ناس كتير.. كل ذنب له مسببات يعني الجعان لما بيسرق اكل او فلوس عشان يوكل ولاده الناس مابتشفش السبب بتشوف الفعل وانت سبت مراتك شابة َورحت سافرت، وجيه كلب البراري استغل حاجتها لوجود رجلالنت والاصوات مابتعوضش عن وجودك جنبهاانت غلطك كبير وهية ساذجة قدر واحد قذر يلعب عليها ويستغل حاجتها لراجلخليك كريم باخلاقك لاخر المطاف وخليها تشوف ابنها وعافكرة ممكن تتوب وتصبح عند ربنا احسن مني ومنك كمان... ربنا تواب رحيم.. ادعيلها بالهداية وخلي ابنك يسأل عن امو وانت ربنا يبعتلك بنت الحلال بس اوعا تسيبها ده الشيطان شاطر.. واذا كان قدر على نبينا آدم عليه السلام مش حيقدر علينا... الله يسامحنا جميعا امين 

  • صورة علم Egypt
    صورة علم Egypt
    من مجهول

    ربنا يبارك لك في صحتك وابنك وثق ان الله سيعوضك بافضل منها الف مرة المهم  ان تكون قريب من الله في كل افعالك 

  • animate

  • صورة علم United Arab Emirates
    صورة علم United Arab Emirates
    من مجهول

    الخيانه من اي طرف كانت صعبة جدا وغير مقبولة ولكن احيانا تكون النهايات منصفة لذلك اهتم بابنك وبنفسك

  • صورة علم Venezuela
    صورة علم Venezuela
    من مجهول

    ممتاز هي تستاهل 

  • صورة علم Turkey
    صورة علم Turkey
    من مجهول
    احيي حكمتك اخي الكريم بارك الله بك
  • صورة علم State of Palestine
    صورة علم State of Palestine
    من مجهول
    هذه نهايه كل امراه تبيع نفسها
  • صورة علم Algeria
    صورة علم Algeria
    من مجهول
    لا يوجد، في حكايتك اقذر من زميلكم في العمل استغل سذاجة زوجتك وبعدها عنك لنزواته وهي كانت سهلة المنال بسرعة استطاع ان يوقعها في، شراكه المهم ان القذارة رجل في هذه الحكاية وليست وحدها الملامة رغم ان ذنبها كبير
  • صورة علم Morocco
    صورة علم Morocco
    من مجهول
    رغم انك تعتبر من الاسباب الرئيسية التي جعلت زوجتك تخونك بهاد الشكل وتركك لها شهور فهاذ لايعطيها أي تبرير لربط علاقة عاطفية مع شخص آخر فالمرأة العربية تأبى حتى أن تتكلم مع رجل غير زوجها فما بال الخروج معه وأخد صور حميمية كما فعلت زوجتك أحسن مافعلت بتطليقها وابحث لك عن زوجة تكون نعمة الزوجة ونعمة الحنونة على ابنك
  • صورة علم Saudi Arabia
    صورة علم Saudi Arabia
    من مجهول
    لايوجد مبرر لتصرفها فهي مخطئة ١٠٠٪‏ ولاكن تركها والسفر بحجة الشغل أيضاً هذا غلط ويفتح كثير من أبواب الشر
  • صورة علم Kuwait
    صورة علم Kuwait
    من مجهول
    صدقني انا لااجافع عنها ولكن بعدك سبب من الاسباب ومعني اني موافق علي هذا لا والله بل انا سعيد بصبرك وهدوءك في ادارة الموضوع بسي حاجة اقولها لك هذا السيدة هتحاول تسوق عليك ناس علشان ترجعها وان رجعتها فأنت في هذه الحالة ليس راجل انت عملت الصح وانسها من حياتك نهائيا لان الشيطان غلبها وخرب بيتها ودة كافية وان كانت مفكرة ان الراجل اللي بخون عمرة ما يتزوج بمن يخونها
  • صورة علم United Arab Emirates
    صورة علم United Arab Emirates
    من مجهول
    برافو عليك هي تستحق اكثر من عقابها دة بس المهم انك عندما تأتي اليك تتوسل لك وترسم الحب وتعيش دور المغدور بيها وأؤكد لك انه هيحصل كدة فعلا امنى ان لاتفكر في اعادتها مرة اخرى لان اللي تخون مرة تخون الف مرة وهذه زوجة لاتستحق الا ماحدث لها وزيادة وفقك الله وعوضك خيرا منها ان شاء الله
  • صورة علم Algeria
    صورة علم Algeria
    من مجهول
    تصرفك كان في غاية الحكة .فالخائنة لا تستحق أن يقتلها الزوج ويقضي حياته في السجن .طلاقها و وانتزاع حضانة منها وتنازلها على كل حقوقها هذا هو التصرف السليم والذي هو في صالحك ولا يضر بشرف ابنك مستقبلا. .قتلها أو فضحها سيتضرر منه الزوج و الأبناء بمقدار ضررها أو أكثر وهي لا تستحق فبرافووووو
  • صورة علم Saudi Arabia
    صورة علم Saudi Arabia
    من مجهول
    المرأة اضعف من الرجل في انقيادها لعاطفتها وشهوتها لانها تفكر في سعادة الحاضر دائما ولو كان في ذلك ضرر لها في المستقبل .. أما أن تبارك المسترد فهو هذا الطبيعي فعندما يحصل الشخص علي اللبن مجانا فلماذا يشتري البقرة .. عوضك الله خيرا منها ان شاء الله
  • صورة علم Saudi Arabia
    صورة علم Saudi Arabia
    من مجهول
    هي نعم غلطت . لكن مش من حقك ابدا تحرم الطفل من امه او الام من طفلها . مهما حنيت عليه الطفل محتاج امه وممكن لما يكبر يكرهك ويحقد عليك ويتركك .. خلاص انت عاقبتها بالطلاق مفيش داعي للانتقام .. شوف الدول الغربيه والرقي بالتعامل عندهم لما يحصل طلاق طل واحد بيحترم اسرار الثانيه وببصون العشرة مش بيقعد يفكر بالانتقام وهو دا اللي ديينا الاسلامي حثنا وامرنا عليه تسريح باحسان . اما احنا اووول حاجه نفكر فيها بعد الطلاق هي الانتقام .
  • صورة علم Germany
    صورة علم Germany
    من مجهول
    والله خير ما عملت . المره الجايه لما بدك تتزوج ابحث عن صاحبة الدين . وعلى فكره هن كثر في أوروبا .. تصور الصدمه. بنات المسلمين بالغرب أكثر احتراما لدينهم من بنات المسلمين في دول المسلمين . لانهم شاهدوا حياة الانفتاح الزائد للمرأة وعرفن وفهمن معنى أن تكوني مسلمه . ربي يعوضك بزوجه تخاف الله فيك
  • صورة علم Kuwait
    صورة علم Kuwait
    من مجهول
    ربنا حيعوضك صدق ورح تشوف عقاب ربنا فيها وهي منبوذه ومن غير شرف ولكن ابنك لازم يشوف أمه كل أسبوع ومهما كانت درجه المشاكل او الذنوب لازم يشوف والدته عشان شخصيته تطلع مستقره كان الله في عونك وأسعدك
  • صورة علم Saudi Arabia
    صورة علم Saudi Arabia
    من مجهول
    احسن عقاب ليها الكلمتين اللي قالهم عشقيها ((انتي ست متجوزة وانت اللي ماشية معايا وانا مالي ومالك وطبعا ميشرفنيش ان ارتبط بيكي))يا صديقي لقد ثأر هذا العشيق لك منهاومن كرامتها...يا صديقي سهل علي الست الخيانه باسم الحب... ربنا ريحك منها و وكشف لك وجهها الحقيقي
  • صورة علم Morocco
    صورة علم Morocco
    من مجهول
    حمد لله لانو ربي عوضك و اخدت حضانة ابنك . انا اول مره اشارك بمنشور لاني صراحة استغرب من قصص الخيانات المستمره . رجال بيعملو كل جهدهم عشان ستاتهم و في الاخير مبيقدروش العشره حسبنا الله و نعم الوكيل . الله يعوضك احسن منها .الغريب انو في بنات بتتمنى انو ربنا يرزقها زوج و تتزوج والمتزوجات مش حامدين الله غريبه و الله
  • صورة علم Egypt
    صورة علم Egypt
    من مجهول
    ان ربك لبالمرصاد ربك كبير واكيد هيعوضك عنها خير
  • صورة علم Algeria
    صورة علم Algeria
    من مجهول
    عليك ان تتاءكد ان ابنك من صلبك...الخيانة لازمن لها

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟