هل يحق للزوجة رفض معاشرة زوجها بسبب التعب

هل يحق للزوجة رفض معاشرة زوجها بسبب التعب أنا بشتغل وبسافر وفي يوم كنت تعبانة ومسافرة الفجر ومحتاجة أنام بدري جداً لأن كان باقي ساعات قليلة على صحياني وورايا طريق طويل وشغل زوجي كان صايم تاني يوم ورجع البيت متأخر وطلب العلاقة في التوقيت ده أنا رفضت لأني كنت مرهقة جداً ومحتاجة أنام هل الدنيا هتقف على اليوم ده

تاني يوم رجعت من السفر والتعب قاتلني ونمت عشان ألحق شغلي تالت يوم سافرت لظروف طارئة مع أهلي عشان زوجة أخويا ولدت ورجعت المغرب تعبانة جداً وكان زوجي في الفترة دي صايم الـ9 من ذي الحجة لما فات 3 أو 4 أيام ورجعت أنا أطلب العلاقة منه رفض وقال إنه بيعاقبني وعامل إضراب حجته إني ماليش حق أرفض العلاقة مهما كانت أسبابي لدرجة إنه في مرة تانية كنت بعاني من تعب شديد والتهابات شديدة وأجبرني على العلاقة رغم إني بلغته إن تعبي هيزيد

أنا دلوقتي مطلوب مني أتذلل له عشان يرضى وأنا كرهت الموضوع كله بسببه واللي بحكيه ده نقطة في بحر من المشكلة الأساسية معاه سؤالي ليكم لما أكون تعبانة جداً وهو فاضي لأنه عاطل عن العمل معظم الوقت هل لازم ألبي طلباته وأنا بموت من التعب ولما أكون كويسة وأطلب أنا يرفض ويهملني رغم إني لو كنت تعبانة وتنازلت عشان أرضيه مش بيقدر ده خالص أنا بجد نفسيتي تدمرت من الأنانية ومن غياب الرحمة ياريت تنصحوني أتصرف معاه ازاي