زوجي ينام خارج غرفة النوم ويتجنب العلاقة

السلام عليكم، زوجي ينام خارج غرفة النوم ويتجنب العلاقة، ما بعرف كيف بدي أطرح سؤالي لأني متوترة جدًا، أنا صار لي فترة بشوف زوجي يحب يقعد بالصالون قبل ما ينام، لبين ما ينعس كتير، وبعدها يفوت على غرفة النوم، وكذا مرة شفته عم يداعب حاله، والواضح إنه عم يمارس العادة السرية

الفكرة إني أنا حامل، والعلاقة الزوجية حاليًا قليلة كتير، ما بعرف السبب مني لأني عم أتعب، ولا منه هو، لأنه بيرجع من الشغل بس ياكل وينام، أو يضل يأجل، يقلي: «بس لنام شوي وأرتاح وفيق»، وهيك، وأنا والله تعبت، ما عم أعرف كيف أتصرف معه، أواجهه بطريقة مباشرة إني شفته كذا مرة، ولا أسكت وأحاول أرجّع الأجواء والعلاقة بيننا لطبيعتها؟

أوقات بحسه عم يتهرب مني، وأوقات بحسه جانن عالعلاقة وبورجيني إنه عنده رغبة قوية، وقد ما عم حاول إني ما أتركه لحاله يقعد بالصالون مثلًا، أو حتى بغرفة النوم، بفيق بنص الليل بلاقيه نايم برا الغرفة

صرت ما عم أقدر نام، بس بدي ضل قاعدة وراقبه، ومستحيل هالشي، وربي تعبت، حاسة بمشاعر كره وغضب، وبدي أنفجر عليه، بس ما بعرف كيف أتصرف معه بدون ما يصير حاجز بيننا وتكبر المشكلة كتير وتعمل عقدة بحياتنا الزوجية، وأكيد بيعرف إن هالشي حرام، يلي عم يعملو، وبصلي، بس بقطع بصلاته كتير كمان