قسوته وكلامه الجارج معي جعلني أتخذ الطلاق ملجأً لي

قضايا اسرية
animate

السلام عليكم انا اسفه هطول عليكم شويه بس ياريت اي حد يقرأ رسالتى مايتجاهلهاش و يرد عليا برأيه او بدعوه من قلبه انا عندى ٢٩ سنه كنت بحب زميلى فى الكليه و اتخطبنا بعد الكليه بسنتين و سيبنا بعض و رجعنا مرتين و هو اتخايل على اهلى كتير قوى قوى انه يتجوزنى هم كانوا مرحبين فى الاول بس لما شافوه بيعمل معايا مشاكل و صوته عالى و عمل كذا مشكله رفضوا و انا كنت عايشه فى بلد غير القاهره و هو فى القاهره اول مره مامتى قالتله يجيب شقه فى بلدى قالها بلاش يا طنط و وافقت فسخنا و لما رجع مامتى قالتله يبقى الشقه فى بلدنا قالها بلاش و برضو وافقت تانى مره هو من نفسه كلم باباه و قاله هعيش عندهم علشان يوافقوا باباه قاله ماتروحش هناك دول عاوزين يبهدلوك و هو رفض و صمم يجيلى و مامتى برضو كانت رافضه تماما خايفه عليا من اسلوبه حتى بعد ما قالها هعيش فى بلدنا كده كده بيشتغل فى الخليج و الاحازه بس اللى هتبقى فى بلدنا و قالها انا عاهدت ربنا ماعملش مشاكل تانى و اى ضمانات تطلبيها انا تحت امركم بس اتجوزها و اتكتبلى شيك بمؤخر و شيك بالقايمه لانه ماكتبش قايمه و اتفقوا يعيش فى شقه فى عمارتنا بس والدتى قالتله مش هتتكتب باسمك ولا باسمها لانها كانت حاسه ان بعد الجواز هيغير كلامه بس بينى و بين مامتى قالتلى ان الشقه هتكون باسمى و اتفقوا ان هيدفع تمنها و والدتى هتشطبها و نفرش بالنص و بعد الحاح منه و منى مامتى وافقت و دفع جزء من تمن الشقه و كتب شيك بالمبلغ الباقى و والده توفى و اتحوزنا هو فى العادى كويس معايا و بيقولى دايما انه بيحبنى و بيعبرلى عن ده لكنه عصبى جدا حدا جدا و لو بس اتخانقنا بيقلب عليا تماما و لو بيقولى بحبك فجأه يقولى بكرهك و انتى مستقويه بالفلوس و انتى فاكره نفسك ايه انتى ولا حاجه و حصل مشاكل كتير جدا بيننا و بدأ يقولى هطلقك و لو معايا مؤخرك هرميكى اخر مشكله حصلت بيننا انه بيقولى نحط حاجه فى البيت فى مكان معين و انا بقوله والله انا راأيي نحطها فى مكان تانى بس براحتك و الراجل اللى كلن هينقل الحاجه دى كان واقف بره فراح قايلى ياللا انجزى و زعق فيا قولتله بتتكلم كده ليه اعمل اللى تعمله قالى طيب ياللا غورى فى داهيه و انا ماقدرتش ماردش لانه مش اول مره يغلط فيا و والله ياما قولتله اهم حاجه الاحترام بيننا لكن مفيش فايده فبقيت برد و كأنى بثبتله انى اقدر اتكلم انا كمان بعدها حصل شد و جذب بيننا كتير و كلم والدتى قعد يزعق عليها و يقولها ده انا هديها بالجزمه و ارميلكم الشيكات ع الجزمه و انا مش طايقها و انا و انا و هنزلك مصر من بكره و كل مره يقولى كده فقولتله لو راجل احترم كلمتك و نزلنى بكره فعلا و مش اول مره يكلم مامتى كلمها كتير جدا قبل كده و اتخايلت عليه كتير مايكلمهاش و قولتله المفروض تحمد ربنا ان مراتك مش بتطلع اسرار بيتك تقوم تطلعها انت؟ و يشهد ربنا انى عمرى ما حكيت لاهلى حاجه بعدها هو كان نازل مصر شغل فحجزلى و نزلت و هو بيوصلنى المطار قعد يهيننى و يقولى انا نازل ناوى على طلاق و مش هجيلكم ففكرى فى الطلاق و و و و كان بيكلم اخويا فبيقوله والله بيننا شويه مشاكل هبقى احكيلك عليها بعدين و اختك صعبه و بتاع فدى كانت اول مره احكى لاخويا ان اى مشكله بيشتم و بيهدد بالطلاق و انه بيكلم والدتى فى المشاكل و انه بيتحكم فى كل حاجه و انه عاوز اول ما يفكر يتكلم عادى بعد الخناقه اخرس و مافتحش كلمه تانى و انه طول الوقت بيقول قدامى الفاظ وحشه جدا جدا جدا زى اللى بتتقال فى الشارع بالظبط و والله العظيم كل ده كلمته فيه كتير جدا و قولت بردو انه فى المصاريف مش بخيل ابدا و طول ما هو كويس بيعاملنى حلو اخويا كلمه قاله انت كل شويه تهددها بالطلاق خلاص طلق قاله انت المفروض تسمع منى و اختك صعبه و لا تطاق و مستفزه و مستقويه باهلها و بالشيكات و انتم بتلووا دراعى بالشيكات قاله لا احنا مش هنظلم حد و شيك الشقه هتاخده قعد يقول عنى كلام كتير قوى والله العظيم والله العظيم افترا و مقتنع انى ظالمه و انسانه سيئه رغم انه فى العادى كان بيشعر فى اخلاقى و اصلى و اتكلم فى كل حاجه تافهه و كبيره بعدها بدأ يتكلم فى المؤخر و القايمه و انا جبت كذا و اخد كذا و بعدها قال مش عارف ااجل اجازتى و لازم اسافر الخليج تانى و ان الموضوع واقف على نزول اخويا مصر لما اخويا ينزل هو هينزل يطلقنى و يقول كده و يرجع يقول انتم لو كنتوا كسرتوا رقبتها ماكانتش بقت بترد علي جوزها و تستقوى بيكم و انا مش هعيش عندكم و هجيب فى القاهره فى ايه بتقول كده و فى ايه هتطلق انا بجد مابقتش فاهمه حاجه و ارجوكم قولولى رأيكم انا مش عندى اولاد بس صعبان عليا الايام و العشره و بيتى و حياتى و فى نفس الوقت لما بفتكر الاهانه اللى اتهانتها مش بقدر رغم ان فى الاخر بقيت برد عليه اسفه قوى انى طولت ميرسى

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • أخصائية علم النفس والتثقيف الصحي ميساء النحلاوي لقد تعود منكم الموافقة فبعد كل إلحاح منه في أي موضوع توافقون وتنفذون ما يطلب. أنتما الأثنان تتصرفان بطفولية ومشاكلكما سطحيه ولا تحسنان التفاهم مع بعضكما البعض لذا فالأفضل ان تجلسا مع بعض وتحددا المشاكل الرئيسية وتتفقا على حلول منطقية وتجدا طرقا حضارية للتفاهم غير الصراخ وفضح اسرار البيت والاخذ والرد. حاولي ان تكلميه بهدوء وان لم يتجاوب معك وظل على موقفه فاطلبي من اهلكما التدخل قبل اللجوء للانفصال.
  • صورة علم Egypt
    صورة علم Egypt
    من مجهول
    ههههههههههه ماهو الى يعض القطه هتخربشه وشئ طبيعى الفاظه واهاناته جعلتك تردين وده انسان عصبى واقولك علاجه عند طبيب نفسى هيعطيه ادويه لتهديه اعصابه وهيعيش بيها على طول احمدى ربنا انه لا يوجد اولاد واطلبى الطلاق واحمدى ربنا عسى ان يرزقك الله خير منه
  • animate

  • صورة علم
    صورة علم
    من مجهول
    ما سألت نفسك ليش زوجك بعاملك كدة؟ هو انت مفتكرة إنك تردي عليه انك بتعملي الصح؟!!
  • صورة علم
    صورة علم
    من مجهول
    حاولي تدخلي طرف ثالث يتكلم معاه ويفهم مسئولياته وان سلوكه وافعاله معك له نتائج خطيرة لعل وعسى يغير من طبعه
  • صورة علم
    صورة علم
    من مجهول
    خليني أسألك وبنتظر إجابتك، لو رجعت لبيتك شو متوقعة من زوجك؟ هل ممكن يكون في تغير للأفضل؟ ليش متمسكة بزوجك وشايفة انه الطلاق صعب؟
  • صورة علم
    صورة علم
    من مجهول
    مش لازم تضلي ساكتة لازم تواجهي وتضعي له حل لتصرفاته هذه ، لانك لست عبدة او جارية لك حقوق وعليك ضمانها كل هذا بالادب والاخلاق لازم تاخديه
  • صورة علم
    صورة علم
    من مجهول
    واضح ان زوجك غير ناضج ولا يتعامل مع المشاكل بحكمة وتوازن ولا يضع الامور في نصابها السليم، بالتالي لازم تعوضي النقص الموجود
  • صورة علم
    صورة علم
    من مجهول
    بعد ما قرأت القصة، مختصر الكلام كل واحد منكم في طريق، ريحي وارتاحي
  • صورة علم
    صورة علم
    من مجهول
    قاسي، وجبار ولسانه طويل ، والأهم ما في بينكم أطفال، شو مستنية؟!! هادي فرصة كبيرة لتنفصلي وتريحي راسك من هالحياة اللي كلها عكننة في عكننة، وشو مستفيدة إنت م عِشرة ما جاييك منها الا النكد والهم والغم، فوقي
  • صورة علم
    صورة علم
    من مجهول
    اذهبي لأهله وخبريهم بالمشكلة ولازم ابوه وامه يعرفو بكل شئ حتى لو عصب وزعل وغضب، مو مشكلة، بس قبلها حاولي تحكي معاه وتهدديه انك بتقولي لهم اذا ما وقف
  • صورة علم
    صورة علم
    من مجهول
    أمك ياما نصحتك وقالتلك بلاش، لأنه اللي بيصير طبيعي جدا ومش غريب ع ٱنسان عصبي جدا وتارك مرتين، أمك كانت عارفة اللي فيها ونصحتك كتير . بس انت ما سمعتيها
  • صورة علم
    صورة علم
    من مجهول
    شوفي يا بنتي، الوضع هاد مش غريب وتصرفات زوجك مش غريبة انت كنت عارفة طباعه، وكنتوا تاركين مرتين قبل كدة، ف ليه تتزوجوا؟! اللي في طبع ما بيغيروا

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟