طلبت العنف بعلاقتي معها فكانت النتيجة الطلاق

مساء الخير مشكلتي بسيطه وسهله لكن يصعب حلها بدون كشفها بالكامل. تزوجت مثل أي حد بتزوج بطريقة تقليدية. كان عمر زوجتي 20 سنه، ولاني أكبر منها بعشر سنوات كان لازم احتويها بكل معنى الكلمة، وبكل أمور حياتنا كانت تعشق الكلام المعسول والغزل والهدايا حتى لو كانت بسيطه مثل ورده أو رساله وصوره واتس. ولاني بعشقها كنت جاهد بتحقيق رغباتها. كانت حياتنا من أجمل ما يكون بكل شيء ما عدا العلاقة الزوجية الحميمه. وكالعاده جلست معها بهدوء وتناقشنا، فكشفتلي بأنه الأسلوب الرومنسية الغزلي بالعلاقه بتكرهو وما بحرك مشاعرها بل بإدي لنتيجة عكسية، وميولها بأن أكون عنيف معها وقاسي لأنه الألم والعنف بحرك مشاعرها. وفعلا نفذت رغبتها وجدتها متجاوبه ومتفاعله. بعد 8 سنوات زواج وثلاث أطفال أصبحت علاقتنا حب أكبر وعشق اكبر زادت مطالبتها بالعنف والألم أكثر ولأنه بمتعها أكثر كنت اتجاوب وتزيد قسوتي وعنفي وقت العلاقة الزوجية الحميمه فقط. قبل شهر تقريبا وخلال العلاقة نخلع كتفها بالإضافة لتمزق اربطه الرسغ، بالمستشفى حضر اخوانها الثلاث، ولأنه الدكتور كان مصر بأنه اللي حصل نتيجة عنف أسري وليس وقوعها بالمطبخ كما ادعت. حصل خلاف ومشاده كلاميه بيني وبين أخوانها كان نتيجة بأن اخذوها معهم لبيت أخوها الكبير وأخوها مصر يطلقها وما يرجعها. رغم زوجتي بتحكي معي كل ليله وما في بينا اي خلاف. لكن رافضة ترجع لوحدها وتكسر كلمه وهيبة اخوها حسب تعبيرها وبتترجاني ما احكي سبب الخلع والتمزق. لأنه نتيجه ضغط اخوها ادعت اني ضربتها ولويت ايدها بعنف وانا بضرب فيها. أولادي عند امي. زوجتي عند اخوها. وانا ببيتي. انا رافض بشكل قاطع اني اعترف بضربي الها أو أبوح بسرها قدام اهلها وهيه رافضة ترجع لوحدها أو تتراجع عن كلامها بأني ضربتها. وأخوها رافض يرجعها بدون شروط اني اعترف واعتذر و و و أو الطلاق الي شهر على هاد الحال مش عارف شو اتصرف والعناد بزيد من كل الاطراف وجدت اني استشير ناس ما بعرفهم ولا يعرفوني طريقه للبحث عن حل برأيكم شو اعمل وشكرا لصبركم وعذرا للاطاله