صورة علم Egypt
من مجهول
منذ 7 شهور 13 إجابات
0 0 0 0

زوجي تغير تماماً بسبب سذاجتي وغيرتي عليه

جوزى انا وهو نعرف بعض من اولى اعدادى كان مجرد شاب طايش مستهتر عمرى ما انجذبت ليه ولو للحظة بس سبحان الله وانا فى ٢ ثانوى لقيت نفسى مهتميه بيه ودايما مركزة معاه وكان بيصادف خروجى من بيتى نفس معاد خروجة لدروسة احنا بيتنا قريب من بعض كان معظم دروسنا مع بعض والمدرسين كانوا مهتمين بينا احنا الاتنين لاننا كنا متفوقين كان اى سؤال محتاج تفكير المدرس يطلب منى اقول طريقة وبردة يطلب منه وهنا يحصل بنا نقاش بخصوص الدراسة انجذابى واعجابى ليه اتحول لحب ولاول مرة اعرف معنى الحب كان ليه هو كان متعدد العلاقات واخر واحده ارتبط بيها كان صديقة اصدقائى ولمجرد غيرة منها دمرة سمعتى راحت عملت اكونت فيك وكانت معاها الباسورد والايميل بتاع جوزى و تبعت رسايل وكانت بتحذفها من ايميل جوزى عشان ميعرفش وبعدين فضحتنى على اساس انا بكلمه وكدا وجوزى واهله جم لبابا واهلى يعتذروا عن اللى حصل واول ما عرفنا البنت فى الوقت داه هو مكنش مرتبط باى حد وهى كانت مفكرة انه على علاقة بيا بالاخص انها نشرت المحادثات الوهمية بعد ما سابوا بعض جوزى فضل يطمن عليا وكلامنا كان بسيط لغاية ما طلب نرتبط بس اكيد رسمى واتجوزنا حياتنا كويسة الحمد لله اقدر اقول انه اتغير تماما عن زمان بقى اكثر نضج وتفهم بيخاف عليا من النسمه جوازنا بقاله ٥ سنين عندنا بنت وولد حياتنا كويسه الحمد لله بس لسه بنات لغاية اللحظة دى بيبعتوا ليا كلام جارح بخصوص جوزى وان جوزى مش بيحبنى وان انا مجرد واحده وهيسبنى فى يوم من الايام هو الحمد لله من عائله ميسورة والماديات عمرها ما تفرق معاه فهما بيذكروا النقطة دى وانه ممكن يرمينى فى اى لحظة انا اقل كلمه بتأثر عليا وبنهار بعد كل رسالة بتجيلى وفيه بنات يدخلوا يقولوا انهم كلمهوه انا اتجنن واتخانق وهو يسكت ويقولى هتهدمرى حياتنا باللى بتعملية انا لو مكنتش بحبك كنت هتجوزك طب لو عايز اسيبك كنت هخلف منك بدل الطفل اتنين وعايز لسه أطفال كمان احنا قبل ارتباطنا ببعض كان دايما اسمع عنه انه كل يومين مع واحده ارتبط بعدد مهول من البنات زمان والمشكله ان حتى ناس من صحابى المقربين كانوا بيقولوا انه بيفضل يبص عليهم وهما ماشيين الكلام داه زمان اما دلوقتى كنت فى مره بره انا وجوزى وقابلت صحاب ليا اول ما شافونى سلموا عليا انا وجوزى وقاعدوا معانا وفضلوا يتكلموا مع جوزى وهو يرد على قد سؤالهم عشان عارف قد ايه انا غيورة بعدها بفتره لقيت البنات دول بيقولوا ان جوزى كان بيبص ليهم نظرات مش كويسة روحت زى الغبية اتعصبت واتخانقت معاه وهو ساعتها لاول مرة فى حياتنا يتعصب كدا كان بركان فعلا وقالى انا سكت كتير وكنت بكبر دماغى واقول مش هزعلك بس انتى يوميها كنتى معايا وشوفتى قد ايه مكنتش ببص ليهم حتى هتفضلى لغاية امتى ساذجة وبتتأثرى اوى كدا بكلام الناس وساب البيت يوميها رجع تانى يوم بالليل رجع نام من غير ما يكلمنى ولا حرف تانى يوم صحى راح الشغل رجع غير هدومة وخرج رجع بالليل نام وهكذا بقالنا ١٣ يوم على الوضه داه حاولت اعتذر واصالحه رافض خاالص ومتجاهلنى لاقصى درجة ممكنه ان مشكلتى يمكن مش كبيرة بس بالنسبالى هى اكبر مشكلة فى حياتى يمكن اكبر من موضوع الفضيحه اللي البنت كانت عاملتهالى انهاردة سمعته بيكلم واحد صاحبة وبيقولوا انا هسافر كام يوم لو عرفت تكلم الشباب وتحصلنى هبعتلك العنوان بليل محتاج اغير جو