أشعر بفجوة كبيرة في قلبي بسبب عدم إنجابي إلى الآن

السلام عليكم.عندي سوال هل الحرمان من شيئ ابتلاء من الله هل الحرمان من الذريه ابتلاء من الله ام هو عقاب علا ذنب اقترفه الانسان في حياته انا لاكثر من 11سنه متزوجه ولحد الحين مارقني الله اولاد الحمدالله مرتاحه بحياتي ومتفاهمين انا وزوجي ونحب بعض كثير بس اوقات نختلف علا هذا الشي صارت مسألتة الخلفه هي كل همنا ويصير بينا صياح وزعل بسب الروحه لاعند الاطباء وكثرة استخدام الادويه وانا والله العظيم تعبت تعبت تعبت كثير 😢 وكل ماسمعت انه في وحده حامل احس زي النغزه في صدري ازعل زعلا شديد هلا حالي احس اني ذليله من داخلي وان في قلبي فجوه كبيره واقول ليش انا لا اكثر شي اني اعيش مع اسرة زوجي في بيت واحد واخوانه كلهم تزوجو من بعده وخلفو وهذا الشي الي مخليني اتحسس اكثر لما اشوفهم قدام عيني اكابر واضحك لاكن في داخلي احس بغصه وبالذل وانه ناقصني شي كبير وارجع افكر بيني وبين حالي هل هو ابتلاء من الله ام عقاب او لسا ربي ماكتب اني احمل ومأخر حملي لاوقت ثاني واقول ليش يارب انا اصلي واصوم وقراء قران وادعي ليل نهار بس ليش ربي مئخر رزقي ولامتى اناتعبت انتظار ما انام اليل الا وقد بكيت لين ما اقول بس غصب غني والله احس بالضعف وما اقدر امسك حالي : ماكان في بالي اني اكتب هذا الكلام بس حبيت افضفض شويه واطلع الي في داخلي لاني محتاجه اخفف عن نفسي شويه لاني اكتم في قلبي وما اتكلم كذا قدام احد حتى اقرب الناس لي التزم الصمت وما اقدر اقول غير الله كريم :المعذره علا الاطاله وادعو لي ربي يرزقني الذريه عاجل غير اجل دعوة غريب مسجابه حتى لو مافي تعليق بس ادعو لي بينكم وبين ربي:والله يجزيكم خير