صورة علم Germany
من مجهول
منذ 7 ايام 15 إجابات
0 0 0 0

حملي بعمر الاربعين مخيف وللأسف زوجي لا يفهم ذلك

انا ست مجوزة عمري 43 سنة و أم لأربع بنات اكبرهم 22 سنة و اصغرهم 7 سنوات صحتي جيدة و مهتمة كثير بحالي و بجوزي و بيتي و شكلي أصغر من عمري . كنت مرتاحة بحياتي .جوزي أكبر مني ب6 سنين انسان متعلم طيب و حنون معي و مع بناتي .وضعه المادي ميسور و الحمد لله .مشكلتي من فترة جوزي تعرف على جماعة أثروا فيه و صار بدو يكون عنده صبي رغم انو بالماضي ما بيفرق معه صبي و إلا بنت و عمره ما حكى معي هيك شيء .. صار يضغط علي و بدو اياني احبل من جديد و قال ممكن هاي المرة تصدف معنا و انا رافضة الفكرة من الأساس و راضية و مكتفية ببناتي .حصلت بينا مشاكل كثير بسبب هاذ الموضوع حاولت اقنعه انو احنا مرتاحين و كبرنا و إذا صار يمكن يكون جنين مشوه أو مغولي و رغم هاذ الشيء لساته متمسك برأيه . من اشهر اجبرني اروح لدكتور و طلب منه يشيل اللولب و الدكتور حكى معنا عن مشاكل الحمل بعد الأربعين . صرت اتهرب من العلاقة الحميمة و اخذ حبوب منع حمل من وراه و كزبت عليه انو ربنا ما كتب لي حبل ..من يومين اكتشف كذبي و حصلت مشكلة كبيرة و حلف يمين اذا ما حبلت رح يتجوز .. انصحوني كيف ممكن غير رأيه و اقنعه لاني مستحيل اوافقه خصوصا انو بنتي الكبيرة مخطوبة و الفرح قريب ووشكلي رح يكون مسخرة اذا حبلت في هالوضع.