متزوج منذ ثلاث سنوات وللآن زوجتي تخجل مني

ا متزوج من 3 سنين المدام مازلت للحظة دى بتنكسف منى بشكل مبالغ فيه حتى لو دخلت عليها الاوضة وكانت بتغير مثلا وشها يحمر وتفضل طول اليوم مبتكلمنيش من شدة الاحراج لو خرجنا فى مكان صعب انها تمسك ايدى لازم انا اللي امسك ايدها وياسلام بقى لو انا قعدت فى البيت بملابس خفيفه تفضل طول اليوم قاعدة فى الاوضة بعيد عنى ولما اقرب منها بتفضل وقت على ما حاجز الاحراج ينكسر وبعدها بترجع تانى زى ما هيا فى نقطة الكسوف عندنا ولد صغير عمره شهرين عمرها ما رضعت ابننا قدامى خالص هى اهلها متوفين ملهاش غير اخوها ومسافر فبالتالى انا اللي كنت معاها فى كل حاجة فى الولادة لان هى رفضت مساعدة اى حد غيرى متخيلين كانت بتبقى ازاى وانا بغيرلها على الجرح او بساعدها تدخل الحمام او بلبسها هدومه يفضل وشها يحمر زى ما اكون مش زوجها انا بحبها جدا وهى صارحتنى ايام الخطوبة ان هى بتنحرج جدا بس اكيد متخيلتش ان الوضع بالمنظر داه اتخانقت معاها انهاردة قولتلها انتى لو بتكرهينى مش هتعاملينى كدا انتى اكيد مجبورة عليا قالتلى تقصد ايه بمجبوره عليك لو بتلمح ان كان فيه حد فى حياتى اكيد مكنش فيه وانا قولتلك مليون مره ان بنكسف وزعلت جدا منى عشان فكرت ان بشك ان فيه حد فى حياتها قبلى انا مستحيل اكون فكرت كدا نهائى اقدر اصلح ازاى الوضع وفى النفس الوقت احاول اكسر حاجز الكسوف اللي بنا