زوجي لا يفهم بأني أكره المفاجأت!!

مرحبا اريد آرائكم في هذه المشكله انا متزوجه من شهر و في هاي المده صارت مشاكل بيني انا و زوجي بسبب انه انا شخص ما بحب اكون مش محطوطه بالصوره وانه كل الامور تصير فجأه الي صار انه من تاني اسبوعين النا كنا لسه نايمين وامه بترن عليه وبتحكيلو انه ليش ما بنحكي معها و ما بنيجي عندها مع انه كنا عندها قبل يومين واحنا عرسان يعني المفروض تفهم فحكالها انتي تعالي افطري معنا ف انه انا حكتله البيت بدي انضفو و ازبطو انا هلأ صاحيه غير انه احنا لسه مش عاملين فطور وانا ما بعرف اعمل فطور ليش تعزم و احنا اصلا لسه نايمين لا عنا فطور ولا البيت جاهز نستقبل في و زعلت و عصبنا وعملنا مشكله واخر شي فهمته انه بس بدك تعزم اي حد خبرني عشان اقوم بواجبه يكون البيت زابط و الأكل جاهز لانه انا بس انعجق ما بعرف اعمل شي وانا جديده على كل هاد لانو انا كنت مدلله كتير وما بعرف اطبخ ولا اعمل اي شي ولا عمري تحملت مسؤليه وانتهى الموضوع بعد اسبوع برضو انا كنت صاحيه الصبح و مطلعه البيت و بشطوف وعندي جلي و قصص البيت برضو رنت عليه وحكالها تعالي نفس الموضوع وانا بوسط الماي و العجقه وانجنيت واحكيلو البيت كلووو ماي ليش بضلك تعزم وانا مش جاهزه عملنا مشكله و رجعت حكتله انا ما بحب اي حدا يجي عندي فجأه حابب تعزم امك اهلا وسهلا بس خبرني اجهز حالي واجهز البيت والمشكله انه بيتها قريب من بيتي نص دقيقه كانت عنا ما قدرت فيها البس شي المهم هلأ النا شهر واليوم انا كان عندي غدا و بسخن في ولا فجأه برن علي زوجي بحكيلي انا جايي اكل معي سمك هلأ انا مسخنه الاكل و بستنى فيه و لابسه اشي حلو و عامله بالبيت أجواء و قصص و بس سمعت انه جايب سمك بدون ما يحكيلي على الاقل حابه اجيب سمك او اي شي تاني لانه انا مش كتير باكله والاكل الي سخنته قال بناكل بكرا و غير هيك جايب اكل كتير و حابب اهله ياكلو معه حكالي يا بناكل عندهم يا عنا وبعدها حكى خلص جهزي حالك و بناكل عندهم هلأ رح انسى السمك و الأكل الي سخنته بس لما تكوني لابسه و مجهزه حالك و عامله اجواء بالبيت و ما عندك فكره انه بدك تتغدي عند أهله شي بضايق ولا لأ؟ غيرت وخليت البيت زي ما هو حكيت بديش انكد عليه حابب ياكل سمك بحاول اجامل و اكل برن بعدها ب نص ساعه بحكيلي انا قربت اوصل و جايب امي تاكل عنا انا هون انجنيت ركبني شياطين العالم كلها البيت كله شموع و ورد وانا لابسه عشان اطلع وقعدت ارتب بسرعه و انعجقت و عصبت لانها الف مره قلتله خبرني قبل ما تعزم حدااا عندي وعلى الاكل انا ما حبيت اكل سمك حكالي كلي وانا ما قبلت كان في رز ضليت اكل فيه قام من الاكل و زعل و ضليت انا اكل عشان احترام امه للانها ما خلصت بعد ما خلصنا امه كل شوي بتحكيلي انتي ما بتحكي؟ ساكته؟ ليش ساكته؟ ليش ما بتحكي؟ وانا شخص كتير خجول وهي بتعرف وانا مش متعوده اجامل ولا احكي مع حدا بس مع هيك بحكي و بجامل ازا هي حكت او فتحت موضوع انا بشارك فيه بس انه انا افتح موضوع ما بعرف و بخجل وهي كل ما تشوفني كل ما نروح مكان بضلها تحكي نفس الجمله والمشكله الكل بكون ساكت مش بس انا بس هي مركزه علي علي شو نايمه ما الك صوت شو دايما انتي ساكته شو لتكوني نايمه لانك ما بتحكي وانا كتير بضايق كنت بدي احكي لزوجي عن هاد الموضوع بس قلت مره تانيه المهم ضلت تحكي نفس الكلمه وانا نا ارد و اطلع بطريقه انه مضايقه من كلمتها عشان خلص ما تحكيها بس ضلت تستفزني اخر شي حكت انتو موملين واحد على الموبايل و التانيه عملت حركه بوجها و ايديها انه زي الماعقه انا عشان ما بحكي وهون انا انفجرت وما قدرت استحمل وحكتلها بصوت طبيعي ما رفعته ولا شي قلتها خالتو انا بحكي مش عاها انا هي عندي لسان لا اضلك تحكي كل شوي ليش ساكته ليش ساكته لانه شي بضايق انا بس يجي عبالي احكي بحكي وتزعل و تطلع من البيت وزوجي انجن علي وكسر البيت و كسر موبايلو وحكالي انا مش محترمه امه ولا محترمته و انه انا بنكد عليه هلأ انا عندي شي بخليني انجنن وحكيتله انه بخليني انجن و هو برجع يعمله وانا برجع اضايق انا هون الي بنكد عليه ولا هو؟ وبس تيجي امه اضلها تستفزني زي هيك و تتخوت علي شي عادي؟ تصرفي في شي غلط؟