طفح الكيل من عيشة الذل التي اعيشها مع هذا الرجل

add_commentأضف إجابتك

thumb_downلم يعجبني0

السلام عليكم حبيت اسرد عليكم قصتي وارجو ان تفيدوني وتحطو نفسكم مكاني وتنصحوني كما لو كنتم ستنصحون انفسكم انا تزوجت وعندي ١٦ كنت صغيره وكان كل تفكيري عن الزواج انه فسح ولبس ورومانسيه وحب زوجي مغترب تزوجته ومن بعد الفرح ب٣ ايام استلموني اهله بالمشاكل مع اني اقسم بالله لما دخلت بيتهم دخلته ونيتي كلها خير عملو معايا مشاكل من ٨ سنين لحد النهارده وانا في حيره وتفكير لان زوجي بيسمع فيا وعلي قد مااهله بيتخانقو معايا عمره ماحط في دماغه انه يدافع عني او حتي يحط في دماغه انهم وحشين لا كان دايما يغلطني كنت عايزه انفصل عنهم لكن ماما كانت رافضه لاني كنت صغيره ومش كاتبه كتاب فكانت خايفه انه يعلقني ومايكتبش ولا يطلق قعدت تقولي اصبري اصبري وصبرت بعد زواجنا بسنه ونص والده طردنا ورمي عفشنا من الشقه علشان يتجوز هو فيها وطرد اخو زوجي كمان وام زوجي يعني طرد البيت كله ونظام زوجي واهله انهم كلهم بيشتغلو في الغربه مع بعض وبيحطو فلوسهم مع بعض راحو اشترو شقه وبيت لحماتي وقطعه ارض لاخو زوجي وانا محدش عبرني انا كنت قاعده عند امي في غرفه فارغه مافيهاش اي اثاث ولا دولاب حتي كنت بحط هدومي في شوال وهو مكانش حاطط في دماغه انه يريحني ولا يجيب ليا بيت زعلت كتير لحد مافاض بيا وانا كنت وارثه قطعه ارض من والدي وفلوس في البنك بنيت قطعه الارض ابتاعتي وبعت ذهبي اللي اهلي جابوهولي لحد ماخلصت فلوسي ماقدرتش اكمل لاني مش بشتغل ولا عندي وظيفه قلتله هكمل رفض في الاول وحصلت مشاكل كتير ومع تدخل كبار العيله اعطاني فلوس في التشطيبات يعني انا بنيت كله الا التشطيبات ومع ذلك مافيش تقدير ومن والده طردنا لحد ماسكنا في بيتنا قعدنا ٤ سنوات ومن طردنا ابوه لحد النهارده وكل ماينزل اجازه كل واحد فينا بينام علي سرير وحجته الظروف لما كنت قاعده مع امي كان حجته السرير ضيق سكت وصبرت هو نزل اجازتين عند ماما ولما سكنا في بيتنا كان حجته ان غرفه النوم حر كنت بقوله يجيب مكيف مابيرضاش يجيب طيب لما نزل اجازه السنه دي نزل في الشتاء وكانت حجته انه خايف علي ابنه لان ابنه نايم علي الارض ومش راضي يجيب غرفه اطفال لابنه ومعاه فلوس وبيعمل مصالح كتير هو واخوانه لكن الفرق بينه وبين اخوانه ان اخوانه ان اخوانه مش منقصين بيتهم حاجه غرف اطفال وانتريهات وركن كل حاجه ونسيت مااقول لكم ان اخوه بني منزله دورين وانا بيتي من البيوت القديمه مش كل حاجه بيستخروها فيا اتكلمت مع جوزي كتير قلت له انا محتاجه راجل في حياتي انت مخاصمني طول السنه ولما بينزل اجازه امه من تاني يوم الساعه ٦ الصبح بترن عليه علشان مايقعدش معايا وفعلا بيكون طول السنه متغرب ولما بينزل اجازه بيطلع الصبح مش بشوفه غير بالليل بيكون قاعد في الزرع وبيكون تعبان ويكون هدومه موسخه وريحته وحشه وينام معايا عادي وموضوع العلاقه اللي بيني وبينه عباره عن تاديه واجب وخلاص يعني اول ماقعد جنبه يخلص الموضوع ويمشي من الغرفه ومن تزوجته علي هذا الحال انا قررت الانفصال عنه ولكن محتاره خايفه يكون قرار خاطئ لانه شخصيته معدومه جدا يعني اخوه الاكبر منه هو اللي بيقرر احنا حنعمل ايه في حياتنا حتي في لبسي بيتحكم يقوله مراتك تلبس كذا وكذا وهو برضو اللي بيتحكم ويقوله تبعت مصاريف كام لدرجه انه كان بيبعت فلوس قليله روحت اتخانقت معاه راح ذود الفلوس من ورا اهله مع انه كان بيبعت الفلوس مع امه لكن الفلوس اللي ذودها كان بيبعتها بعيد منهم انا بقي طفح الكيل وزهجت كل ماحد يشوفني في الشارع يسلطه عليا وقررت اني اكمل تعليمي ولكن خايفه زي مافشلت في الزواج افشل في التعليم لان اهلي في البيت شايفيني فاشله في التعليم لاني تركته من اجل الزواج ولكني لست بغبيه ولكن كنت مشغوله بامور الزواج كنت مراهقه ساعتها من رايكم اي قرار هو الصح في حياتي مع العلم لكي لا اظلم زوجي هو بيحبني جدا جدا جدا بس بطريقته الخاصه اولا حبه كلام وليس افعال ثانيا عامل نفسه اني ملكه ومهما يفعل سابقي معه وبالنسبه لطفلي هو مقصر معاه جدا يعني بيعت لينا المصاريف فقط حتي في العيد مابيبعت لابنه عيديه اللي خايفه منه ان حد غيري يرضي يعيش معاه بوضعه دا والناس تقول عليا فاشله ومش بعرف اعيش
add_commentأضف إجابتك

thumb_down لم يعجبني 0

إجابات السؤال

صورة علم United States
أضف إجابتك على السؤال هنا
  • أخصائية علم النفس والتثقيف الصحي ميساء النحلاوي
    أخصائية علم النفس والتثقيف الصحي ميساء النحلاوي verified_userشكرا لك سيدتي على ثقتك بموقع حلوها . بدأت مشكلتك حين تزوجت وأنت قاصرا ، لا خبره لديك في التعامل مع زوجك ولا مع أهله . ما دمت تعيشين في بلد وزوجك مغترب ،اجلي اتخاذ القرار بالانفصال وحاولي إقناعه بمتابعه تعليمك. سارعي بعدها إلى تسجيل نفسك لتكملي تعليمك سواء من البيت أو في معهد للكبار . العلم هو سلاحك لأنه سيؤمن لك مورد مال تعيشي منه لو تطلقت من زوجك . هل سجلت البيت الذي بنيته باسمك ؟ هذه نقطه مهمه للغاية لتؤمني سكنا خاصا بك . إن كانت متابعه التعليم صعبه عليك ، تعلمي مهنه أو حرفة. زوجك يحبك على طريقته كما تقولين ، وما دام بعيدا ستخف مشاكلكما ، ابحثي عن عمل ولو تصف دوام لتؤمني سرير لطفلك وما يلزمه . ثقي بنفسك وغيري حياتك باجتهادك وكفاحك من أجل ابنك ولا ترمي كل الحمل على زوجك وحاولي أن تحسني علاقتك بأهل زوجك قدر المستطاع.
  • صورة علم Jordan
    صورة علم Jordan
    مجهول
    عكل حال اختي اللي مش قادر يحسب حساب لنفسه و شخصيته ضعيفه كيف بدو يحسب حساب الك .. فاقد الشيء لا يعطيه .. راجعوا استشاري اسري بركي اتعالج نفسيا من ضعف الشخصيه .. و ربيهم اعملي نفسك خلص ما بدك ياهم و لما يجي يرجعك اتشرطي وخدي اللي بتقدري تاخديه من حقوقك الضايعه .. واذا ما اجا يرجعك مع الف سلامه يشوف وحده ضعيفة الشخصيه مثله يعيش معها .. بعدين اختي لا تهتمي لكلام احد اللي الله كاتبه بدو يصير مالك ذنب انك فشلتي او ما فشلتي هاد كلام فارغ حياتنا وبدنا نعيش و نتعلم منها اللي بيفشل بيتعلم اكتر من اللي بينجح بدون ما يتعذب
  • صورة علم
    صورة علم
    مجهول

    نعم تطلقي منه وعيششي حياتك للحين توك صغيرة والغلط منك من البداية شلون تتزوجين وانتي صغيرة  لكن اللي فات مات وانتي الحين فيك عقل وشفتي حياته تطلقي منه ترى بهالزمن عيشي لنفسك تطلقي منه وتوكلي على الله

  • صورة علم
    صورة علم
    مجهول

    أعتقد أنه حان الوقت كي تفكري بنفسك.. مرت حياتك كلها ولم يفكر أحد بك.. الآن يجب أن تختاري الأفضل لنفسك ولمستقبلك.ز وعلى ما يبدو لا يوجد ما هو مشجع لدى زوجك.

  • صورة علم
    صورة علم
    مجهول

    لا حول ولاق وة الا بالله والله انتي لست مجبورة على تحمل هذه العيشة برأيي انك لازم تتكلمي معه وتفهمي انو الحياة لازم تكون أخذ وعطاء واحترام ..الحياة الزوجية ليست فقط علاقة حميمية وانتهى الامر ..لازم يكون الك وجود في الحياة

  • صورة علم Egypt
    صورة علم Egypt
    مجهول
    كملي تعليمك اساسي بغض النظر تركتني زوجك ام لا و اتشرطي علي زوجك انا تكملي تعليمك أو اتركيه لو وافق كملي تعليمك و شوفي الحياة هاتمش ازاي نكد و هم اطلقي و سيبك منه في منه صلاح ممكن تكملي في حالة تكملي دراستك غير كده اوعي تكملي معاه لا تضعي مستقبلك العلمي ابدا
  • صورة علم
    صورة علم
    مجهول

    العلم والدراسة سلاح ، اخطأت من البداية لأنك قبلت التخلي عن تعليمك من أجل الزواج ، لا تتركي تعليمك ، انت لست غبية  انت امرأة ذكية   ، لا يستطيع احد تحمل ما تحملته يا عزيزتي ، فلا تفقدي ابدا الثقة في نفسك

  • صورة علم
    صورة علم
    مجهول

    يا اختي الغاليه انتي تقللي من نفسك بهذا الاسلوب وهذه الحياه فالشقه ملكا لكس وفعلسكي ان تجدي مصدر لتعيشي منه وتنهي هذا الزواج فعلى الاقل يجب ان يعرف انكي لستي شيئ ثابت في حياته فان تغير فلا مشكله وان لم يتغير فحلك هو الطلاق فورا

  • صورة علم
    صورة علم
    مجهول

    يجب ان تنزعي من تفكيرك فكره ان هناك شخص يولد فاشل واخر ناجح فمن يجتهد في شيئ ما سينجح فيه فلا علاقه للذكاء بالامر ان الامر هو بذل مجهود فانهي زواجك وادرسي وايذلي مجهود وستنجحي انه امر مفروغ منه اجتهدي ستجدي النتيجه

  • صورة علم
    صورة علم
    مجهول

    يا النتي لا تهتمي له او من سيعيش معه او لا عليكي ان تهتمي لنفسك وحياتك وحياه ابنك فيجب ان تعرفي ان الحياه لا يجب ان تستمر في شقاء دائما فعليكي ان تكملي تعليمك وتجدي عمل فلا تستمعي لاحد فان قررتي النجاح فستنجحي 

صورة علم United States
أضف إجابتك على السؤال هنا