العقاب الذي يتبعه زوجي لتأديبي هل هو طبيعي

جوزى شخصية منظمة و محترمة جدا وبيحبنى جدا وكويس معايا معظم الوقت لكن عقابه مش مقبول لما ازعله من اول الجواز وهو معرفنى كل جنيه جايله وهيعمل بيه ايه وبياخد برايى كتير جدا بس كان قايلى معرفش اى حد اى تفاصيل من دى هو مبيحبش حد يعرف عنه حاجه وفى مرة قولت قدام امه انه هيجيله فلوس وهيشترى عربية وهو اصلا كان ناوى يقولهم انه هيجيبها بالقسط زعل منى جدا وقالى لمدة 6 شهور انتى مش هتعرفى اى حاجه عنى فى موضوع الفلوس ليكى طلباتك وبس بالرغم انى كنت عايشة مبسوطة بكل حاجه تانية بس حسيت انى مليش لازمة اكتر من حاجه بيقرر يعمل ايه بالفلوس بدون ادنى فكرة منى حتى لو ابسط حاجه مصيف ميقوليش بكام ولما كنت اقوله خلاص بقى ميبقاش قلبك اسود يضايق جدا انى كلمته قبل مال6 شهور يخلصوا يقولى تقبلى عقابك ومتجبيش غلطك فيا الغلطة بتاعتك انتى خلصوا ال6 شهور لقيته بيقولى انه عمل كده علشان مطلعش سر بيته تانى وعرفنى كل حاجه وحسيت باهميتى اللى كنت مفتقداها وجابلى دهب هدية كمان وكان هيجيله مبلغ كبير من تجارة فكان بيفكر يشترى ارض او بيت فانا كان عاجبنى بيت جنب عيلتنا ومتشطب حلو جدا شافه وعجبه واتفق مع الراجل وكله تمام ومحدش يعرف حاجه بس مرضاش يشترى علشان ابوه كان بيتقاسم مع عمه فى بيت وابوه عايز فلوس منه يشترى النص بتاع عمه ويديله الفلوس لما يبقى معاه او يكتب لجوزى نص البيت وجوزى مبيحبش يدخل مع اهله فى حاجه شرك فقاله معييش فلوس انا كنت قاعدة مع خالتى وبالصدفة البحتة بتقولى على البيت اللى احنا هنشتريه فعلا قلتلها ده احنا عملنا فيه كزا وكزا وقلتها متقوليش لحد حكت لجوزها وجوزها صاحب حمايا قاله ان البيت فعلا تحفة وحمايا قال لجوزى امال بتقول معيشش فلوس وزعل من ابنه جوزى جه وكلمنى (هو مبيتنرفزش خالص قالى انت عملتى كزا وكزا قلتله اسفه واول واخر مرة هتكلم مع حد قالى ماشى وسكت شوية وقالى لمدة سنة ونص مش هتعرفى حاجه عنى خالص فى الماديات حاولت معاه كتير انى اعتذرله مفيش فايده قولتله اى عقاب تانى قالى تتضربى 50 عصاية على جسمى من ورا قلتله الضرب ده اهانه وازاى تعمل معايا كده قالى سيبك من الضرب ده اوبشن زيادة بديهولك هو عقابك اللى قولتلك عليه سنة ونص انتى بره الماديات كان فى حاجه كان بيعملها بضايقنى جدا واتفقنا وبطلها قلتله لو عملتها تانى يعنى هتعاقب نفسك واقولك ملكش دعوة بالماديات قالى موافق هديكى اى فلوس تجيلى واخد انا مصاريفى بس 6 شهور انا مش عايزه حد يقولى انت غلطتى وامسكى لسانك انا عارفه كويس بس انا اعمل ايه دلوقتى 1 - اوافق معرفش حاجه سنة ونص بس المشكلة انى بحس انى مليش لازمة وفى قرارات مصيرية هتتاخد الفترة الجاية بيت وعفش وحاجات كتير والموضوع ده هيقرفنى 2- اعمل مشكله واروح عند ماما بس المشكله اهلى مش هيقفوا جنبى لان ماما شايفاه هو صح 3- اقعد معاه واتعامل بتحفظ واوصله انى زعلانه انه مبيعرفنيش حاجه بس المشكلة ان هيقلبها عليا ويعمل مشكله اكبر انى مش متقبله اصلا انى غلطانه واستاهل العقاب 4 - اوافق انضرب وخلاص وده مشكلته الاهانه ونفسيا مش متقبلاه وخايفه يبقى عادة والضرب نفسه 50 كتير وسؤال تانى هو كده تفكيره طبيعى اه انا غلطانه بس هل حقه يفكر كده ؟