كره أمي لزوجي وتدخلها بحياتي دمر العلاقة بيننا

زوجي يحبني و احبة جدا ، تزوجنا من سنتين ، امي تحب انو كل شي يكون على مزاجها بالزبط هيا طيبة و تحبلنا الخير و لكن هادا الكلام ما يمشي مع زوجي، انا اعيش في بلد و اهلي في بلد شاءت الظروف اني انا و زوجي نروح البلد الي فيها اهلي عشان ولادتي لطفلنا الاول و علق زوجي معي بسبب اغلاق المطارات ، امي ما يعجبها مزح زوجي و لا يعجبها كلماتو ( في بعض الاحيان اتفق معها لكن هوا طيب و كريم جدا و عصبي جدا ، قعدنا عندهم في نفس البيت شهرين بعدين استاجرنا بيت و اثثناه و هادا ما عجب امي و بلشت تعاتبني انو انا ما بستشيرها و انا بقلها بحكم اني عشت سنتين لوحدي في بلد تاني تعودت ع اخذ قرارتي مع زوجي لوحدنا ، تعب زوجي و اجو اهلي يزورة و امي زعلانه فكانت تصرفاتها مش طبيعية ( لا ترغب في شرب قهوه و لا اكل حلو و لا عزومة هوا ناوي يعملها بعد يومين و كان قال لاهلي عنها من ٣ اسابيع انا طبعا لسا حامل في الشهر الثامن فهو بدا بالسؤال انو ايش في و مالك و من شو زعلانه و ليش رافضة عزومتي و الي اخرة تدخل والدي بانه يقول لزوجي انها زعلانه من تصرفاتك و مزحك في بعض الاحيان و الي اخره زوجي فقد اعصابة و بدا بالصراخ انا هنجلط و انا كمان اسمع كلام مش منطقي و ترك القعدة و دخل غرفة ثانية قلت لاهلي اريد ان الحق به ابوي رفض قال لا انا الحقو و ذهب ابي له يقول له ليش تصرخ رجع زوجي طلع و قال له عمي انا اسف اني هليت صوتي لكن هادي قصص غريبة و انا مش فاهم ليش احاسب انا ع كل شي و على كل كلمة و مزح اذا مثل ما تقولون انا ابنكم كيف يعني و امي خرجت من بيتي و و نفس الوقت ابوي ما سمع من زوجي و خرج ، احنا المشاكل هادي تحصل من امي من يوم الخطوبة من ٣ سنوات بعدها حلف علي زوجي يمين طلاق ما ازور اهلي و ما احكي معاهم و بعدها رجع سمحلي اروح مرة واحدة اطيب خاطرهم ، الان صارلي ثلاث اسابيع بعدها ما زرتهم و احكي معهم لكن امي تتهمني باني بعتم عشان زوجي و تريد اني ازورهم و انا مش قادرة اقلهم انو حالف علي يمين تناقشت انا واياه اكثر من مرة و في كل مرة يقلي اهلك ما يحبوني من زمان و يذكرني في مواقف صحيحة و قصص و يقلي ليش ارجع علاقة ما فيها غير وجع راس و هوا شايف انو كمان مش غلطان و ما يريد يعتذر و اهلي مصرين انو لازم يعتذر و هوا بقلي كمان اسبوعين اسمحلك تروحي مرة بالاسبوع و لمدة ساعتين فقط و الان امي تبعتلي و تتصل و تسمعني كلام جارح جدا و انا انهديت من المشاكل احب زوجي و احب اهلي و لا اريد اخسر طرف و لا استطيع ان اكون صريحة لدرجة اخبار اهلي الحقيقة انو حالف يمين لانو ما اضمن تصرفهم و كمان انا حامل و حياتي كلها خربت انا تعبت و اريد حل الطرفين تعبوني كثير