الزواج حولني لإنسانة كئيبة فهل أتطلق وأعود إلى حياتي

add_commentأضف إجابتك

thumb_downلم يعجبني0

مرحبا، انا سيده عمري ٣٨ سنه الي متزوجه ٣ سنين،ما عندي اولاد،عايشه بغربه لحالي، بتمنى تقترحو علي شو اعمل، كبدايه زواجي كان كلها مشاكل ولختلافات بحكم انا من جنسيه عربيه وهوه اجنبي، المهم مشيت معه وطلب اني اتغير وتغيرت للاحسن والحمدالله وهوه نفس شي، طبعا كبدايه زواجنا لاقيتو بخوني مع بنات! وطبعا كلعاده نكر هاد شي ، المهم قبل زواجي كان وزني مقبول لا نحيفه ولا ناصحه معتدل زاد وزني كتير خلال سنتين الماضين المهم نزل وزني نص لانه بدي ارجع زي ما كنت من وقت ما نزل وزني لهاي لحظه زوجي ما بقرب علي، للعلم جسمي الي بشوفه جسمي ابريقي الي بنات بتمنو يعملو زيه، بقلي انتي من وقت ما نحفتي ما عم بتعبي عيني عشان هيك انا ما بعمل معك علاقه! قلت طنشي وحبي حالك وزبطي امورك،انا لما تزوجت قلت يا بنت تزوجي عشان تعملي عيله ع الاقل ولد هاد شي ما اعطاني ياه زوجي، انا برجع باكد زوجي تغير كمعامله عن قبل صار للاحسن يعاملني بس يعصب بقلب شخصيه تانيه بتصدمني، حاسه حالي بس خدامه للبيت هوه بطلع ع شغل وانا بضل بين اربع حيطان لا صحبات وانا عايشه بغربه تعبت من الوحده لاني انا ما كنت هيك، كان عندي شغلي وسيارتي ومحافظه ع حالي وبطلع وبروح وباجي بس الي من اول زواج وانا بين اربع حيطان، زمان كان ياخدني مطاعم مولات بس هلا ومن وقت كورونا ما منطلع مكان، مبارح عملت اكله للعشا اكل اول لقمه بعدين زت معلقه وسكينه ع الارض بقلي مش زاكي وانا تعبت منك!! بقله ليش شو فيه بقلي مش زاكي اكلك، بقله يمكن غلطت بعيار بقلي لا انتي من اول ما تزوجتك وانتي اكلك مش زاكي!! وهوه ما شاء الله ما بخلي اشي بصحن ضليت صافنه بقله اكلي انا مش زاكي وانت كل ما نخلص عشا بتقلي زاكي وبتاكل بقلي بمعنى بجامل فيكي انا تعبت !!! قلتله اسمع انا هاي قدرتي ع الاكل وهاي قدراتي وازا بدك بتصير تطلع تتعشى بره او انت اطبخ لحالك، وبلفعل اليوم وهوه طالع بقلي ما تحاولي تطبخي لاني انا رح اجيب اكل واطبخ لحالي !! انا انسانه تعبانه نفسيا والله العظيم ما كنت هيك كنت انسانه مرحه وهلا تحولت لانسانه كئيبه بتمنى اني اموت مرات، بعرف طولت عليكم بس معلش اخواني وخواتي انصحوني شو اعمل معه اطلق وارجع بلدي ولا اصبر!! معلومه مره حكالي ازا بنطلق ما رح اعطيكي مؤخر تاعك
add_commentأضف إجابتك

thumb_down لم يعجبني 0

إجابات السؤال

صورة علم United States
أضف إجابتك على السؤال هنا
  • أخصائية علم النفس والتثقيف الصحي ميساء النحلاوي
    أخصائية علم النفس والتثقيف الصحي ميساء النحلاوي verified_userأنت غير سعيدة مع زوجك ، سيدتي ، وتعانين من الوحدة حتى وصلت لحال الاكتئاب ، وزادت جائحة الكورونا من معاناتك ، فلا بد لك من التفكير فيما يسعدك ويعيد إليك بهجة الحياة. من حسن حظك أنك لم تنجبي من زوجك ، فلا يوجد ما يجبرك على حياة لا تريديها ، لا تسكتي على إهانته لك وتصرفاته الفظه فمن الواضح أنه يعنفك معنويا ، فيهينك في أنوثتك ويتعمد كسر خاطرك لكي تفقدي ثقتك بنفسك. لقد كنت تعيشين حياة سعيدهة في بلدك ، تنعمين بالحرية والحياة ، صارحيه وطالبي بالتغيير وان لم يتجاوب فاطلبي الطلاق وعودي إلى بلدك. 
  • صورة علم United States
    صورة علم United States
    مجهول

    اطلبي الطلاق ولا تنتظري معه ولا يوم عودي لنفسك التي حطمت من هالزواج

  • صورة علم Jordan
    صورة علم Jordan
    مجهول
    ما عندك اولاد منه وشو تستني اطلقي وارجعي لاهلك احمدي الله ما في اولاد 
  • صورة علم Egypt
    صورة علم Egypt
    مجهول
    يا بنت الحلال هذا الزوج اشتاق للعزوبيه ولا يريد أن يكمال معك مشور الحياة الحقي نفسك وارجعي الي بلادك وتزوجي بآخر لعل الله يرزقك بطفل يهون عليك الايام ويعيد إليك الحياة التي أساسها الزوج الرشيد الذي يعرف قيمه المرأة العربية
  • صورة علم Saudi Arabia
    صورة علم Saudi Arabia
    مجهول

    لا تطلقي ولكن اخرجي واتعرفي على سيدات و البلد فيها نشاطات كثيرة شوفي الجالية المسلمة في منطقتك احفظي قرآن ادعي له اصبري عليه وهيتغير بإذن الله 

  • صورة علم Lebanon
    صورة علم Lebanon
    مجهول
    اول شي روحي الجيم او عالاقل امشي بالشارع وثاني شي طنشيه قوليله اوك على كل شي ولو ساويتي الاكل حطيله وخلي ياكل لحاله هو مش حكم يعطيكي علامة على اكلك ووين ما يكون هو جالس انتي روحي غرفة ثانية خليه يحس بقيمتك  وما تخليه يأثر عليك بشكل سلبي وبهيدا الوقت فكري انتي بتحبيه وهو بحبك ؟! هو الشخص يللي بيستحق منك فرصة ثانية والصبر على معاملته او ممكن الجفا منك يكون سبب بتغيره  
  • صورة علم Egypt
    صورة علم Egypt
    مجهول

    روحي ع الجيم تتغير نفسيتك وتتعرفي ع ناس جديدة كل يوم

  • صورة علم United States
    صورة علم United States
    مجهول

    للاسف هناك اناس خلصة من البلاد الغربيه تظن انك تزوجت بأمريكا يعني ملكتي الدنيا وما فيها ويحسدونك على اقل شيء. وطبعا الغربه دور في هذه المشاعر خاصة حين لا يكون ما يفعله الشخص.  اختي اقترح عليك اولا ان ترقي نفسك وبيتك وزوجك حتى دون ان يدري عن طريق الماء للشرب وماء الطبخ وايضا  زيت الطبخ. ابحثي عن الرقيه وكيفيتها وكيف تقومين بها  لنفسك وبيتك وزوجك . وحاولي قراءة سورة البقره في بيتك يوميا . واكثري من الاستغفار . وايضا حاولي صلي قيام ليل لو ركعتين وتقربي الى الله بالدعاء.  وتصدقي يوميا ولو بالقليل ولو ان تضعي قطعة خبز  او اي شيء للحيوانات والعصافير  بجانب بيتك . وحاولي ان تتقربي لزوجك بالمدح والتقدير لما يفعله ولو كان شيء بسيط . وكوني صبوره وحاولي ان تلعبي رياضه يوميا لو ربع ساعه وان تمشي يوميا خارج البيت ايضا لو ربع ساعه . فكل هذه الامور باذن الله تعالى ستغير مزاجك وسيتغير زوجك فقط توكلي على الله وخذي بالاسباب . وفقك الله والف بين قلبك وقلب زوجك يارب .

  • صورة علم
    صورة علم
    مجهول

    ابنتي العزيزة عليكي ان تجلسي مع نفسك جلسة مصارحة وتقومي بمصارحة نفسك دون مراوغة او خداع للنفس ،، فأتنت عليكي ان تحددي اذا كنتي تحبين هذا الرجل حقا ومستعدة بأن تصبري عليه وتحاولي التغيير من شخصيته ومن نفسك حتي تجيدين نقطة التقاء ،،ام ان الحياة بينكما لا تستحق منكي كل هذا العناء والسعي ،، جاوبي نفسك بصراحة وحينها ستتمكنين من معرفة ماذا عليكي ان تفعلي واذا كان عليكي الانفصال ام انك ستصبرين .

  • صورة علم
    صورة علم
    مجهول

    انصحك يا عزيزتي ان تسيري في خطين متوازيين وهما : ان تبدأي في انشاء حياة مستقلة بك تشعرين فيها انك ذات كيان وصاحبة رأي وسلطة ،، وفي نفس الوقت اسعي لتحسين حياتك الزوجية ،، فحاولي التقرب من زوجك و اظهار حبك واهتمامك به ،، احطيه بحبك وحنانك حتى تجذبيه اليكي والى بيتكم وحياتكم الاسرية الجميلة .

صورة علم United States
أضف إجابتك على السؤال هنا