صورة علم
من بنت الامارات
منذ سنتان 63 إجابات
5 0 0 5
  • عملي ام زوجي الغيور

    غيرة ريلي صارت غيرة مرضية لدرجة اني مب قادره أتحمل غيرته وشكوكه وظنونه وعصبيته وصراخه اللي ماله حد ..تزوجنا قبل تسع أشهر بس . وما لاحظت غيرته هذي عليه الا بعد زواجنا بأربع أشهر تقريبا . في البداية ظنيت أن الأمر طبيعي جدا . لكن غيرته تعدت الحدود لدرجة أنه صار يضغط علي بقوه علشان استقيل من شغلي والسبب انه يغار مثل ما يقول ..انا حرمه عاملة . عمري 26 سنة وعندي شهادة الماجستير ومديرة بدائرة حكوميه كبيرة. وها المركز اللي انا فيه يخلي الموظفين عندي يتصلون علي في أي وقت وانا أكون مضطرة اني ارد عليهم . وبعد طبيعة شغلي تضطرني اني أتم برع البيت في كثير من الأحيان وحتى في المساء .. وبعض الأيام اضطر اني أسافر ليوم أو يومين أو أكثر .زوجي بعد يشتغل .. وقبل زواجنا هو كان يعرف طبيعة شغلي . وهذا اللي خلاني انصدم من تغيره المفاجئ وغيرته الغير طبيعية علي ..الحين هو يطلب مني اني أترك شغلي واستقيل أو انا نتطلق ..انا ما ابغي اخسر زوجي واهدم زواجي وبيتي . وزوجي ريال زين ومتحضر لكن غيرته المرضية المفاجأة سببت لي ها المشاكل . وبعد انا أبوي وأهلي كانوا يفتخرون فيه وفي شغلي وما تعودت على اني اقعد في البيت خصوصا أن ما عندي عيال .. ومركزي ممتاز وفي دائرة حكومية يعني صعب علي اهد كل هذا واستقيل ..انصحوني شو اسوي علشان اقدر احتفظ بشغلي ووظيفتي وفي نفس الوقت احتفظ بزوجي واخلصه من غيرته المرضية ؟؟؟

أسئلة ذات علاقة