نادمة على تأخري في الإنجاب وأخشى أن يكون الأوان قد فات

بصراحة أنا أشوف إنك تفكرين زين قبل ما تاخذين هالخطوة لأن بناتك كبروا وصار لهم احتياجاتهم الخاصة وانتي وزوجك دخلتوا مرحلة مختلفة من حياتكم والطفل الجديد بيرجعكم من البداية للسهر والتعب والمصاريف والتربية من جديد وهذا مو شيء بسيط خصوصا إذا كانت الظروف المادية هي السبب اللي خلاكم تأجلون الإنجاب من الأساس مو معناته إنك غلطانة لو اكتفيتي ببنتينك ولا معناته إنك لازم تجيبين طفل ثالث عشان ما تتحسفين بالمستقبل أحيانا الرضا باللي عندنا أريح من مطاردة فكرة نخاف نندم عليها

يا أختي لا تلومين نفسك على قرار أخذتيه بوقته بناء على ظروفكم المادية فأنتم ما أخرتوا الإنجاب عبثا وإنما كنتم تفكرون في مصلحة أسرتكم وبناتكم والإنجاب مو سباق ولا فيه عمر معين لازم تخلصين فيه من تكوين أسرتك إذا كنتوا راغبين بطفل ثالث وظروفكم تسمح لكم صحيا وماديا ونفسيا فلا تشوفين إنك تأخرتي وإن الفرصة راحت منك لكن لا تجيبين طفل بس عشان تتخلصين من شعور الندم لأن الطفل مسؤولية عمر كامل وليس وسيلة لعلاج تأنيب الضمير