عاديت أهلي من أجل زوج ظالم

مرحبا انا حبيت اطرح مشكلتي لاني بصراحة تعبت انا عمري 33سنة متزوجة من 14سنة عارضت اهلي كرمال زوجي لاني حبيتو بس هوي عطول كان مايصدق حكيي وعطول يضربني واهلو تدخلو كتير بحياتنا واثرو عليه بشكل كبير كانو ولادي صغار ماكن بدي اياهن بنظلمو بهالدني قلت بتحمل وكنت بعرف انو اهلي رافضين فكرة اني ارجع لعندن الا وانا مطلقة بس كبرو الولاد وقسوة اهل جوزي زادت لدرجة انو كرهو الولاد وبنتي وحيدة عالصبين صرت خاف انو اتطلق واتركا وماتلاقي الترباية الصحيحة واخسرا واخسر اخواتا لانو بعرف منيح انو رح يحرمني منهن هددني كذا مرة بهالشي ولاني بعرف بيئة اهلو كمان سكتت وعضت عالجرحي بس والله اتعبت من المشاكل والحكي الجارح والسب هوي عطول بيعتذر وبقلي مالي غيرك وانتي ام ولادي بس مابعرف شو بصرلو وبصير يعصب عليي وعلئ الولاد انا عطول بلاقيلو عذر انو ضغط الشغل وانو هوي عمل حادث من حوالي 4سنين وكانت الضربة على الراس بس انا حكيت لانو كان بدي ارتاح وحدا يساعدني بحل لانو مافيي فضفض لحدا طبعا مافيي احكي لحدا من اهله لانو مايحكو معي واذا بموت انا والولاد مابيسالو عنا بالعكس هنه عم يعملو المستحيل ليطلقني لدرجة انو حرمو من كل شي تركو بيو واهلي مافيي خبرن لانو بدن يلوموني ويقلولي حدا اختيارك وشكرا لالكن