لا أجد الراحة في بيتي بسبب أولاد أخوة زوجي

مشكلتي صعبه واحس مالها حل مشكلتي مو ماخذه راحتي في بيتي بسبب اولاد اخوات واخوان زوجي دايم عندنا من لما نصحا لين ننام يطلعون ويدخلون مافي هدؤ ولا راحة والله من بدا الشهر ما حسيت فيه لا سكينة ولا هدؤ حتى الصلاة ماخلوني اتهنى فيها ازعجوني واولادي صغار وكل ما طلعو ودخلو يبكون اولادي يبون يطلعون معهم كل يوم اتحمل لين يجي زوجي وانفجر فيه كل يوم اشكي عليه من نفس الموضوع اشوفه انه طفش وانه يزعل بس ايش اسوي لو كتمت بنفجر في الوقت الغلط وكل ما شكيت عليه ما ينصفني ولا يعطيني حل يقول عادي صغار تحمليهم وانا مو مجبوره اتحمل اولاد غيري كفايه عليه اولادي ما ادري ايش اسوي وما بقدر اكلم امهاتهم بيسوون لي مشكلة لانهم مو متفهمين وانا ماحب المشاكل احب اعيش في هدؤ وسلام من جهه ما بقدر اتحملهم ومن جهه اخاف يصير بيني وبين زوجي مشكلة بسببهم مقهوره جيبو لي حل انصحوني وش اسوي