اكتشفت خيانة زوجي وصوره الجنسية!

السلام عليكم ورحمة الله وبركاته....انا مشكلتي طويلة متزوجة لثمانية سنين ولدي اطفال أحب زوجي اشعر احيانا بحبه لي المشكلة هي قبل أربعة سنين اكتشفت ان زوجي مصور أعضائه في وضع جنسي ووجدت افلام اباحية بالرغم اني لم اقصر معه واجهته ولَم اخرج من المواجهة بشي مفيد وبسبب حبي الكبير له قفلت الموضوع ولكن أتألم بداخلي وتاني شي لاحظته نظراته للنساء في كل مكان وإلا يقتلني حتى وانا معاه يطالع ولما أكلمه يقلي انتي مريضة تعبت نفسيا من كلمته ليا مريضة رغم انا شايفة اعتقدت اني مريضة وانا متاكدة من صحة كلامي بس مو عارفة ايش اسوي بعد كدا اكتشفت مصيبة كبيرة لقيت في جواله رسالة لامرأة متزوجة كانوا متواعدين يتقابلوا في السوق لكن ربي حرق قلبه وما قابلته شأفته من بعيد واجهته وسوا قصة ليش تفتشي في جوالي انتي مو من حقك تلعبي بجوالي واتخيلوا انا زوجته ولا اعرف أرقامه السرية بحجة اني احمله برامج مالها داعي وانا بس اسكت الين تعبت نفسيا انفجر على الاطفال في البيت وخائفة عليهم صرت عصبية مو طايقة نفسي وكمان مو بس دا كله عنده ارقام مهندسين سورين طلعت ارقام بنات وسخة حقون بطائق شحن ومهما أواجه انا مريضة مرة تعبني وهو حاسس دايما هو الصح وانا الغلط والمريضة وآخر مشكلة صارت قريب لقيته متواصل مع زميلاته في العمل مكالمات طويلة وعمره في حياته ما كان يتواصل في العمل مع الحريم قام يضحك عليا ويقلي عشان انا في عملي محترم وانا اعتبرهم زملاء عمل وأخوات تتصل عليه تحكيه مشكلة انه زوجها خانها طَيب على كدا انا لازم ادور على احد افضفضله بالا يوجع قلبي لأني تعبت سنين وانا ادعي زوجي ماتغير كل مالو وضعه يسوء وإلا خلاني افقد الثقة فيه ما يصلي ولا عنده احساس لما يسمع الاذان قلبه ميت فكيف راح يخاف الله فيا وهو مايخاف الله ربي تعب من طلباتي وانا تعبت من نفسي ما أحب احكي احد مِن اهلي عشان لايكروه لأني احبه ومتأمله يتغير أتحمل كل شي خيانه ويقلي مريضة ما يصلي وادعيله والله مو عارفة ايش اسوي اذا انا مريضة او شكاكة صارحوني لأني تعبت تعبت الله يسعدكم لا تجهالوا رسالتي ملاحظة زوجي اتغير اكتر بعد وفاة بابا الله يرحمه وبابا كان يهزه وأهلي مو أعطيته الثقة لكن هو ما يستاهلها الحمدلله على كل حال وفوضت امري لله قادر ربي يكشف الحقيقة عشان شي واحد عشان أتأكد اني مو مريضة لانه هو اذا ربي ماهداه انا ما بيدي شي وإذا انا مريضة هو سبب مرضه بأفعاله الا مايعترف بيها وشكرا لكم