زوجي يفضل ويحب أولادنا أكثر مني

add_commentأضف إجابتك

thumb_downلم يعجبني0

مشكلتي دي بالنسبة لي كبيرة انا جوزي مدلع الاولاد بشكل مبالغ فيه بيجيبلهم وهو راجع من الشغل حاجات اكتر من٣٠ جنيه يوميا اقسم بالله حلويات بس شيبسي ولبان وميجا المهم يجوا يروحوا المدرسة الصبح عايزين مصروف انا بعملهم ساندوشات في البيت بانيهات وعصير ومبديش مصروف واشترطت عليه ميديش مصروف عشان كان بيديهم فلوس برده الصبح وقلتله بيرجعوا بالساندوتشات واحنا مرتبه ضايع في الاكل والشرب بس وبعدين العيال بيقولوا الفاظ وحشة لبعض الايام دي بيسمعوها منه وهو سايق وساعات بيجيبوها من المدرسة فانا قلتلتهم لو شتمتوا بعض بالالفاظ دي تاني مفيش حاجات حلوة وقلتلة متجبش حاجات وانت راجع مفيش فايده بيجيب برده وبقوا يضحكوا عليا ويقولوا هيجيبلنا غصب عنك اقسم بالله كلمته كتير واتفقت معاه ميجيبش وانا اللي هدي مصروف الصبح وقلتلهم كل واحد ليه مصروف عشرة جنيه في اليوم واللي هيقول لفظ همنع منه المصروف وفعلا والله الالفاظ ابتدت تتلاشى ولقيت سلوك ايجابي وبقوا يسمعوا الكلام عيالي ١٣١٠٧ واحد منهم حوش مبلغ كبير وبقا فرحان ويقول هجيب العاب كذا وكذا والاتنين التانيين كل يوم ياخدوا المصروف ويقفوا اودام السوبر ماركت وبييشتروا حاجات تنقط المهم قلت هاصبر واحفزهم زي اخوهم وبقيت مبسوطة جه باباهم من يومين لقيتوا رجع يجيب حاجات حلوة تاني قلتله انا بديهم يقولي بيتصلوا يزنوا قلتلوا اللي بيزنوا دول جايبين حاجات كتير النهارده وابتدوا يتطاولوا عليا تاني ويضحكوا قالي خلاص متديهمش فبقولوا انا اللي يهمني الثواب والعقاب ارجوك وكذا مرة اكلمه ومفيش فايده المهم العيال والله يجي منهم بس هما لما بيدلعهم والله بيتريقوا ويشتموني بس مش اودامه جيه امبارح جاب حاجات كتير قمت لماها كلها وقلتله دول ما يستاهلوش والمؤدب بس اللي هياخد قعدوا يزنوا قام زعقلي قدمهم وقال عليا نكدية والعيال خدوا الحاجة وقعدوا يضحكوا عليا وصلتهم النهارده وجيت بقوله لازم منختلفش اودام العيال وجيت اتكلم معاه وهو بيلبس ورايح الشغل يكلمني بلا مباله ويقولي مش فايقلك على الصبح قلتله انت عيالك مش هيتربوا كده وزعقنا مع بعض وبعدين انا كل اسلوبي كده معاهه مفيش تفاهم اعمل ايه والله المشكلة دي مأزماني نفسيا وعيالي حلوين وييجي منهم بس هو مخليهم باسلوبه يتطاولوا عليا لانه بيستخف بيا كمان اودامهم اعمل ايه معاه الرابط يا ادمن من فضلك
add_commentأضف إجابتك

thumb_down لم يعجبني 0

إجابات السؤال

صورة علم United States
أضف إجابتك على السؤال هنا
  • لبنى النعيمي مدربة العلاقات الاجتماعية
    لبنى النعيمي مدربة العلاقات الاجتماعية verified_userعزيزتي كل شي زاد عن الحد انقلب ضده وهذا المثل ينطبق عليك انت وزوجك. أنتما على طرفي نقيض في طريقة تربيتكم للأولاد والأولاد بالرغم من صغر سنهم اذكياء ويستطيعون معرفة الطريقة الأفضل لاستغلال كل منكما لمصلحتهم. كما ارجو ان نعرف ان التربية قايمة على نيتنا قي تنشئة أبناء صالحين، محبين، لديهم قيم ويستطيعون الاعتماد على أنفسهم لكننا نختلف في طريفة التطبيق. لذلك ارجو اولا ان تضعي مع زوجك خطة للتعامل مع الاولاد. ليس من الضرورة ان تتبعي طريقته او يوافق على طريقتك ولكن ضعي حل واقعي بناءا على ما وصل اليه الحال الان. ثانيا ، بالتأكيد ان عدم احترام الاولاد لك شي غير مقبول ابدا لذلك يجب وضع ايضا خطة مع زوجك لمساندتك في تقويم هذا السلوك فاولادك كما ذكرت حلوين ويجي منهم لذلك ارجو استثمار هذه الصفات الحميلة وان لا تضعي اولادك ند لك وأن لا تترجمي تصرفات زوجك على انها تحدي أو عدم احترام لرغباتك. كما يمكنك التحدث مع اولادك وشرح السبب وراء إصرارك على بعض الامور وإشراكهم في وضع خطة للتنفيذ حينها يصبحون مشاركين في اتخاذ القرار والتنفيذ. حاولي واستمري بالحديث معهم وسَرِّح الأسباب حتى تصبح الامور اكثر وضوحا بينكم. وفقك الله.
  • صورة علم Egypt
    صورة علم Egypt
    مجهول
    انا بتمني انك تفكري في طريقه واسلوب جديد تقومي بيه سلوك اولادك بعيد عن جوزك . بالحنان الطفل بيسمع الكلام اكتر من انك تحرميه من الاكل او الشيء اللي بيحبه .اتكلمي معاهم صاحبيهم وتجنبي انك تدخلي في المنطقه الي بين جوزك وبينهم وتجنبي تتكلمي مع جوزك في الموضوع ده لانك مش هتجيبي نتيجه معاه بالعكس الاولاد هيشوفو الخلافات اللي بينكم وده مش في صالحهم
  • صورة علم Saudi Arabia
    صورة علم Saudi Arabia
    مجهول
    ماعليك اهتمي لابنائك واجذبيهم لك بالمعاملة الحسنة والاحتواء وعلميهم كويس الصح من الخطأ علميهم على اخلاق المصطفى وهكذا يسمعون منك ويحبونك لا تحسسينهم انك ضدهم
  • صورة علم Egypt
    صورة علم Egypt
    مجهول
    المشكله ان زوجك بيضرهم اكبر ضرر من غير ميحس الحاجات اللي بيجبهالهم كل يوم بتجيب سرطان هي اصلا سرطان ليه الأذية دي انا شوفت حاله لطفل كان كل يوم أهله يجيبولوا شيبسي جاله المرض يا عيني واتمنوا لو يرجع بيهم الزمن و ميتعزبش ابنهم كده هما اللي دمروه بايديهم أو اقل حاجه هيبقي مناعتهم ضعيفه كل أسبوعين هيجيلهم برد وهيبقوا اصحاب مرض جوزك دا جاهل بجد الحاجات دي بتيجي كل اسبوع مثلا بره بيعودوهم علي الاكل من غير سكر أو ملح خالص عشان الصحه والعرب جهله
  • صورة علم Jordan
    صورة علم Jordan
    مجهول
    والله اللي ما عنده مشكلة بيخلق مشكلة من لا شئ كوني سيدة عاقله ومحترمه ولا تخربي بيتك كبري دماغ
  • صورة علم
    صورة علم
    مجهول
    انا عن نفسي احب ابني اكثر من زوجتي
  • صورة علم
    صورة علم
    مجهول
    لا تنتظري ان تكون الحياة حيوية من زوجك فقط، انتي ايضا مطالبة ان تكوني حيوية وتقاتلي هذا البرود والفتور
  • صورة علم
    صورة علم
    مجهول
    المشكلة في عدم القدرة على ادارة الحياة الزوجية وخلافاتها واسلوب النقاش بينكم يؤدي للمشاكل
  • صورة علم
    صورة علم
    مجهول
    الان انتي بحاجة لامتصاص زوجك اكثر، وان تكوني قوية ، حاولي ان تتجنبي التصادم معاه قدر الامكان، اعرف ان الحياة عفوية وهذه معاملة يوميا وفي الوجه دائما، لكن انتي بحاجة للتعامل معه وفقاً لنفسيته الضعيفة
  • صورة علم
    صورة علم
    مجهول
    بالتوافق والتفاهم يتم الوصول إلى نقطة لقاء مشتركة بينكما
صورة علم United States
أضف إجابتك على السؤال هنا