خائفة على أولادي من طلاقي للمرة الثالثة

انا مشكلتي مع زوجي ، عأساس اتزوجنا على حب وبعد قصة معقدة ومرض وتعب لحتى قبلت اتزوجوه وطبعا من بعد اول يوم زواج بلشت المشاكل وعلى اتفه الاسباب مثلا اذا غرض بالبيت صرلو شي بدون قصد مني او اي شي تافه جدا وبعد الولاد اذا بكي ولد او عمل اي شي غلط واحيانا بدون سبب بس مزاجية وانا مابعرف ليش بيبطل يحكي معي فترة ممكن ايام وبيلتئم على طول وممنوع النقاش لحتى صالحه بنرجع يوم وبنتخانق ايام وعأساس فيه حب بس انا بقلو مو هيك الحب ، الحب فيه تسامح واستيعاب وهيك مشيت حياتنا وصرلنا عشر سنين متزوجين وصار عندنا ولدين وبهالفترة اتطلقنا مرتين ورجعنا وكمان بسبب شغلات تافهة بس اخر فترة مدو ايدو عليي وحبسني مرتين اسبوعين بالبيت وطبعا كلو اسباب تافهة يعني بالمختصر هو بدو يضل يلتئم عأبسط الاسباب ومايحكي معي لايام طويلة حتى انا اتذللو وصالحو ويبهدلني ويعمل شو مابدو فيني ونرجع يوم مناح بس وهكذا مع العلم نحن بغربة وهو ابدا مايتنازل ولا يقدم شي إلي ابدا ولا حب ولا حنان ولا كلمة حلوة حتى العلاقةالحميمة انا لازم بلش واذا مابلشت بيقلب حياتي جحيم بس هو مافي مبادرة وهلق انا بوضع حاسة بكره فظيع تجاهه ومو قادرة استمر معه ، عندي حاجة كبيرة للحب والاهتمام اللي مفتقدته وحاسة بوحدة فظيعة ، بس ساكتة وخايفة على ولادي من الانفصال