زوجي شكاك، انصحوني كيف أكمل حياتي معه؟

السلام عليكم سعيدة جدا بمعرفتي بيكم بعيدا عن حزني والمي اللي صاحية نايمة فيها اليكم مشكلتي لعل الله يلهمني الصواب عن طريق نصحكم انا زوجة وام لثلاث اولاد اكبرهم جامعية واصغرهم في المرحلة الابتدائية مشكلتي بل كارثة حياتي الزوجية ان زوجي شكاك ظان السوء بكل من حوله لا يحسن الظن لا بغريب ولا قريب من يوم ما تزوجته وهو دايما كان يظن اني اطلع اسرار بيتي لأمي واهلي واقسم بالله ماحصل شيء من ظنه فيا لا بالقليل ولا الكثير ماتت أمي بدأ يظن في أختي الصغرة بعدت عن أختي ودخلت عالم النت والسوشيال ميديا وكنت دائما احب اشاركه كل شيء عليه بحسن نية مني ومرت الايام واتقلبت حياتي لجحيم بشكه وظنه وبدأ يشتكي مني للقريب والغريب ويتسأل انت شاكك في اخلاقها يرد يقول ابدا هي لو في وسط مية راجل تصون نفسه يسألوا طب مشگلتك ايه يسكت ويرجعلي ويعتذرلي ويراضيني واقبل عشان خاطر اولادي مع العلم ان حتي اولادي دخل الشك في قلوبهم بظنه السوء وكلامه الجارح عني وكنت انا الاب والام والقدوة ليهم طول حياتي وهو دايما كان بره البيت وبره حياتنا وكنت الحمدلله مربيهم تربية يحلف بيها الكل ومع المشاكل بيني وبين ابوهم والظن والشك كانوا ولادي في بداية مرحلة المراهقه واتأثروا جداااا بمشاكلنا ومع ذلك كل ما كنت اقرر انفصل واحافظ علي الباقي منهم كاان الكل يقولي ظل راجل ولا ظل حيطه ومرت ٨ سنوات والحال نفس الحال بل اسوء لان الاولاد بيكبروا وانا بكبر واللي كان ممكن يتقبل من ٨ سنين بقي صعب النفس والشيبه دلوقتي تقبله او تقدر تستحمله انا تعبت ياحلوها محتاجة نصحكم لو اصبر قولولي هتكون الفايدة ايه ليا ولاودي ولسمعتي قدام الناس والجيران اللي بتسمع خناقنا وكلامنا عن شكه فيا و٤ي اخلاقي مع العلم انا ست بيوتيه ولو نزلت يا معاه يا مع حد من الاولاد ورغم ظلمه وظنونه هو مامسك عليا شيء ولا شاف بل انا اللي شوفت محادثات ليه مع بنات وسيدات متزوجة علي النت وسكت رغم جرح مشاعري وكرامتي وانا ست بشهادة الجميع جمال وخلق وذكاء سكت مش ضعف ولا قلة حيلة بس خفت علي اولادي ونفسيتهم خفت علي احترمهم ليه يتهز بالذات ان علاقته بابنه سيئه جدا وحاولت اصلحها كتير بالكلام بيني وبينه وهو مكابر عنيد لا ياخد بنصح ولا توجيه دلوني اكمل الباقي من عمري ازاي مع راجل بكل الظنون والشكوك دي وبالله عليكم ماتنصحوني بي ريحيه افتح كل مايخصك ليه ده الحمام لو اتأخرت فيه يسألني كنتي بتعملي ايه ده كله